ആനക്കൊമ്പ് കേസ് : മലയാളികളുടെ സ്വന്തം ലാലേട്ടന് രക്ഷപ്പെട്ടു!! ത്വരിതാന്വേഷണം റദ്ദാക്കി!!
ആനക്കൊമ്പ് കൈവശംവച്ച കേസില് നടന് മോഹന്ലാലിനും മുന്മന്ത്രി തിരുവഞ്ചൂര് രാധാകൃഷ്ണനുമെതിരായ ത്വരിതാന്വേഷണം ഹൈക്കോടതി റദ്ദാക്കി. അഴിമതി നിരോധന നിയമം നിലനില്ക്കാത്തതിനാല് വിജിലന്സ് അന്വേഷണത്തിന് സാധ്യതയില്ലെന്ന് ഹൈക്കോടതി വ്യക്തമാക്കി. കഴിഞ്ഞ വര്ഷം ഒക്ടോബറിലാണ് മോഹന്ലാലിനെതിരെയും തിരുവഞ്ചൂര്രാധാകൃഷ്മനെതിരെയും മൂവാറ്റുപുഴ വിജിലന്സ് കോടതി ത്വരിത പരിശോധനയ്ക്ക് ഉത്തരവിട്ടത്. അഴിമതി നിരോധന നിയമം നിലനില്ക്കില്ലെന്നത് വിജിലന്സ് കോടതി തന്നെ കണ്ടെത്തിയതാണെന്നും ഹൈക്കോടതി വ്യക്തമാക്കി. ഇതിന്റെ അടിസ്ഥാനത്തിലാണ് അന്വേഷണം റദ്ദാക്കിയത്.
2012 ജൂണില് ആദായ നികുതി വകുപ്പ് മോഹന്ലാലിന്റെ തേവരയിലുള്ള വീട്ടില് നടത്തിയ പരിശോധനയിലാണ് ആനക്കൊമ്പ് കണ്ടെത്തിയത്. നാല് ആനക്കൊമ്പുകളായിരുന്നു കണ്ടെത്തിയത്. കേസില് തിരുവഞ്ചൂര് രാധാകൃഷ്ണന് ഒന്നാം പ്രതിയും മോഹന്ലാല് ഏഴാം പ്രതിയുമാണ്. പത്തു പേര്ക്കെതിരെയാണ് കേസുള്ളത്. ത്വരിതാന്വേഷണം റദ്ദാക്കണമെന്നാവശ്യപ്പെട്ട് മോഹന്ലാല് ഹൈക്കോടതിയില് ഹര്ജി നല്കുകയായിരുന്നു. കേന്ദ്ര സര്ക്കാരിന്റെ നിര്ദേശ പ്രകാരം സംസ്ഥാന സര്ക്കാരാണ് വീട്ടില് ആനക്കൊമ്പ് സൂക്ഷിക്കാന് തനിക്ക് അനുമതി നല്കിയതെന്നാണ് മോഹന്ലാല് കോടതിയെ അറിയിച്ചത്.
https://www.facebook.com/Malayalivartha
