കസ്‌തൂരിരംഗന്‍ നടപ്പാക്കണമെന്ന്‌ കേന്ദ്രമന്ത്രിയോട്‌ പി.ടി.തോമസ്‌
പശ്ചിമഘട്ട സംരക്ഷണത്തിനായി കസ്‌തൂരിരംഗന്‍ റിപ്പോര്‍ട്ട്‌ നടപ്പിലാക്കണമെന്ന്‌ മുന്‍ ഇടുക്കി എം.പി., പി.ടി.തോമസ്‌ കേന്ദ്ര പരിസ്ഥിതി മന്ത്രി പ്രകാശ്‌ ജാവദേക്കറോട്‌ ആവശ്യപ്പെട്ടു. കഴിഞ്ഞ ദിവസം ഗുരുവായൂര്‍ ദര്‍ശനത്തിനെത്തിയ മന്ത്രിയെ മുന്‍കൂട്ടി സമയം നിശ്ചയിച്ച്‌ പി.ടി.തോമസ്‌ കാണുകയായിരുന്നു. എറണാകുളം ഗസ്റ്റ്‌ ഹൗസിലായിരുന്നു കൂടികാഴ്‌ച. ഇപ്പോഴത്തെ ഇടുക്കി എം.പി ജോയ്‌സ്‌ ജോര്ജ് മന്ത്രിയെ തൃശൂരില്‍ കണ്ടിരുന്നു. അതിനിടെ പ്രൊഫ. മാധവ്‌ ഗാഡ്‌ഗിലും മന്ത്രിയെ കണ്ടു.
മാധവ്‌ ഗാഡ്‌ഗില്‍ റിപ്പോര്‍ട്ട്‌ നടപ്പിലാക്കാനാണ്‌ കേന്ദ്രമന്ത്രിസഭ ആലോചിക്കുന്നത്‌. കേന്ദ്രമന്ത്രി ജാവദേക്കറുടെ അടുത്ത സുഹൃത്താണ്‌ ഗാഡ്‌ഗില്‍. പൂനയില്‍ ഇവര്‍ അയല്‍വാസികളായിരുന്നു. കസ്‌തൂരിരംഗന്‍ റിപ്പോര്‍ട്ട്‌ നടപ്പിലാക്കിയില്ലെങ്കില്‍ ഗാഡ്‌ഗില്‍ റിപ്പോര്‍ട്ടെങ്കിലും നടപ്പിലാക്കണമെന്നാണ്‌ പി.ടി.തോമസ്‌ കേന്ദ്രമന്ത്രിയോട്‌ ആവശ്യപ്പെട്ടത്‌. അതിനിടെ പരിസ്ഥിതി ശാസ്‌ത്രജ്ഞന്‍ വി.എസ്. വിജയനും തോമസിനൊപ്പം മന്ത്രിയെ കണ്ടു.
ഗാഡ്‌ഗില്‍ റിപ്പോര്‍ട്ട്‌ നടപ്പിലാക്കുന്നതിലൂടെ പി.ടി. തോമസ്‌ ലക്ഷ്യമിടുന്നത്‌ രണ്ടു കാര്യങ്ങളാണ്‌. ഇടുക്കി, വയനാട്‌ ജില്ലകളില്‍ തനിക്കെതിരെ നിലകൊണ്ട ക്രിസ്‌തീയ പുരോഹിതര്‍ക്ക്‌ പണികിട്ടും. തനിക്ക്‌ ഇടുക്കി സീറ്റ്‌ നിഷേധിച്ച കോണ്‍ഗ്രസ്‌ പാഠം പഠിക്കും ഡീന്‍ കുര്യാക്കോസ്‌ ഇടുക്കിയില്‍ തോറ്റതോടെ കോണ്‍ഗ്രസ്‌ പാഠം പഠിച്ചെങ്കിലും ഗാഡ്‌ഗില്‍ റിപ്പോര്‍ട്ട്‌ നടപ്പിലാക്കുകയാണെങ്കില്‍ കഴിഞ്ഞ യു.പി.എ സര്‍ക്കാരിന്റെ തീരുമാനമായിരുന്നു അതെന്ന്‌ വരുത്തി തീര്‍ക്കാന്‍ പി.ടി. തോമസ്‌ ശ്രമിക്കും. ഗാഡ്‌ഗില്‍ റിപ്പോര്‍ട്ട്‌ നടപ്പിലാക്കുന്നതിനോട്‌ യു.പി.എ സര്‍ക്കാര്‍ അനുകൂലമായിരുന്നു. കേരളത്തില്‍ നിന്നും വന്‍ എതിര്‍പ്പ്‌ നേരിട്ടപ്പോഴാണ്‌ അതില്‍ നിന്നും കേന്ദ്ര സര്‍ക്കാര്‍ പിന്‍മാറിയത്‌. എന്നാല്‍ റിപ്പോര്‍ട്ട്‌ തള്ളികളായാന്‍ യുപിഎ സര്‍ക്കാര്‍ തയ്യാറായില്ല. റിപ്പോര്‍ട്ട്‌ തള്ളികളയുതെന്ന്‌ പി.ടി.തോമസ്‌ യുപിഎ സര്‍ക്കാരില്‍ സമ്മര്‍ദ്ദം ചെലുത്തിയിരുന്നു.
പ്രകാശ്‌ ജാവദേക്കര്‍ പി.ടി. തോമസുമായി അരമണിക്കൂറോളം ചര്‍ച്ച നടത്തി. തോമസ്‌ എന്റെ തോല്‍വിക്ക്‌ ഇടയാക്കിയ കാരണങ്ങള്‍ മന്ത്രിയോട്‌ പറഞ്ഞുവെന്നാണ്‌ സൂചന. ജാവദേക്കനെ പി.ടി.ക്ക്‌ നേരത്തെ പരിചയമുണ്ട്‌. ഗാഡ്‌ഗില്‍ റിപ്പോര്‍ട്ട്‌ നടപ്പിലാക്കുകയാണെങ്കില്‍ കുടിയേറ്റ കര്‍ഷകര്‍ക്ക്‌ ഒന്നും സംഭവിക്കില്ലെന്നും കള്ളന്മാര്‍ക്കും കൊള്ളക്കാരന്‍മാര്‍ക്കും ഭൂമി കച്ചവടക്കാര്‍ക്കും മാത്രമാണ്‌ ബുദ്ധിമുട്ട്‌ വരുന്നതെന്നും പി.ടി. പറഞ്ഞു. അതേസമയം കേരളത്തിലെ ചില യുഡിഎഫ്‌ നേതാക്കള്‍ക്ക്‌ ഇടുക്കിയില്‍ അനധികൃത ക്വാറി ഉണ്ടെന്നും അവരാണ്‌ കര്‍ഷകരായി ചമഞ്ഞ്‌ കുഴപ്പം സൃഷ്‌ടിച്ചതെന്നും പി.ടി.പറഞ്ഞു.
അതിനിടെ കേന്ദ്രമന്ത്രിയെ കാണാന്‍ പി.ടി. പോയത്‌ കോണ്‍ഗ്രസ്‌ നേതാക്കളുടെ അനിഷ്‌ടത്തിന്‌ കാരണമായിട്ടുണ്ട്‌. എന്നാല്‍ താന്‍ തന്റെ സുഹൃത്തിനെ കാണാനാണ്‌ പോയതെന്നാണ്‌ പിടിയുടെ വിശദീകരണം. എന്നാല്‍ ഇടുക്കി എം.പി ജോസഫ്‌ ജോര്‍ജിനോട്‌ കേന്ദ്രമന്ത്രി അനുകൂലമായല്ല പ്രതികരിച്ചതെന്ന്‌ അറിയുന്നു. ഗാഡ്‌ഗില്‍ റിപ്പോര്‍ട്ട്‌ നടപ്പിലാക്കുമെന്ന സൂചനയാണ്‌ അദ്ദേഹം ജോയിസിന്‌ നല്‍കിയതത്രേ.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
