പോലീസിന്റെ കൈയില് ദിലീപിനെ ബന്ധിപ്പിക്കാന് തെളിവില്ലെന്ന് ആരോപണം
നടന് ദിലീപിനെ നേരിട്ട് ബന്ധിപ്പിക്കുന്ന തെളിവുകള് ലഭ്യമാകാത്തതാണ് കുറ്റപത്രം വൈകാനുള്ള കാരണമെന്ന് പോലീസിന്റെ ഉന്നത വൃത്തങ്ങളില് നിന്നും ലഭ്യമായ വിവരം.
ഉന്നത പോലീസുദ്യോഗസ്ഥര് ദിലീപിനെ സഹായിക്കാന് തെളിവുകള് നശിപ്പിച്ചു എന്ന് വിശ്വസിക്കുന്നവരും പോലീസിലുണ്ട്. എന്നാല് പള്സര് സുനി സ്വന്തം ഇഛ പ്രകാരം ചെയ്ത കുറ്റം ദിലീപിന്റെ തലയില് കെട്ടിവയ്ക്കാന് ശ്രമിച്ചെന്നും അന്വേഷണ സംഘത്തിലെ ചില ഉദ്യോഗസ്ഥര് വിശ്വസിക്കുന്നു. പണ്ടെങ്ങോ ദിലീപിന്റെ ചില അടുത്ത അനുയായികള് നല്കിയ ക്വട്ടേഷന് വര്ഷങ്ങള്ക്ക് ശേഷം സ്വന്തം താത്പര്യാര്ത്ഥം നടത്തിയ ശേഷം ദിലീപിന്റെ തലയില് കെട്ടി എന്നും വിശ്വസിക്കുന്നവരും അന്വേഷണ സംഘത്തിലുണ്ട്. മുന് പോലീസ് മേധാവി സെന്കുമാറിന്റെ വിശ്വാസം ഇതാണ്.
പോലീസ് പൂര്ണമായും പള്സര് സുനി എന്ന കുറ്റവാളിയുടെ വാക്കുകള് വിശ്വസിച്ചു എന്ന് കരുതുന്നവരും ഉണ്ട്. സുനിയുടെ ലക്ഷ്യം മാപ്പു സാക്ഷിയാവാനായിരുന്നു. ദൃശ്യം മോഡല് ഗൂഢാലോചനയാണ് ഇക്കാര്യത്തില് പള്സര് ആസൂത്രണം ചെയ്തതെന്നും പറയപ്പെടുന്നു.
ദിലീപിന് നല്കിയ ക്വട്ടേഷന് ആണെങ്കില് അത് കേരളത്തില് വച്ച് സംഭവിക്കുമായിരുന്നില്ല എന്ന സംശയവും പോലീസിനുണ്ട്.
90 ദിവസം പൂര്ത്തിയാക്കാന് മണിക്കൂറുള് ബാക്കി നില്ക്കുമ്പോഴും കുറ്റപത്രം സമര്പ്പിക്കാത്തത് തെളിവില്ലാത്തത് കാരണമാണെന്ന് കോടതിക്ക് ബോധ്യമായെന്നാണ് എറണാകുളത്തെ നിയമവൃത്തങ്ങളില് നിന്നും ലഭിക്കുന്ന സൂചനകള്. ദിലീപ് എന്തെങ്കിലും തെറ്റ് ചെയ്തതായി തെളിയിക്കാനുള്ള യാതൊന്നും ഇപ്പോള് പോലീസിന്റെ പക്കലില്ലെന്ന കാര്യം കോടതിക്ക് ബോധ്യപ്പെട്ടു.
മറ്റാരുടെയോ താത്പര്യ പ്രകാരമാണ് ദിലീപിന്റെ പേരില് കേസുണ്ടാക്കിയതെന്ന വാദത്തിന് ബലം പകരുന്നതാണ് റിപ്പോര്ട്ടുകള്. ഒന്നുകില് ദിലീപിനെ ആരോ കുരുക്കി. ഇല്ലെങ്കില് ദിലീപിനെ ഉന്നതര് സഹായിച്ചു.
കേസ് വിചാരണക്കെത്തുമ്പോള് ഇരുട്ടില് തപ്പുന്ന പോലീസില് നിന്നും ദിലീപ് സുഖമായി ഊരി പോകും. കാരണം കേസിന്റെ നിര്ണായക തെളിവായ ഫോണും മെമ്മറി കാര്ഡും കണ്ടെത്തിയിട്ടില്ല. അവ നശിപ്പിച്ചു എന്ന് മൊഴി നല്കിയ ജൂനിയര് അഭിഭാഷകനെ സ്റ്റേഷന് ജാമ്യം നല്കി പറഞ്ഞയക്കുകയും ചെയ്തു. ഇത് എങ്ങനെ സംഭവിച്ചു എന്നും വ്യക്തമല്ല. ദിലീപിന് സാമ്പത്തിക ശക്തിയുണ്ട്. അദ്ദേഹത്തിന് ആരെ വേണമെങ്കിലും നിഷ്പ്രയാസം സ്വാധീനിക്കാം. ഉയര്ന്ന പോലീസ് ഉദ്യോഗസ്ഥരുമായി ദിലീപിന് സഹോദരതുല്യമായ സ്നേഹബന്ധമുണ്ട്.
സെന്കുമാര് പറഞ്ഞതാണ് ഇപ്പോള് ശരിയായി ഭവിച്ചത്. ദിലീപിനെതിരെ തെളിവില്ലെന്നും ഗുരുതരമായ ഒരാരോപണവും അയാളുടെ പേരില് ഇല്ലെന്നുമാണ് സെന്കുമാര് പറഞ്ഞത്. ഇതിനെതിരെ കേസെടുത്ത പോലീസും ചില സ്ത്രീ സംഘടനകളും ചെയ്തതെല്ലാം വിഫലമാകുന്ന കാഴ്ചയാണ് ഇപ്പോള് കാണാന് സാധിക്കുന്നത്. പള്സര് സുനിയുടെ മൊഴികള് വാസ്തവ വിരുദ്ധമാണെന്നും പോലീസ് സംശയിക്കുന്നു. എന്നാല് ചെയ്തു കൂട്ടിയ കാര്യങ്ങളില് നിന്നും പോലീസിന് ഊരാവില്ല.
പോലീസല്ല മാധ്യമങ്ങളാണ് ദിലീപ് കേസ് അന്വേഷിച്ചത്. പഴയ ബാര് കേസ് അന്വേഷിച്ചതും ഇപ്പോള് കുട്ടനാട്ടിലെ കൈയേറ്റം അന്വേഷിക്കുന്നതും ഇവര് തന്നെ. പബ്ളിസിറ്റിക്ക് പിന്നാലെ പോയാല് യഥാര്ത്ഥ കേസ് അന്വേഷിക്കാനാവില്ല. പിന്നീട് ഇതേ മാധ്യമങ്ങളില് നിന്നും വിമര്ശനം കേള്ക്കേണ്ടിയും വരും.
https://www.facebook.com/Malayalivartha
