വൈക്കത്തെ കെ.പി.എം.എസ് ഔദ്യോഗിക വിഭാഗത്തിന്റെ ഓഫീസിനു മുന്നിലുള്ള അയ്യന്കാളി പ്രതിമ തകര്ത്ത നിലയില്
അയ്യന്കാളിയുടെ പ്രതിമ തകര്ത്തനിലയില്. വൈക്കത്തെ കെ.പി.എം.എസ് ഔദ്യോഗിക വിഭാഗത്തിന്റെ ഓഫീസിനു മുന്നിലുള്ള അയ്യന്കാളി പ്രതിമയുടെ തലഭാഗം വിേഛദിച്ച നിലയില് ഇന്നലെ രാവിലെ കണ്ടെത്തുകയായിരുന്നു.
രാവിലെ ഓഫീസ് തുറക്കാന് എത്തിയവരാണ് ആദ്യം വിവരമറിഞ്ഞത്. എം.കെ കേശവന് റോഡിലുള്ള ഓഫീസിലെ പ്ലാസ്റ്റര് ഓഫ് പാരീസില് നിര്മിച്ച പ്രതിമയാണു സമൂഹ്യവിരുദ്ധര് തകര്ത്തത്. ഏതാനും ദിവസങ്ങള്ക്കു മുന്പു പ്രതിമ മോടിപിടിപ്പിച്ചിരുന്നു. ഉടന് ഇവര് സംഘടനാ ഭാരവാഹികളെയും പോലീസിനെയും വിവരമറിയിച്ചു.
മാസങ്ങള്ക്കു മുന്പുവരെ ജനെമെത്രി പോലീസ് ഈ മേഖലയില് നിരീക്ഷണം നടത്തിയിരുന്നു. എന്നാല് ഇതുനിലച്ചതോടെ ഈ പ്രദേശത്തു സാമൂഹ്യവിരുദ്ധ പ്രവര്ത്തനങ്ങള് ശക്തമാണെന്നു നാട്ടുകാര് പരാതിപ്പെട്ടു.
ഇന്നലെ ഇവിടെയെത്തിയ ഡിെവെ.എസ്.പി ഉള്പ്പെടെയുള്ള ഉന്നത പോലീസ് അധികാരികളോട് നാട്ടുകാര് ഇതുസംബന്ധിച്ചു പരാതിപ്പെട്ടു. ഔദ്യോഗിക വിഭാഗത്തിന്റെ നേതൃത്വത്തില് നഗരത്തില് പ്രതിഷേധ പ്രകടനം നടന്നു. യൂണിയന് പ്രസിഡന്റ് രാജുവും സെക്രട്ടറി ജയകുമാറും നേതൃത്വം നല്കി.
ഡിെവെ.എസ്.പി സുഭാഷ്, സി.ഐ ജയപ്രകാശ്, എസ്.ഐ എം.സാഹില് എന്നിവരുടെ നേതൃത്വത്തിലുള്ള പോലീസ് സംഘം സ്ഥലത്തെത്തി പരിശോധനകള് നടത്തി. ശാസ്ത്രീയ പരിശോധനകളുടെ വിവരങ്ങള് ലഭിച്ചാല് മാത്രമേ യഥാര്ഥ വസ്തുത പുറത്തുവരികയുള്ളുവെന്ന് സി.ഐ മാധ്യമപ്രവര്ത്തകരോട് പറഞ്ഞു.
https://www.facebook.com/Malayalivartha
