ചാലക്കുടി കൊലപാതക കേസുമായി ബന്ധപ്പെട്ട് അഭിഭാഷകനായ സി പി ഉദയഭാനുവും നടിയെ ആക്രമിച്ച കേസില്‍ നടന്‍ ദിലീപിന് രണ്ട് നീതിയാണ് ഇപ്പോള്‍ നടക്കുന്നത്.സമൂഹത്തില്‍ ഏറെ സ്വാധീനമുള്ള വ്യക്തികള്‍ തെറ്റ് ചെയ്തിട്ടുണ്ടോ ഇല്ലയോ എന്നത് സാക്ഷികളും മൊഴികളുമാണ് തീരുമാനിക്കുന്നത്.

പണത്തിന് വേണ്ടി ബന്ധങ്ങളെയോ സൗഹൃദങ്ങളെയോ കാണാതെ കൊലപ്പെടുത്തിയതാണ് ചാലക്കുടി കൊലപാതക കേസ്. ചാലക്കുടി കേസിലും ദിലീപിന്റെ കേസിലും പച്ചവെള്ളം പോലെ സത്യമായ ഒന്നാണ് ഇരുകേസുകളിലും രണ്ട് നീതി നടക്കുന്നു എന്നത്. എന്റെ അച്ഛനെ കൊന്നത് അഭിഭാഷകന്‍ ഉദയഭാനുവാണെന്ന് രാജീവിന്റെ മകന്‍ പറയുന്നു.

കൊല്ലപ്പെട്ട രാജീവിന്റെ മകന്‍ അഖിലിനെ ചാലക്കുടിയിലെ ഡിവൈ.എസ്.പി. ഓഫീസില്‍ വിളിച്ചുവരുത്തി തെളിവെടുത്തിരുന്നു. അഖില്‍ മൂന്ന് പ്രധാന രേഖകള്‍ പോലീസിന് കൈമാറിയിരുന്നു. രാജീവിനെ കൊലപ്പെടുത്തിയതിന് പിന്നില്‍ ഉദയഭാനുവാണെന്ന് പോലീസ് ഉദ്യോഗസ്ഥര്‍ ശക്തമായി വിശ്വാസിക്കുന്നു.

എന്നാല്‍, അഭിഭാഷകന്‍ ഉദയഭാനു കേസില്‍ നിരപരാധിയാണെന്നും അദ്ദേഹത്തിന് ഈ കൊലപാതകത്തില്‍ പങ്കില്ലെന്ന് പോലീസിലെ മറ്റ് ചില ഉദ്യോഗസ്ഥര്‍ ഉറച്ച് വിശ്വാസിക്കുന്ന വിഭാഗവും ഉണ്ട്. ഈ കേസിലെ സത്യം എന്താണെന്ന് പുറത്ത് വരണമെന്ന് പോലീസിലെ സത്യസന്ധരായ ചിലര്‍ ആഗ്രഹിക്കുന്നു.എന്നാല്‍ കേസ് ഒതുക്കി തീര്‍ക്കാന്‍ ഉന്നതങ്ങളില്‍ നിന്നും സമ്മര്‍ദ്ദം നടക്കുന്നുണ്ട്.

അഭിഭാഷകന്‍ ഉദയഭാനുവിനോട് ചിലര്‍ക്ക് വ്യക്തിവൈരാഗ്യം ഉണ്ടെന്നാണ് ആരോപണങ്ങള്‍. പോലീസിലും വ്യക്തിവൈകാര്യത്തിന്റെ പേരില്‍ ചാലക്കുടി കേസില്‍ അദ്ദേഹത്തെ പ്രതിയാക്കാന്‍ ശക്തമായ ചര്‍ച്ചകള്‍ നടക്കുന്നു. കേരളത്തിലെ പ്രമാദമായ പല കേസുകളിലും പബ്ലിക് പ്രോസിക്യൂട്ടര്‍ ആയി എത്തി ജനങ്ങളുടെ ആദരവ് ഏറ്റുവാങ്ങിയ ആളാണ് അഡ്വ സിപി ഉദയഭാനു.

എന്നാല്‍ ചാലക്കുടിയില്‍ ബ്രോക്കറായ രാജീവിന്റെ കൊലപാതകത്തില്‍ സിപി ഉദയഭാനുവിനും പങ്കുണ്ട് എന്നാണ് ആരോപണം.എന്നാല്‍ ഇതിനെതിരെ ശക്തമായി രംഗത്തെത്തിയിരിക്കുകയാണ് ഇപ്പോള്‍ അഡ്വ ഉദയഭാനു. നിയമത്തെ ബഹുമാനിക്കുന്ന ഒരു അഭിഭാഷകനാണ് താന്‍ എന്നും ഇത്തരത്തിലുള്ള ഒരു കൃത്യത്തിന് ഒരിക്കലും കൂട്ടുനില്‍ക്കില്ലെന്നും ഉദയഭാനു പറഞ്ഞു.

കൊല്ലപ്പെട്ട രാജീവുമായി ഒരു ബ്രോക്കര്‍ എന്ന രീതിയിലുള്ള ബന്ധം മാത്രമേ ഉണ്ടായിരുന്നുള്ളൂ എന്നും ഉദയഭാനു പറയുന്നു. രാജീവ് സ്ഥലം വാങ്ങുന്നതിനായി പണം കൈപ്പറ്റിയിരുന്നു. എന്നാല്‍ സ്ഥലം നല്‍കിയിരുന്നില്ല. ഇതുമായി ബന്ധപ്പെട്ട് കേസുകള്‍ ഉണ്ടെന്നും സിപി ഉദയഭാനും വ്യക്തമാക്കി. 

കേസിലെ പ്രതികളായ ജോണിയും രഞ്ജിത്തും നല്‍കിയ മൊഴിയുടെ അടിസ്ഥാനത്തില്‍ ആണ് ഇപ്പോള്‍ ഉദയഭാനുവിനെതിരെ ആരോപണങ്ങള്‍ ഉയര്‍ന്നിട്ടുള്ളത്. ഉദയഭാനു കൂടി ആവശ്യപ്പെട്ടിട്ടാണ് രാജീവിനെ തട്ടിക്കൊണ്ടുപോയത് എന്നായിരുന്നു പ്രതികളുടെ വെളിപ്പെടുത്തല്‍.

 എന്നാല്‍ നടന്‍ ദിലീപിന്റെ കേസില്‍ പള്‍സര്‍സുനിയുടെ മൊഴിയെ തുടര്‍ന്ന് മാത്രമാണ് ദിലീപിനെ അറസ്റ്റ് ചെയ്തതു. പള്‍സര്‍ സുനി എന്നറിയപ്പെടുന്ന സുനില്‍ കുമാറിന്റെ വെളിപ്പെടുത്തലോടെ മലയാള സിനിമാ ലോകത്ത് എന്തൊക്കെയാണ് സംഭവിച്ചത്.

ഒരു നടന്‍, അതും ജനകീയനും ജനപ്രിയനും കുടുംബ സദസുകളുടെ ഇഷ്ടതാരവുമായൊരാള്‍ പൊലീസ് പിടിയിലാകുന്നതും ജയിലാകുന്നതും കേരളത്തിന്റെ ചരിത്രത്തില്‍ത്തഹന്നെ ഇതാദ്യം. ഒരു വലിയ താരം എന്നതിലുപരി നല്ല സ്വാധീനവും സമ്പത്തുമുള്ളയാള്‍ കൂടിയാണ് ദിലീപ്.

ദിലീപ് എന്ന നടന്‍ ഇപ്പോഴും കുറ്റക്കാരനാണോ അല്ലയോ എന്നത് വലിയ ചോദ്യം ചിഹ്നമാണ്. തെറ്റ് ചെയ്തിട്ടുണ്ടെങ്കില്‍ ശിക്ഷ നല്‍കുക തന്നെ വേണം. പള്‍സര്‍ സുനിയുടെ മൊഴി മാത്രം വീക്ഷിച്ചാണ് കേസ് അന്വേഷണം പുരോഗമിക്കുന്നത്.

ചില വ്യക്തികള്‍ വരുമ്പോള്‍ കേസ് അന്വേഷണം തെറ്റായ വഴിയിലൂടെയാകും നടക്കുക. ദിലീപിന്റെയും ഉദയഭാനുവിന്റെയും കേസില്‍ രണ്ട് നീതിയാണോ നടക്കുന്നതെന്ന് പലരും ചോദിച്ചു പോവുകയാണ്.