സാധാരണ ജനങ്ങളുടെ നടുവില്‍ ജീവിക്കുന്ന രാഷ്ട്രീയ നേതാവാണ് ഉമ്മന്‍ചാണ്ടി. പലപ്പോഴും പലരും പറയുമായിരുന്നു ഉമ്മന്‍ചാണ്ടിയെപ്പോലെ ജനങ്ങളോട് ഇടപഴകി കഴിയുന്ന നേതാക്കള്‍ കുറവാണെന്ന്. എന്നാല്‍ ഇപ്പോള്‍ സോളാര്‍ വിവാദങ്ങളുടെ നടുവിലാണ് ഉമ്മന്‍ചാണ്ടി. രാഷ്ട്രീയ നേതാവിന്റെ ഭാര്യയെന്ന നിലയില്‍ തന്റെ അനുഭവങ്ങള്‍ പങ്കുവെയ്ക്കുകയാണ് മറിയാമ്മ ഉമ്മന്‍.

വേദിയിലും സദസിലുമുള്ള സഹോദരി സഹോദരന്മാരേ. എന്നെ പ്രസംഗിക്കാന്‍ വിളിക്കുമെന്ന് ഞാന്‍ കരുതിയതല്ല, ഞാന്‍ രാഷ്ട്രീയക്കാരിയല്ല. പ്രസംഗിക്കാനും അറിയില്ല.. എനിക്ക് ഒരു അമ്മയെന്ന നിലയിലും ഭാര്യയെന്ന നിലയിലും മാത്രമേ സംസാരിക്കാന്‍ സാധിക്കയൂള്ളൂ. എനിക്ക് നിങ്ങളോട് പറയാനുള്ളത് ചിരിച്ചു കാണിക്കൂ എപ്പോഴും എന്നാണ്. എല്ലാ ടെന്‍ഷനും പോകും.. ഞാന്‍ ആഗ്രഹിച്ചിട്ടുണ്ട്. ഒരഴ്ച്ചയില്‍ എട്ടു ദിവസം ഉണ്ടായിരുന്നെങ്കില്‍ ഒരു ദിവസം എനിക്കു കിട്ടുമല്ലോ എന്ന്...

എല്ലാരെ നോക്കി ചിരിക്കുന്നുണ്ട. എന്നേം മക്കളേം മാത്രം കാണുന്നില്ല. സഹോദരിമാരേ നിങ്ങളോട് പറയാനുള്ളത് ഒന്നുമാത്രമാണ്. കുടുംബത്തില്‍ ടെന്‍ഷന്‍സ് കാണും.. ഒരിക്കല്‍ പോലും ഭാര്യയും ഭര്‍ത്താവും വഴക്കിടാതിരിക്കും എന്നു ഞാന്‍ വിശ്വസിക്കില്ല. അങ്ങെയെങ്കില്‍ ഒരാള് ചെവി കേള്‍ക്കാത്തയാളോ ഊമയോ ആയിരിക്കും. സത്യസന്ധമായി പറയുന്നതാണ്. ഞാനും കൊച്ചുമക്കളുടെ വല്യമ്മയാണ്. ടെന്‍ഷന്‍ കൊണ്ടാണ് ഞാനും കൊച്ചുമക്കളെയൊക്കെ വഴക്കു പറഞ്ഞിരുന്നു. പക്ഷേ ഇപ്പോള്‍ എനിക്ക് മനസിലായി ക്രോധം ഒന്നിനും ഒരു പരിഹാരമല്ലെന്ന്.നമ്മള്‍ ഒന്നു കൊടുത്താല്‍ പിള്ളാര് പത്ത് തിരിച്ചു കിട്ടും. എന്റെ പ്രിയപ്പെട്ട അമ്മമാരെ ഞാന്‍ അടിമുടി രോഗമുള്ള സ്ത്രീയാണ്.

പിന്നെ നിങ്ങള്‍ക്ക് അറിയാമല്ലോ.. എന്റെ ഭര്‍ത്താവ് എന്തൊക്കെ പരീക്ഷണങ്ങളിലൂടെ കടന്നുവന്ന ആളാണെന്ന് നിങ്ങള്‍ക്കും ഇതുപോലെ പല കാര്യങ്ങളും അഭിമുഖീകരിക്കേണ്ടി വരും. ഭര്‍ത്താക്കന്മാരുടെ ടെന്‍ഷന്‍സും രാഷ്ട്രീയത്തിലുണ്ടാകുന്ന പ്രൊഫഷനിലുണ്ടാകുന്ന പ്രശ്‌നങ്ങളും.. എല്ലാ ഉണ്ടാകുമ്പോള്‍ നിങ്ങള്‍ എന്നെ ഓര്‍ത്താല്‍ മതി. ഞാന്‍ എത്ര ചിരിച്ചു കഴിഞ്ഞതാ.. ജീവിതം വളരെ കുറച്ചേയൂള്ളൂ. അത് ഒരു ദിവസമായി മണിക്കൂറുകള്‍ പോലെ ജീവിക്കുക. നമുക്കെല്ലാവര്‍ക്കും സ്‌നേഹം ഉണ്ടാകണം.

നമ്മളെ ഇവിടെ കൊണ്ടുവന്നിരിക്കുന്ന രണ്ട് വികാരങ്ങളാണ്. ഒന്ന് കോണ്‍ഗ്രസ് വികാരവും മറ്റൊന്ന് ഭാരതീയരെന്ന വികാരവും. നമുക്ക് സന്തോഷിച്ചിരിക്കാം. ദുഃഖിക്കേണ്ട കാര്യമെന്താണ്? ചിലര്‍ പറയുമ്പോള്‍ എന്തോ വലിയ കാര്യമാണെന്ന് ചിന്തിക്കേണ്ടതെന്ത്? പല കാര്യങ്ങളും കേള്‍ക്കും. ഞാന്‍ ഒരു ചെറിയ കാര്യം പറഞ്ഞെന്നേയൂള്ളൂ. എല്ലാവര്‍ക്കും മാതൃസ്‌നേഹം കൊടുക്കുക. ദൈവം നമ്മെ ഏവരെയും അനുഗ്രഹിക്കട്ടെ എന്ന് പ്രാര്‍ത്ഥിക്കുന്നു.

അതേസമയം രാഷ്ട്രീയ നേതാവെന്ന നിലയില്‍ പ്രസംഗിച്ച ഉമ്മന്‍ ചാണ്ടി നരേന്ദ്ര മോദി സര്‍ക്കാറിനെ കടന്നു വിമര്‍ശിക്കുകയും ചെയ്തു. കള്ളപ്പണവും കള്ളനോട്ടും തീവ്രവാദവും തടയാന്‍ മോദി സര്‍ക്കാര്‍ നോട്ടു നിരോധനം നടപ്പിലാക്കിയപ്പോള്‍ പ്രയാസങ്ങള്‍ പരിഹരിക്കാന്‍ ജനങ്ങളോട് 55 ദിവസത്തെ സാവകാശമാണ് മോദി തേടിയത്. ഒരു വര്‍ഷം കഴിഞ്ഞപ്പോള്‍ സര്‍ക്കാര്‍ തന്നെ സമ്മതിച്ചിരിക്കുന്നു രാജ്യത്ത് സാമ്പത്തിക മാന്ദ്യമാണെന്ന്. ഒരൊറ്റ രാജ്യം ഒരൊറ്റ നികുതി എന്ന് പറഞ്ഞായിരുന്നു ജി എസ് ടി നടപ്പിലാക്കിയത് . കേള്‍ക്കാന്‍ സുഖമുള്ള മുദ്രാവാക്യം ആയിരുന്നെങ്കിലും അത് ജനങ്ങള്‍ക്ക് ആകെ അസൗകര്യമായി മാറി ഉമ്മന്‍ ചാണ്ടി പറഞ്ഞു.