പിണറായി വിജയന്‍ സര്‍ക്കാരിനെ അട്ടിമറിക്കാന്‍ ഗൂഡാലോചനയെന്ന് സംശയം. കേരളത്തിലെ ആദ്യ മന്ത്രിസഭയുടെ അറുപതാം പിറന്നാള്‍ ദിനത്തില്‍ തന്നെ സര്‍ക്കാരിന് കളങ്കമുണ്ടാക്കിയ സംഭവക്കള്‍ക്ക് പിന്നില്‍ അട്ടിമറിയുണ്ടോ എന്ന് പിണറായി പോലും സംശയിക്കുന്ന സ്ഥിതിയാണ് ഇപ്പോഴുളളത്.
വി എസ് അച്യുതാനന്ദനാണ് ആദ്യം പിണറായിക്കെതിരെ വാളോങ്ങിയത്. സ്വന്തം കൈയിലെ വടി മറ്റൊരാളിന് കൊടുത്ത ശേഷം തല്ലാന്‍ പറഞ്ഞത് പോലെയായി കാര്യങ്ങള്‍. യഥാര്‍ത്ഥത്തില്‍ സര്‍ക്കാരിന്റെ ചരിത്രത്തിന് കറുത്ത ദിനമായി മാറി ബുധനാഴ്ച.
ഡി ജി പി ലോക്‌നാഥ് ബഹ്‌റയാണ് സംഭവങ്ങള്‍ വഷളാക്കിയതെന്ന് മുഖ്യമന്ത്രി കരുതുന്നു.സെക്രട്ടേറിയറ്റിനും രാജ്ഭവനും ഇല്ലാത്ത സുരക്ഷ എന്തിനാണ് ഡി ജി പി ഓഫീസിനെന്നാണ് നാട്ടുകാര്‍ ചോദിക്കുന്നത്. ഇതു തന്നെയാണ് മുഖ്യമന്ത്രിയുടെയും സംശയം.
ജിഷ്ണുപ്രണോയിയുടെ അമ്മയുമായി വേണമെങ്കില്‍ ഡിജിപിക്ക് സംസാരിക്കാമായിരുന്നു .എന്നാല്‍ അതിനു മുമ്പ് തന്നെ സംഘര്‍ഷം ആരംഭിക്കുകയായിരുന്നു. മ്യൂസിയം എസ് ഐയാണ് വിഷയങ്ങള്‍ വഷളാക്കിയതെന്ന് ഇന്റലിജന്‍സ് റിപ്പോര്‍ട്ടുണ്ട്. അദ്ദേഹം രാജാവിനേക്കാള്‍ രാജഭക്തി കാണിക്കുകയായിരുന്നു. ജിഷ്ണുവിന്റെ വിഷയം സെന്‍സിറ്റീവാണെന്ന് മനസിലാക്കാന്‍ കഴിയാത്തത് പോലീസിന്റെ വീഴ്ച തന്നെയാണ്.
മാധ്യമങ്ങളുടെ മുന്നിലിട്ട് മഹിജയെ ആക്രമിച്ചത് തെറ്റായിപ്പോയെന്ന് എല്ലാവരും കരുതുന്നു. മാധ്യമങ്ങള്‍ സര്‍ക്കാരിന് എതിരാണെന്ന് മനസിലാക്കാനുള്ള വിവേകം പോലും പോലീസിനുണ്ടായില്ല.
പോലീസ് പിണറായിയുടെ കൈയില്‍ നില്‍ക്കുന്നില്ലെന്നാണ് പിണറായിയുടെ ഭക്തര്‍ പോലും പറയുന്നത്.
പിണറായിയുടെ പാര്‍ട്ടിക്കാരാണ് ജിഷ്ണുവിന്റെ കുടുംബക്കാര്‍.അമ്മയുടെ സഹോദരന്‍ ദേശാഭിമാനിയുടെ പ്രാദേശിക ലേഖകനാണ്. സഹോദരന്‍ സജിയെയും പോലീസ് തല്ലി. ചങ്ങലക്ക് ഭ്രാന്ത്ര് പിടിച്ച അവസ്ഥയിലാണ് സര്‍ക്കാര്‍.
മുഖ്യമന്ത്രിയെ താഴെയിറക്കാന്‍ സി പി എം ഗൂഢാലോചനയുണ്ട്. സര്‍ക്കാര്‍ വല്ലാത്ത സമ്മര്‍ദ്ദത്തിലാണ്. സര്‍ സിപി യെ പോലെയാണ് മുഖ്യമന്ത്രി പെരുമാറുന്നതെന്ന് ആരോപണമുണ്ട്.പോലീസിനെ മുഖ്യമന്ത്രി ഇപ്പോഴും ന്യായീകരിക്കുന്നു. ഒരു പോലീസുകാരനെ പോലും സര്‍ക്കാര്‍ സസ്‌പെന്റ് ചെയ്തില്ല. എപ്പോഴും മുഖ്യന്‍ പോലീസിനെ ന്യായീകരിക്കുകയും ചെയ്യുന്നു.


.