കേരളസര്ക്കാരില് നിന്ന് നീതിതേടി ബിജെപി നേതൃത്വം ഗവര്ണറെ കാണുന്നു
സംസ്ഥാനത്ത് ബിജെപി സംഘപരിവാര് സംഘടനകള്ക്കു നേരെ ഉണ്ടാകുന്ന ആക്രമണങ്ങളില് നടപടി എടുക്കണമെന്നാവശ്യപ്പെട്ട് ബിജെപി ആര്എസ്എസ് നേതാക്കള് ഗവര്ണറെ കാണുന്നു. ചൊവ്വാഴ്ച വൈകിട്ടാണ് കൂടിക്കാഴ്ച. പാര്ട്ടി ഓഫീസുകള്ക്ക് നേരെ ഉണ്ടാകുന്ന ആക്രമണങ്ങള് തടയാന് ഇടപെടണമെന്നാണ് ആവശ്യം. ബിജെപി സംഘപരിവാര് സംഘടനകള് ആക്രമിക്കപ്പെട്ടിട്ടും ആക്രമണങ്ങള് തടയുന്നതിന് സര്ക്കാര് നിഷ്ക്രിയമാണെന്നാണ് നേതാക്കള് പറയുന്നത്. സമാധാനം പുനഃസ്ഥാപിക്കാന് ഗവര്ണര് ഇടപെടണമെന്നാണ് നേതാക്കളുടെ ആവശ്യം.
ബിജെപി സംസ്ഥാന അധ്യക്ഷന് കുമ്മനം രാജശേഖരന്, ബിജെപി എംഎല്എ ഒ രാജ ഗോപാല് എന്നിവരുടെ നേതൃത്വത്തിലുള്ള സംഘമാണ് ഗവര്ണറെ സന്ദര്ശിക്കുന്നത്. സംഘപരിവാര്, ബിഎംഎസ് സംഘടനാ പ്രതിനിധികളും സംഘത്തിലുണ്ടാകും. ദില്ലിയില് സീതാറാം യെച്ചൂരിക്ക് നേരെ ഉണ്ടായ ആക്രമണത്തിന് പിന്നാലെ കേരളത്തില് നടന്ന സിപിഎം പ്രതിഷേധ പ്രകടനങ്ങള്ക്കിടെ ബിജെപി സംഘപരിവാര് സംഘടനകളുടെ ഓഫീസുകള്ക്കു നേരെ വ്യാപക ആക്രമണങ്ങള് ഉണ്ടായിരുന്നു.
ഇതിനെ തുടര്ന്നാണ് ഗവര്ണറെ സമീപിക്കുന്നത്. പിണറായി സര്ക്കാര് അധികാരത്തിലേറിയതിനു പിന്നാലെ കണ്ണൂരില് ബിജെപി പ്രവര്ത്തകര് കൊല്ലപ്പെടുന്ന സംഭവത്തില് പിണറായിയില് നിന്ന് നീതി കിട്ടില്ലെന്നു വ്യക്തമാക്കി ബിജെപി നേതാക്കള് ഗവര്ണര്ക്ക് പരാതി നല്കിയിരുന്നു. എന്നാല് പരാതി ഗവര്ണര് മുഖ്യമന്ത്രിക്ക് കൈമാറിയത് ബിജെപി നേതാക്കളെ ചൊടിപ്പിച്ചു. ബിജെപി നേതാക്കള് ഗവര്ണര്ക്കെതിരെ തിരിഞ്ഞിരുന്നു.
https://www.facebook.com/Malayalivartha
