സനീഷിന് പുതിയ ക്യാമറ നല്കി സിപിഎം കോഴിക്കോട് നേതൃത്വം; ഇത് രാഷ്ട്രീയ മര്യാദ!!
ഹര്ത്താലിനിടെ മാധ്യമ പ്രവര്ത്തകന്റെ ക്യാമറ സിപിഎം പ്രര്ത്തകര് തല്ലിതകര്ത്ത സംഭവത്തില് വാക്കുപാലിച്ച് സിപിഎം. തകര്ന്ന ക്യാമറയ്ക്ക് പകരം പുതിയ ക്യാമറ വാങ്ങി നല്കുമെന്ന് സിപിഎം കോഴിക്കോട് ജില്ലാ സെക്രട്ടറി മോഹനന് മാസ്റ്റര് വാക്ക് നല്കിയിരുന്നു. ഈ വാക്കാണ് പാലിച്ചിരിക്കുന്നത്. ദി ന്യൂഇന്ത്യന് എക്സ്പ്രസ് ഫോട്ടോഗ്രാര് സനേഷിന്റെ ക്യാമറയാണ് തകര്ത്തത്. ബുധനാഴ്ച രാത്രി ഒമ്പത് മണിക്ക് കോഴിക്കോട് പാര്ട്ടി ഓഫീസില് വച്ച് പത്ര പ്രവര്ത്തക യൂണിയന് അംഗങ്ങളുടെ സാന്നിധ്യത്തിലാണ് ക്യാമറ കൈമാറിയത്.
കഴിഞ്ഞ വെള്ളിയാഴ്ച സിപിഎമ്മിന്റെ നേതൃത്വത്തില് കോഴിക്കോട് നടത്തിയ ഹര്ത്താലിനിടെയാണ് സനേഷിന്റെ ക്യാമറ തകര്ത്തത്. ഹര്ത്താലിനിടെ ഓട്ടോ െ്രെഡവറെ സിപിഎം പ്രവര്ത്തതകര് അക്രമിക്കാന് ശ്രമിക്കുന്ന ഫോട്ടോ എടുക്കുന്നതിനിടെയായിരുന്നു സനേഷിന്റെ ക്യാമറ തകര്ത്തത്. പൂര്ണമായി തകര്ന്നതിനാല് ക്യാമറ ശരിയാക്കാന് പറ്റാത്ത അവസ്ഥയിലുമാണ്. ബാങ്കില് നിന്ന് 85000 രൂപ വായ്പയെടുത്തായിരുന്നു സനേഷ് ക്യാമറ വാങ്ങിയിരുന്നത്. സനേഷിന്റെ ക്യാമറ തകര്ത്ത സംഭവത്തില് പ്രതിഷേധവും വിമര്ശനവും ശക്തമായിരുന്നു. ഇതിനിടെയാണ് തകര്ന്ന ക്യാമറയ്ക്ക് പകരം പുതിയ ക്യാമറ വാങ്ങി നല്കിയത്. ഇടതുപക്ഷ അനുഭാവി കൂടിയായ സനേഷിന്റെ ക്യാമറ തകര്ത്തതിനെതിരെ മാധ്യമ പ്രവര്ത്തകരും രംഗത്തു വന്നിരുന്നു.
അതേസമയം ക്യാമറ വാങ്ങി നല്കിയതിന് സിപിഎമ്മിനോട് സനേഷും നന്ദി പറഞഞിട്ടുണ്ട്. തകര്ക്കപ്പെട്ട ക്യാമറയുടെ അതേ മോഡല് ക്യാമറയാണ് വാങ്ങി നല്കിയിരിക്കുന്നതെന്ന് സനേഷും ഫേസ്ബുക്കില് വ്യക്തമാക്കി. സംഭവത്തില് ഒപ്പം നിന്ന എല്ലാവര്ക്കും നന്ദിയും രേഖപ്പെടുത്തിയിട്ടുണ്ട്. ആക്രമണത്തിനിടെ മെമ്മമറി കാര്ഡ് നഷ്ടമായ കേരള ഭൂഷണം ഫോട്ടോഗ്രാഫര് കെവി ശ്രീജേഷിനു പുതിയ മെമ്മറി കാര്ഡും വാങ്ങി നല്കിയിട്ടുണ്ട്.
https://www.facebook.com/Malayalivartha
