വ്യക്തിവിവരങ്ങളും തിരിച്ചറിയല്രേഖകളും നവമാധ്യമങ്ങള് വഴി നല്കരുതെന്ന് പോലീസ്
വ്യക്തിവിവരങ്ങളും തിരിച്ചറിയല്രേഖകള് നവമാധ്യമങ്ങളിലൂടെ കൈമാറരുതെന്ന് പോലീസ് സൈബര് സെല് അറിയിച്ചു. വാട്സ്ആപ്പിലും മറ്റും നല്കുന്ന വിവരങ്ങള് ഗ്രൂപ്പുകളിലൂടെ പങ്കുവെയ്ക്കുന്നതുവഴി ദുരുപയോഗത്തിനുള്ള സാധ്യത കൂടുമെന്ന് പോലീസ് അറിയിക്കുന്നു. സ്വകാര്യരേഖകള് പൊതു കംപ്യൂട്ടറുകളില് ഉപേക്ഷിക്കുന്നതിനെതിരേ ഹൈടെക് ക്രൈം എന്ക്വയറി സെല്ലും മുന്നറിയിപ്പ് നല്കിയിട്ടുണ്ട്
ഇത്തരം രേഖകള് ഉപയോഗിച്ച് സൈബര് തട്ടിപ്പുകള് കൂടുന്നതിനാലാണ് മുന്നറിയിപ്പുമായി പോലീസ് മുന്നോട്ട് വന്നത്. വാട്സ്ആപ്പിലൂടെ വിവരങ്ങള് കൈമാറുമ്പോള് അബദ്ധത്തില് വ്യക്തിയോ ഗ്രൂപ്പോ മാറിയാല് അപകടമാവും. സുപ്രധാനവിവരങ്ങള് മൊബൈല് ഫോണില് സൂക്ഷിക്കുന്നതും ഒഴിവാക്കനാമെന്നും പോലീസ് അറിയിച്ചു. ഫോണില്നിന്ന് ഡിലീറ്റ് ചെയ്താലും വിവരങ്ങളോ ചിത്രങ്ങളോ രേഖകളോ വീണ്ടെടുക്കാന് ഇന്നെളുപ്പമാണ്. സിം കാര്ഡുകള് ഭീകരപ്രവര്ത്തനത്തിനുവരെ ഉപയോഗിക്കാനുള്ള സാധ്യത കൂടുതലാണെന്ന് പോലീസ് ആവര്ത്തിക്കുന്നു.
ആധാര്, തിരഞ്ഞെടുപ്പ് തിരിച്ചറിയല് കാര്ഡ്, സര്ട്ടിഫിക്കറ്റുകള് തുടങ്ങിയവ ഇന്റര്നെറ്റ് കഫേകളിലും മറ്റും സ്കാന് ചെയ്ത് അയയ്ക്കുകയും പകര്പ്പെടുക്കുകയും ചെയ്യുമ്പോള് മുന്കരുതല് വേണം. സ്കാന് ചെയ്ത് പകര്പ്പെടുത്തുകഴിഞ്ഞാലുടന് കംപ്യൂട്ടറിന്റെ റീസൈക്കിള് ബിന്നില് നിന്നുള്പ്പെടെ ഇവ ഡിലീറ്റ് ചെയ്തെന്ന് ഉറപ്പുവരുത്തുകയും വേണം. സ്കാന് ചെയ്ത് കോപ്പിയെടുക്കുന്നത് സ്വന്തം പെന്െ്രെഡവുകളിലായാല് കുഴപ്പമില്ല.
ഫോട്ടോസ്റ്റാറ്റ് സെന്ററുകളില് പകര്പ്പെടുക്കുമ്പോള് മോശപ്പെട്ട പ്രിന്റുകള് അവിടെ ഉപേക്ഷിക്കരുത്. ഇമെയില് അക്കൗണ്ടുകളോ ഫെയ്സ്ബുക്ക്, ട്വിറ്റര് തുടങ്ങിയവയോ ഉപയോഗിച്ചാല് ആവശ്യം കഴിഞ്ഞാലുടന് ലോഗ്ഔട്ട് ചെയ്തതായി ഉറപ്പാക്കണം. വിദേശരാജ്യങ്ങളില്നിന്നുള്ള അജ്ഞാതഫോണ്വിളികളോട് പ്രതികരിച്ചാല് പണനഷ്ടം മാത്രമല്ല ഫോണുകളിലെ വിവരങ്ങള് ചോരുകയും ചെയ്യുെമന്ന് പോലീസ് മുന്നറിയിപ്പ് നല്കുന്നു.
https://www.facebook.com/Malayalivartha
