അയല്വീട്ടിലെ കുളിമുറിയിലേയ്ക്കു ക്യാമറ; നാട്ടുകാരില് നിന്നു പ്രവാസിയെ രക്ഷിക്കാന് സിപിഎം നേതാവും പൊലീസും രംഗത്ത്
അതിര്ത്തി തര്ക്കത്തെ തുടര്ന്നു അയല്വീട്ടിലെ കുളിമുറിയിലേയ്ക്കു രഹസ്യ ക്യാമറ തുറന്നുവച്ച പ്രവാസി മലയാളി യുവതിയുടെ ഭര്ത്താവ് കുടുങ്ങി. നാട്ടുകാരുടെ പ്രതിഷേധത്തെ തുടര്ന്നു ക്യാമറ പിടിച്ചെടുത്ത പൊലീസും സിപിഎം നേതാക്കളും ചേര്ന്നു യുവാവിനെ രക്ഷിക്കാന് ശ്രമിക്കുന്നതായും ആരോപണം ഉയര്ന്നു. നാട്ടകം ഗസ്റ്റ് ഹൗസിനു സമീപം ഇന്നലെ വൈകിട്ട് ഏഴരയോടെയായിരുന്നു സംഭവങ്ങള്. പ്രദേശത്തെ രണ്ടു നിലവീട്ടില് വാടകയ്ക്കു താമസിക്കുകയാണ് പ്രവാസി മലയാളിയായ യുവതിയുടെ ഭര്ത്താവും രണ്ടു മക്കളും. ഭാര്യ കുവൈറ്റില് നഴ്സാണ്. രണ്ടു വര്ഷം മുന്പാണ് ഇവര് കുവൈറ്റിലേയ്ക്കു പോയത്. ഇതിനു ശേഷമാണ് ഇയാള് ഇവിടെ താമസിക്കാന് എത്തിയത്. ഭാര്യ ഗള്ഫില് പോയപ്പോള് മുതല് ഇയാളും അയല്വാസികളും തമ്മില് തര്ക്കമുണ്ടായിരുന്നതായി നാട്ടുകാര് പറയുന്നു.
ഇയാളുടെ അയല്വീട്ടില് താമസിക്കുന്നവര്ക്കു അടച്ചുറപ്പില്ലാത്ത കുളിമുറിയാണ് ഉള്ളത്. തുണിയില് തീര്ത്ത ഈ കുളിമുറിയിലാണ് വീട്ടിലെ സ്ത്രീകള് അടക്കമുള്ളവര് കുളിച്ചിരുന്നത്. ഈ കുളിമുറിയിലേയ്ക്കു നീണ്ടു നില്ക്കുന്ന നിലയില് സിസിടിവി ക്യാമറയാണ് ഇയാള് സ്ഥാപിച്ചിരുന്നത്. ഇവിടുത്തെ വീട്ടിലെ സ്ത്രീകള് കുളിക്കാന് കയറുമ്പോള് ഇയാള് ക്യാമറ പ്രവര്ത്തിക്കുകയും ദൃശ്യങ്ങള് പകര്ത്തുകയും ചെയ്തിരുന്നതായും നാട്ടുകാര് ആരോപിച്ചു. ദൃശ്യങ്ങള് ക്യാമറയില് പകര്ത്തിയ ശേഷം ഇയാള് അശ്ലീല വൈബ് സൈറ്റില് പകര്ത്തി നല്കിയിരുന്നതായി നാട്ടുകാര് ആരോപിക്കുന്നു.
സംഭവം വിവാദമായതോടെ നാട്ടുകാര് വീട് വളഞ്ഞ് ക്യാമറ പിടിച്ചെടുക്കാന് ശ്രമിച്ചു. ഇതിനിടെയാണ് പനച്ചിക്കാട് പഞ്ചായത്തിലെ സിപിഎം അംഗം സ്ഥാനത്ത് എത്തിയത്. പ്രശ്നത്തില് ഇടപെട്ട ഇദ്ദേഹം താന് ക്യാമറ പരിശോധിച്ചതായും ദൃശ്യങ്ങള് ഒന്നും അതിലില്ലെന്നും വ്യക്തമാക്കി. ഇതോടെ നാട്ടുകാര് കൂടുതല് പ്രതിഷേധവുമായി രംഗത്ത് എത്തി. ഇതിനിടെയാണ് കോട്ടയം ഈസ്റ്റ് പൊലീസും സ്ഥലത്ത് എത്തി. തുടര്ന്നു ക്യാമറ ദൃശ്യങ്ങള് പകര്ത്തിയ ഹാര്ഡ് ഡിസ്കും, ക്യാമറയും പൊലീസ് പിടിച്ചെടുത്തു. ബുധനാഴ്ച നാട്ടുകാരുടെ സാന്നിധ്യത്തില് ദൃശ്യങ്ങള് പരിശോധിക്കുമെന്നു പൊലീസ് അറിയിച്ചു.
https://www.facebook.com/Malayalivartha
