വിദ്യാര്ത്ഥിനിയുടെ വ്യാജ അശ്ലീല ചിത്രങ്ങള് കൗമാരക്കാരന് ഇന്റര്നെറ്റില് പ്രചരിപ്പിച്ചു
സ്കൂള് വിദ്യാര്ത്ഥിനിയുടെ വ്യാജ അശ്ലീല ചിത്രങ്ങള് ഇന്റര്നെറ്റില് പ്രചരിപ്പിച്ച സംഭവത്തില് കൗമാരക്കാരനെ പോലീസ് ജുവനൈല് ജസ്റ്റീസ് ബോര്ഡിനു മുമ്പാകെ ഹാജരാക്കി. തുടര്ന്ന് 14 ദിവസത്തേക്ക് തിരുവഞ്ചൂര് ജുവനൈല് ഹോമിലേക്കയച്ചു. തൊടുപുഴ ഡിവൈ.എസ്.പി. എന് എന് .പ്രസാദിനായിരുന്നു കേസന്വേഷണ ചുമതല.
തിങ്കളാഴ്ചയാണ് പോലീസ് നിര്ദേശത്തെത്തുടര്ന്ന് കൗമാരക്കാരനെ പിതാവ് ജുവനൈല് ജസ്റ്റീസ് ബോര്ഡിനു മുമ്പാകെ ഹാജരാക്കിയത്. പെണ്കുട്ടിയെ വലയിലാക്കാന് നടത്തിയ ശ്രമം പരാജയപ്പെട്ടപ്പോഴാണ് ബന്ധുവിന്റെ പക്കല് നിന്ന് ഫോട്ടോ കൈക്കലാക്കി മോര്ഫുചെയ്ത് അശ്ലീലചിത്രം പ്രചരിപ്പിച്ചത്.
രക്ഷിതാക്കള് പരാതി നല്കിയെങ്കിലും ഇടുക്കി പോലീസ് കൗമാരക്കാരനെ താക്കീതു നല്കി വിടുകയായിരുന്നു. ഇതിനുശേഷവും പെണ്കുട്ടിയെ ഭീഷണിപ്പെടുത്തിയതിനെത്തുടര്ന്നാണ് ജില്ലാ പോലീസ് മേധാവി, മുഖ്യമന്ത്രി, ഡി.ജി.പി. എന്നിവര്ക്ക് പിതാവ് പരാതിനല്കിയത്. തുടര്ന്നാണ് ജില്ലാ പോലീസ് മേധാവി കെ.ബി. വേണുഗോപാല് കേസ് തൊടുപുഴ ഡിവൈ.എസ്.പിക്കു കൈമാറിയത്.
https://www.facebook.com/Malayalivartha
