സ്വര്‍ണം ഒളിപ്പിക്കാന്‍ ചൈനാക്കാരന്റെ പരിശീലനം... മലദ്വാരത്തില്‍ ഒളിപ്പിച്ച്‌ കൊണ്ടുവന്ന ഒരു കോടിയുടെ സ്വര്‍ണം നെടുമ്പാശേരിയില്‍ പിടികൂടി
ഒരു കോടി രൂപയുടെ സ്വര്‍ണം മലദ്വാരത്തിനകത്ത്‌ ഒളിപ്പിച്ച്‌ കടത്താന്‍ ശ്രമിച്ച മൂന്നു പേരെ നെടുമ്പാശേരി വിമാനത്താവളത്തില്‍ കസ്റ്റംസ്‌ പിടികൂടി. 116 ഗ്രാം വീതമുള്ള ഏഴ്‌ സ്വര്‍ണ ബിസ്‌കറ്റുകള്‍ വീതം ഇവര്‍ മല ദ്വാരത്തില്‍ ഒളിപ്പിച്ച്‌ കടത്താന്‍ ശ്രമിക്കുകയായിരുന്നു. വിമാനത്താവളത്തിലെ അത്യാധുനിക ഹാന്‍ഡ്‌ മെറ്റല്‍ ഡിറ്റക്‌ടര്‍ കൊണ്ട് നടത്തിയ പരിശോധനയിലാണ്‌ ഇവര്‍ കുടുങ്ങിയത്‌. ഇവര്‍ പലതവണ സ്വര്‍ണം കടത്തിയിട്ടുണ്ടെന്ന്‌ കസ്റ്റംസിനോട്‌ സമ്മതിച്ചിട്ടുണ്ട്‌.
മലപ്പുറം സ്വദേശികളാണ്‌ പിടിയിലായത്‌. ദുബായില്‍ നിന്നുള്ള സ്‌പൈസ്‌ ജെറ്റ്‌ വിമാനത്തില്‍ എത്തിയവരാണ്‌ മൂന്ന് പേരും. ഇവരില്‍ നിന്നായി രണ്ടര കിലോ സ്വര്‍ണം പിടിച്ചെടുത്തു. സമീപകാലത്തെ ഏറ്റവും വലിയ സ്വര്‍ണ വേട്ടയാണിത്‌.
വിദഗ്‌ദ്ധമായി സ്വര്‍ണം ഒളിപ്പിക്കാന്‍ ദുബായിയില്‍ ചൈനാക്കാരന്റെ നേതൃത്വത്തില്‍ പ്രത്യേക പരിശീലനം നല്‍കുന്നതായി ഇവര്‍ വെളിപ്പെടുത്തി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
