തിരുവഞ്ചൂര്‍ ഋഷിരാജ്‌ സിംഗിനെ വെട്ടിയതെന്തിന്‌? പിന്‍സീറ്റ്‌ ബെല്‍റ്റും പിന്‍സീറ്റ്‌ ഹെല്‍മറ്റും വെള്ളത്തില്‍ തന്നെ
ഗതാഗത കമ്മീഷണര്‍ ഋഷിരാജ്‌സിംഗിനെ ഗതാമന്ത്രി തിരുവഞ്ചൂര്‍ രാധാകൃഷ്‌ണന്‍ വെട്ടി. മേലില്‍ സര്‍ക്കുലറോ ഉത്തരവോ ഇറക്കുമ്പോള്‍ തന്നെ അറിയിക്കണുമെന്നും നിര്‍ദേശിച്ചു. തിരുവഞ്ചൂര്‍ മന്ത്രയായപ്പോള്‍ ഋഷിരാജിനെ വെട്ടുമെന്ന്‌ മലയളി വാര്‍ത്ത റിപ്പോട്ട്‌ ചെയ്‌തിരുന്നു അത് സംഭവിക്കാന്‍ അല്‌പം വൈകിയെന്നുമാത്രം.
കേന്ദ്രമന്ത്രി ഗോപിനാഥ്‌ മുണ്ടെ അപകടത്തില്‍ മരിച്ചതോടെയാണ്‌ ഋഷിരാജ്‌ മലയാളികളുടെ പിടലിക്ക്‌ പിടിച്ചത്‌. ഹെല്‍മറ്റ്‌ നിര്‍ബന്ധമാക്കിയതിനെ തുടര്‍ന്ന്‌ കാര്‍ യാത്രകാര്‍ക്ക്‌ പിന്‍സീറ്റ്‌ നിര്‍ബന്ധമായും ധരിച്ചിരിക്കണുമെന്ന്‌ സര്‍ക്കുലര്‍ ഇറക്കി. ഇതിന്‌ മന്ത്രിയുടെ അനുമതി ഉണ്ടായിരുന്നില്ല. സര്‍ക്കുലര്‍ പുറത്തിറക്കിയ ഉടനെ കമ്മീഷണര്‍ പത്രത്തിലും കൊടുത്തു. പത്രത്തിലൂടെയാണ്‌ തിരുവഞ്ചൂര്‍ വിവരം അറിഞ്ഞത്‌. പത്രത്തില്‍ വാര്‍ത്ത വന്നയുടനെ തിരിവഞ്ചൂര്‍ ഗതാഗത സെക്രട്ടറിയെ വിളിച്ചുവരുത്തി. താനും ഇക്കാര്യം അറിഞ്ഞില്ലെന്നാണ്‌ അദ്ദേഹം മന്ത്രയെ ധരിപ്പിച്ചത്‌. ഇത്‌ തിരുവഞ്ചൂരിനെ ചൊടിപ്പിച്ചു.
ആര്യാടന് ഗതാഗത മന്ത്രയായിരിക്കെ ഋഷിരാജ്‌ ഇത്തരത്തില്‍ നിരവധി ഉത്തരവുകള്‍ മന്ത്രിയുമായി ആലോചിക്കാതെ പുറത്തിറക്കിയിരുന്നു. ഹെല്‍മറ്റിന്റെ പേരില്‍ ജനങ്ങളെ തലങ്ങും വിലങ്ങും ഉപദ്രവിക്കാന്‍ തുടങ്ങിയത്‌ അന്നാണ്‌. ഹെല്‍മറ്റ്‌ ഇല്ലാത്തതിന്‌ 1000 രൂപ വരെ പെറ്റി അടിച്ചു. എന്നാല്‍ അടുത്തകാലത്ത്‌ വിവാദ പെറ്റി ലോകായുക്ത റദ്ദാക്കി. മന്ത്രി ഒന്നു പറയും ഋഷിരാജുമൊന്നു മറ്റൊന്നു പറയും ഇതായിരുന്നു പതിവ്‌. എങ്ങനെയെങ്കിലും ഉമ്മന്‍ചാണ്ടി സര്‍ക്കാരിന്റെ പതനം കാണാന്‍ ആഗ്രഹിച്ച ആര്യാടന് ഋഷിരാജിനെ പ്രോത്സാഹിപ്പിച്ചു കൊണ്ടിരുന്നു. അപ്പോഴാണ്‌ ഗതാഗത മന്ത്രി മാറിയത്‌. ആര്യാടന് കീഴില്‍ പ്രവര്‍ത്തിക്കുന്നതു പോലെ തന്റെ കീഴില്‍ പ്രവര്‍ത്തിക്കരുതെന്ന ഋഷിരാജിന്‌ മന്ത്രി നിര്‍ദേശവും നല്‍കി. ഇതിന്റെ അടിസ്ഥാനത്തില്‍ കുറച്ചുനാള്‍ അദ്ദേഹം നിശബ്‌ദധ പാലിച്ചു. അപ്പോഴാണ്‌ കേന്ദ്രമന്ത്രി മുണ്ടെ മരിച്ചത്‌. മുണ്ടെയുടെ മരണത്തിന്‌ പിന്നിലുളള ദൂരൂഹതകള്‍ തുടരുകയാണ്‌.
പിന്‍സീറ്റില്‍ ബെല്‍റ്റ്‌ ഇടാതിരിക്കുന്നവര്‍ക്ക്‌ പതിനായിരം രൂപ വരെ പെറ്റി അടിക്കുമെന്ന്‌ ഋഷിരാജ്‌ സര്‍ക്കുലേഷന്‍ ഇറക്കിയിരുന്നു. ഇതാണ്‌ തിരുവഞ്ചൂര്‍ റദ്ദാക്കിയത്‌. ഗതാഗത കമ്മീഷണറെ മന്ത്രി പരസ്യമായി നിയമസഭയില്‍ തളളിപറഞ്ഞു. ഋഷിരാജിന്റെ ഉത്തരവുകള്‍ അപ്രായോഗികമാണെന്ന്‌ വരെ മന്ത്രി നിയമസഭയില്‍ പറഞ്ഞു. ഗതാഗത നിയമങ്ങള്‍ നിരവധിയുണ്ടെന്നും അതൊന്നും നടപ്പിലാക്കാന്‍ കഴിയില്ലെന്നും മന്ത്ര പറഞ്ഞു.
ഇതിനിടെ പിന്‍സീറ്റിലിരിക്കുന്നവര്‍ക്ക്‌ ഹെല്‍മറ്റ്‌ നിര്‍ബന്ധമാക്കാനും ഋഷിരാജ്‌ നടപടി തുടങ്ങി കഴിഞ്ഞു. അതും മുളയിലെ നുളളുമെന്ന്‌ മന്ത്രിയുമായി അടുത്തവൃത്തങ്ങള്‍ പറയുന്നു. ഇത്തരം അപ്രയോഗിക നിര്‍ദേശങ്ങള്‍ പുറത്തിറക്കി സര്‍ക്കറിനെ ചീത്തയാക്കരുതെന്നാണ്‌ മന്ത്രിയുടെ നിലപാട്‌. അതിലും നിന്നില്ലെങ്കില്‍ പാവം ഋഷിരാജ്‌ സിംഗ്‌ അനുഭവിക്കേണ്ടിവരും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
