മുഖ്യമന്ത്രിയെ കണ്ടതോടെ ഫസല് ഗഫൂറിന്റെ പ്ലസ് ടു പരാതിയും തീര്ന്നു
സംസ്ഥാനത്ത് പുതിയ പ്ലസ്ടു അനുവദിച്ചത് മാനദണ്ഡങ്ങള് ലംഘിച്ചാണെന്നും സര്ക്കാരിനെതിരേ നിയമപരമായി നീങ്ങമെന്നും പ്രഖ്യാപിച്ച എംഇഎസ് പ്രസിഡന്റ് ഫസല് ഗഫൂര് മുഖ്യമന്ത്രിയെ കണ്ടതോടെ അഭിപ്രായം മാറ്റി.
പകരം ഫസല് ഗഫൂര് മുഖ്യമന്ത്രിക്കു പരാതി നല്കി. കോഴിക്കോട്ട് മുഖ്യമന്ത്രിയുമായി നടന്ന കൂടിക്കാഴ്ചയ്ക്കിടെയാണ് അദ്ദേഹം പരാതി നല്കിയത്. ഏകജാലകസംവിധാനം അട്ടിമറിക്കപ്പെടാതെ ശ്രദ്ധിക്കണമെന്നും അധ്യാപക നിയമനത്തിലെ അവ്യക്തതകള് പരിഹരിക്കണമെന്നും ഫസല് ഗഫൂര് പരാതിയില് ആവശ്യപ്പെട്ടു. അതേസമയം, മുഖ്യമന്ത്രിക്കു നേരിട്ടു പരാതി നല്കിയതിനാല് നിയമനടപടിക്കില്ലെന്നും അദ്ദേഹം അറിയിച്ചു. പ്ലസ്ടു അനുമതിക്കായി കോഴ ആവശ്യപ്പെട്ട് ചിലര് സമീപിച്ചതായി ഫസല് ഗഫൂര് വെള്ളിയാഴ്ച ആരോപിച്ചിരുന്നു. ഭരണകക്ഷിയുമായി ബന്ധമുള്ള ചിലരാണ് കോഴ ആവശ്യപ്പെട്ടത്. ഇക്കാര്യം ലീഗ് ജനറല് സെക്രട്ടറിയുടെ ശ്രദ്ധയില്പെടുത്തി. വിഷയത്തില് സര്ക്കാരിനെതിരേ നിയമനടപടി സ്വീകരിക്കുമെന്നും ഫസല് ഗഫൂര് പറഞ്ഞിരുന്നു. പട്ടികയില് ക്രമക്കേടുണ്ടെങ്കില് മുഖ്യമന്ത്രിയാണ് ഉത്തരവാദിയെന്നും ആത്മാര്ഥതയുണ്ടെങ്കില് സര്ക്കാര് പട്ടിക പുനഃപരിശോധിക്കണമെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
