അപ്പുണ്ണിയെ പൊക്കാന് പോലീസ് നെട്ടോട്ടം... ഇന്ത്യയിലെ ആദ്യ ക്വട്ടേഷന് മാനഭംഗ കേസില് നിര്ണായക വഴിത്തിരുവുണ്ടാകുന്നതിന് മുമ്പ് ജാമ്യത്തിലിറങ്ങാന് ദിലീപ്
കൊച്ചിയില് നടിയെ ഉപദ്രവിച്ച കേസില് പൊലീസ് തിരയുന്ന സുനില്രാജ് (അപ്പുണ്ണി) അറസ്റ്റിലാവും മുന്പ് ജയിലില് നിന്നും പുറത്തിറങ്ങാന് ദിലീപിന്റെ ശ്രമം. മജിസ്ട്രേട്ട് കോടതി ജാമ്യാപേക്ഷ തള്ളിയ സാഹചര്യത്തില് ഹൈക്കോടതിയിലേക്കും സുപ്രീംകോടതിയിലേക്കും വരെ പോകാനൊരുങ്ങുകയാണ് ദിലീപും സംഘവും.
ദിലീപിന്റെ സഹായിയും ഡ്രൈവറുമായ അപ്പുണ്ണിയെ കിട്ടിയാല് പിന്നെ ദിലീപിന് പുറത്തിറങ്ങുക പ്രയാസമായിരിക്കുമെന്നാണ് വിലയിരുത്തുന്നത്. അതിനാലാണ് അപ്പുണ്ണി കുടുങ്ങുന്നതിന് മുമ്പ് വെളിയില് കടക്കാന് ശ്രമിക്കുന്നത്.
അതേസമയം യുവനടി ഉപദ്രവിക്കപ്പെട്ട സംഭവത്തെ ഇന്ത്യയിലെ ആദ്യ ക്വട്ടേഷന് മാനഭംഗം എന്നാണു ദേശീയമാധ്യമങ്ങള് അടക്കം വിശേഷിപ്പിച്ചത്. സമൂഹത്തില് അറിയപ്പെടുന്ന നടിയെ പീഡിപ്പിക്കാന് ഗൂഢാലോചന നടത്തി ഒന്നരക്കോടി രൂപയുടെ ക്വട്ടേഷന് നല്കിയെന്നാണു പൊലീസിന്റെ കണ്ടെത്തല്.
അപൂര്വങ്ങളില് അപൂര്വമായ പീഡനക്കേസാണിതെന്നു നിയമവൃത്തങ്ങള് വിലയിരുത്തുന്നു. പ്രതികളെ ജുഡീഷ്യല് കസ്റ്റഡിയില് സൂക്ഷിച്ച് അന്വേഷണം പൂര്ത്തിയാക്കേണ്ടത് ഇത്തരം കേസുകളുടെ സുഗമമായ വിചാരണയ്ക്കു നിര്ണായകമാണ്. ഇതിനായി അറസ്റ്റ് ചെയ്തു 90 ദിവസത്തെ സാവകാശമാണു പൊലീസിനു ലഭിക്കുക. ഇതിനിടെ കുറ്റപത്രം സമര്പ്പിച്ചില്ലെങ്കില് പ്രതികള്ക്കു സോപാധികജാമ്യം ലഭിക്കും. ദിലീപ് അറസ്റ്റിലായി ഏഴു ദിവസമായി. കുറ്റപത്രം സമര്പ്പിക്കാന് 83 ദിവസമാണുള്ളത്.
പീഡനക്കേസുകളില് പൊലീസിനു സമയബന്ധിതമായി കുറ്റപത്രം സമര്പ്പിക്കാനാകാതെ പ്രതികള് ജാമ്യത്തില് ഇറങ്ങിയപ്പോഴെല്ലാം സാക്ഷികള് കൂറുമാറി പ്രോസിക്യൂഷന് പരാജയപ്പെട്ടിട്ടുണ്ട്.
പ്രായപൂര്ത്തിയാവാത്ത പെണ്കുട്ടികള് പീഡിപ്പിക്കപ്പെട്ട പറവൂര്, വരാപ്പുഴ കേസുകളില് ഒന്നാംഘട്ട വിചാരണയ്ക്കു ശേഷം മുഴുവന് പ്രതികളെയും കോടതിക്കു വിട്ടയയ്ക്കേണ്ടിവന്നു.
പറവൂര് കേസില് സ്പെഷല് പ്രോസിക്യൂട്ടര് മരിക്കുകയും സഹായിയായ അഭിഭാഷകനെ മാറ്റിനിര്ത്തുകയും ചെയ്ത ശേഷം നടന്ന വിസ്താരങ്ങളില് സാക്ഷികള് കൂട്ടമായി കൂറുമാറി. സമയബന്ധിതമായി കുറ്റപത്രം സമര്പ്പിക്കാനുള്ള ശ്രമത്തിനിടെ സംഭവിച്ച അപാകതകള് തിരുത്താന് പ്രോസിക്യൂഷന് പരാജയപ്പെട്ടതിനെ തുടര്ന്നു സൗമ്യക്കേസില് സുപ്രീംകോടതി വിധി പ്രതി ഗോവിന്ദച്ചാമിക്ക് അനുകൂലമായി.
https://www.facebook.com/Malayalivartha
