ചാക്കോയ്ക്ക് എ-ഐ സംയുക്ത പാര വരും; ശിഷ്ടകാലം വനവാസം, വിനാശകാലേ വിപരീത ബുദ്ധി
കോണ്ഗ്രസ് ദേശീയ വക്താവ് പിസി ചാക്കോക്കെതിരെ ഒരുമിച്ച് പ്രവര്ത്തിക്കാന് എ-ഐ ഗ്രൂപ്പുകള് ആലോചിക്കുന്നു. 12 നിയമസഭാ സീറ്റുകളില് തനിക്ക് സാധ്യതയുണ്ടെന്ന് പറഞ്ഞ പിസി ചാക്കോക്ക് കേരളത്തില് സീറ്റ് നല്കരുതെന്ന് കേരള നേതൃത്വം സോണിയാ ഗാന്ധിയോട് ആവശ്യപ്പെടും. ആന്റണിക്കിട്ടും പാര പണിതതിനാല് ചാക്കോക്ക് ശിഷ്ടകാലം വനവാസമായിരിക്കും ഫലം. ചാക്കോ ചാലക്കുടിയില് മത്സരിക്കാതിരുന്നെങ്കില് ചാലക്കുടിയും തൃശൂരും കോണ്ഗ്രസിന് നേടാന് കഴിയുമെന്നാണ് നേതൃത്വം വിശ്വസിക്കുന്നത്. അങ്ങാടിയില് തോറ്റതിന് അമ്മയോടെന്ന മട്ടിലാണ് ചാക്കോ സംസാരിക്കുന്നതെന്നും കേരള നേതൃത്വം വ്യക്തമാക്കുന്നു.
പി.സി. ചാക്കോ തൃശൂരില് മത്സരിച്ചെങ്കിലും തൃശൂരില് തിരിഞ്ഞു നോക്കിയില്ലെന്നാണ് കേരളാ നേതാക്കളുടെ ആരോപണം. താന് ദേശീയ നേതാവാണെന്നാണ് അടുപ്പക്കാരോട് ചാക്കോ ആവര്ത്തിക്കുമായിരുന്നു. കല്യാണം കൂടാനും മരണം കൂടാനും തനിക്ക് സമയമില്ലെന്നും ചാക്കോ പ്രവര്ത്തകരെ അറിയിച്ചിരുന്നു. ചാക്കോയെ കാണണമെങ്കില് ഡല്ഹിയില് ചെല്ലണമെന്ന അവസ്ഥ സാധാരണ പ്രവര്ത്തകര്ക്കുണ്ടായി. ചാക്കോയുടെ കൂറ് സോണിയയോടായതിനാല് ആന്റണി ഉള്പ്പെടെയുള്ള കേരള നേതാക്കളെ അദ്ദേഹം അവഗണിച്ചു. മണ്ഡലത്തില് നിന്നുള്ള ഫോണ് കോളഉകള് അറ്റന്ഡ് ചെയ്യാന് പോലും ചാക്കോ വിമുഖനായിരുന്നത്രേ. തന്നെ ജയിപ്പിക്കേണ്ടത് നാട്ടുകാരുടെ കടമയാണെന്ന് ചാക്കോ വിശ്വസിച്ചു.
ഏതായാലും നിയമസഭ തെരഞ്ഞെടുപ്പില് ചാക്കോയെ നിലംതൊടുവിക്കില്ലെന്നാണ് കേരള നേതാക്കളുടെ തീരുമാനം. ഒരാള് തോല്ക്കുമ്പോള് അയാളെ ഫോണില് വിളിച്ച് ദു:ഖം അിറയിക്കോണ്ട കാര്യമില്ലെന്നാണ് ഉമ്മന്ചാണ്ടിയുടേയും രമേശിന്റേയും നിലപാട്. സ്ഥാനാര്ത്ഥി തോല്ക്കുന്നത് സ്ഥാനാര്ത്ഥിയുടെ കുഴപ്പം കൊണ്ടാണെന്നും ഇവര് വിശ്വസിക്കുന്നു. നാട്ടുകാര്ക്ക് വേണ്ടാത്തവനായി ചാക്കോ മാറിയത് നിമിഷങ്ങള് കൊണ്ടാണെന്നും ഇവര് പറയുന്നു. ചാലക്കുടി തെരഞ്ഞെടുത്തത് ചാക്കോ നേരിട്ടാണ്. ചാക്കോ ചാലക്കുടിയില് ജയിക്കുമെന്ന് ആരും പ്രതീക്ഷിച്ചതല്ല. ഇന്നസെന്റ് ദുര്ബലനായിരുന്നെങ്കിലും കൂടുവിട്ട് കൂടുമാറി വന്ന ചാക്കോടെ ജയിപ്പിക്കാന് ചാലക്കുടിക്കാര് അത്ര മണ്ടന്മാരായിരുന്നില്ലെന്നും കോണ്ഗ്രസ് നേതാക്കള് പറയുന്നു. ആര്ക്കും ജയിക്കാവുന്ന സീറ്റാണ് ചാലക്കുടി. ധനപാലന് മത്സരിച്ചിരുന്നെങ്കില് ജയിക്കാമായിരുന്നു.
താന് തോറ്റാല് ടുജി സ്പെക്ട്രം അഴിമതിയുടെ വിജയമായി മാറുമെന്ന ചാക്കോയുടെ പ്രസ്ഥാവന ദോഷം ചെയ്തെന്നും കോണ്ഗ്രസ് നേതൃത്വം വിശ്വസിക്കുന്നു. ഇത്തരം വീരവാദങ്ങള് കേരളത്തില് വിലപോകില്ല. കേരളത്തില് ടുജി സ്പെക്ട്രമല്ല നാട്ടുകാരുടെ ക്ഷേമത്തിനാണ് വില കല്പിക്കുന്നതെന്നും നേതൃത്വം പറയുന്നു. ഏതായാലും ചാക്കോയുടെ പ്രതികരണം വിനാശകാലത്ത് സംഭവിച്ച വിപരീധ ബുദ്ധിയായി മാറി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
