ഹാജര്‍ നില കുറവായതാണ് താരത്തിനെതിരെ നടപടിയെടുക്കാന്‍ കാരണം
ദേശീയ ഫുട്‌ബോള്‍ താരം സി കെ വിനീതിനെ ജോലിയില്‍ നിന്ന് പിരിച്ച് വിട്ടു. ജോലിയില്‍ നിന്നും ഒഴുവാക്കരുതെന്ന കായിക മന്ത്രി ആവശ്യപ്പെട്ടിട്ടും എജീസ് ഓഫീസിലെ ഓഡിറ്റര്‍ തസ്തികയില്‍ നിന്നും വിനീതിനെ ഒഴിവാക്കുകയായിരുന്നു. മതിയായ ഹാജര്‍ ഇല്ലെന്ന് ചൂണ്ടിക്കാട്ടിയാണ് നടപടി. സ്‌പോര്‍ട്‌സ് ക്വോട്ടയിലാണ് വിനീത് ജോലിയില്‍ പ്രവേശിച്ചിരുന്നത്.
അതേസമയം, പിരിച്ച് വിട്ടതിനെതിരേ നിയമ നടപടികളുമായി മുന്നോട്ട് പോവാന്‍ താല്‍പര്യമില്ലെന്നും ഫുട്‌ബോള്‍ കളിക്കുന്നത് അവസാനിപ്പിക്കില്ലന്നും. സ്‌പോര്‍ട്‌സിലുടെയാണ് ജോലി കിട്ടിയതെന്നും അതിനാല്‍ ജോലി നഷ്ടപ്പെട്ടതില്‍ ദുഖമില്ലന്നും വിനീത് പറഞ്ഞു
ദേശീയ ടീമില്‍ ഇടം നേടുകയും ഐഎസ്എല്ലില്‍ മികച്ച പ്രകടനം നടത്തുകയും ചെയ്ത വിനീതിന് കളിത്തിരക്ക് മൂലം ഓഫീസിലെത്താന്‍ കഴിഞ്ഞിരുന്നില്ല ഹാജര്‍ നില കുറവായതാണ് താരത്തിനെതിരെ നടപടിയെടുക്കാന്‍ കാരണം. 2011ലായിരുന്നു വിനീത് ഏജീസില്‍ നിന്ന് രണ്ട് വര്‍ഷത്തെ ലീവ് എടുത്തത്.
https://www.facebook.com/Malayalivartha
