ശ്രീവത്സം ഗ്രൂപ്പിനെക്കുറിച്ച് രഹസ്യാന്വേഷണ വിഭാഗം നല്കിയ വിവരങ്ങള് അവഗണിച്ചത് എന്തിന്?
ശ്രീവത്സം ഗ്രൂപ്പിന്റെ പ്രവര്ത്തനങ്ങള് സംബന്ധിച്ചു രണ്ടു വര്ഷം മുമ്പ് രഹസ്യാന്വേഷണ വിഭാഗം നല്കിയ വിവരങ്ങള് സംസ്ഥാന പൊലീസ് അവഗണിച്ചതായി കണ്ടെത്തി. ഇന്റലിജന്സ് സംശയം ഉന്നയിച്ച ഇടപാടുകളെക്കുറിച്ച് ഒരു അന്വേഷണവും നടന്നില്ല. നിലവിലെ റെയിഡിന്റെ പശ്ചാത്തലത്തില് സംസ്ഥാനത്തിന് ദോഷകരമായ ഇടപാടുകള് ശ്രീവല്സം ഗ്രൂപ്പ് നടത്തിയിട്ടുണ്ടോ എന്ന് പൊലീസ് വീണ്ടും അന്വേഷിക്കുകയാണ്. പാര്ട്ടി അംഗങ്ങള്ക്ക് എം.കെ.ആര്.പിള്ളയുമായി ബന്ധമുണ്ടോയെന്ന് സിപിഎമ്മും അന്വേഷിക്കും.
അതേ സമയം അന്നത്തെ ആഭ്യന്തര മന്ത്രി ഇതില് ഉത്തരം പറയണമെന്ന നിലപാടിലാണ് പ്രതിപക്ഷ നേതാക്കള്.
നാഗാലാന്ഡ് പൊലീസിന്റെ ഔദ്യോഗിക വാഹനങ്ങളില് സംസ്ഥാനത്തേക്ക് പണം കടത്തിയെന്ന് ആരോപണം ഉയര്ന്നിരുന്നു. കൂടാതെ സംസ്ഥാനത്തിന്റെ വിവിധ ഭാഗങ്ങളില് വ്യാപകമായി ഭൂമിയിടപാടും ഗ്രൂപ്പ് നടത്തിയെന്നു സൂചനയുണ്ട്. ഈ സാഹചര്യത്തിലാണ് ശ്രീവല്സം ഗ്രൂപ്പിന്റെ സംസ്ഥാനത്തെ പ്രവര്ത്തനം സംബന്ധിച്ചു കേരള പൊലീസ് ഇന്റലിജന്സ് വിഭാഗം അന്വേഷിക്കുന്നത്. രണ്ടു വര്ഷം മുമ്പാണ് ശ്രീവത്സം ഗ്രൂപ്പിന്റെ പ്രവര്ത്തനങ്ങള് സംബന്ധിച്ച് പൊലീസിനു ആദ്യമായി രഹസ്യ വിവരം ലഭിക്കുന്നത്. പ്രദേശത്തു നിന്നു ലഭിച്ച പരാതിയില് തുടരന്വേഷണം നടത്തിയതു വഴിയാണ് നാഗാലാന്ഡ് വാഹനങ്ങള് സ്ഥിരമായി പന്തളത്തു വന്നു പോകുന്നുവെന്ന് കണ്ടെത്തുന്നത്.
തുടര്ന്ന് ഇന്റലിജന്സ് വിഭാഗം പ്രാഥമിക വിവരങ്ങള് ശേഖരിക്കുകയും പരാതിയിലെ വിവരങ്ങള് ശരിയാണെന്നു കണ്ടെത്തുകയും ചെയ്തു. നാഗാലാന്ഡ് പൊലീസിന്റെ വാഹനങ്ങളില് എന്തു കടത്തുന്നുവെന്നു കണ്ടെത്തുകയായിരുന്നു ഇന്റലിജന്സ് അന്വേഷണത്തിന്റെ ലക്ഷ്യം. എന്നാല് അതിന് കഴിഞ്ഞില്ല. ഈ റിപ്പോര്ട്ടിന്റെ അടിസ്ഥാനത്തില് വാഹനങ്ങള് പിടിച്ചെടുത്തു പരിശോധിക്കാന് പൊലീസ് തയ്യാറായില്ലെന്നതാണ് സത്യം. വിശദമായ അന്വേഷണത്തിനു ഇന്റലിജന്സ് വിഭാഗം റിപ്പോര്ട്ടു നല്കിയെങ്കിലും തുടര്നടപടി ഉണ്ടായില്ല. അന്ന് പാതിവഴിയിലവസാനിച്ച അന്വേഷണമാണ് ഇപ്പോള് വീണ്ടും തുടങ്ങിയത്.
അതേസമയം എം.കെ.ആര്.പിള്ളയുമായി ഹരിപ്പാട്ടെ സിപിഎം നേതാക്കള്ക്ക് ബന്ധമുണ്ടെന്ന് ആരോപണമുണ്ട്. ഇതിന്റെ പശ്ചാത്തലത്തില് വിഷയം അന്വേഷിക്കാന് പാര്ട്ടി തീരുമാനിച്ചു. ജില്ലാ സെക്രട്ടേറിയറ്റ് യോഗത്തില് ഏതാനും അംഗങ്ങള് ആവശ്യപ്പെട്ടതിനെ തുടര്ന്നാണ് തീരുമാനം. ഹരിപ്പാട് ഏരിയ കമ്മറ്റിയോട് പ്രാദേശിക നേതാക്കളുടെ ബന്ധം സംബന്ധിച്ച് അന്വേഷണം നടത്തി റിപ്പോര്ട്ടു നല്കാനാണ് നിര്ദേശം. റിപ്പോര്ട്ടിന്റെ അടിസ്ഥാനത്തില് തുടര് ചര്ച്ചകള് ഉണ്ടാകും.
https://www.facebook.com/Malayalivartha
