സമരമില്ലെങ്കില് എന്തോന്ന് എസ്എഫ്ഐ? ചിലര് പ്രസ്താവനകള് നടത്തി ആളാകാന് നോക്കുന്നെന്ന് സിപിഎം വിമര്ശനം
പഠിപ്പ് മുടക്കി സമരം പാടില്ലെന്ന ഒരുകൂട്ടം നേതാക്കളുടെ നിലപാടിനെതിരെ സിപിഎം സംസ്ഥാന സമിതി. കേന്ദ്ര കമ്മറ്റി അംഗമായ ഇ. പി. ജയരാജന്റെ നിലപാട് സിപിഎം സംസ്ഥാന സമതി തള്ളി. ഇ. പി. ജയരാജന്റെ നിലപാടിനെതിരെ സംസ്ഥാന സമതിയില് രൂക്ഷമായ വിമര്ശനമാണ് ഉയര്ന്നത്.
ചിലര് പ്രസ്താവനകള് നടത്തി ആളാകാന് നോക്കുകയാണെന്ന് ഇ. പി. ജയരാജനെ വിമര്ശിച്ച് പി. ജയരാജന് പറഞ്ഞു. എന്നാല് തന്റെ നിലപാടില് ഉറച്ചു നല്ക്കുന്നതായി ഇ. പി. ജയരാജന് സംസ്ഥാനകമ്മറ്റിയെ അറിയിച്ചു. വെള്ളത്തില് പാറ്റ വീണാല് പോലും സമരം നടത്തുന്ന രീതിയെ ജനങ്ങള് സ്വീകരിക്കില്ലെന്നും അദ്ദേഹം നിലപാടിനെ ന്യായികരിച്ച് പറഞ്ഞു.?
വിദ്യാര്ഥികളുടെ കടമ പഠിക്കുകയാണെന്നും പഠിപ്പ് മുടക്കുകയല്ലെന്നും, അവധി ദിവസങ്ങളില് വിദ്യാര്ഥികള് സമരത്തിന് ഇറങ്ങണമെന്നുമായിരുന്നു ജയരാജന്റെ നിലപാട്. കാലത്തിന് അനുസരിച്ചുള്ള മാറ്റങ്ങള്ക്ക് എസ്എഫ്ഐ തയാറാകണമെന്നും ജയരാജന് അഭിപ്രായപ്പെട്ടിരുന്നു. ജയരാജന്റെ അഭിപ്രായത്തോട് എസ്എഫ്ഐ നേതാക്കളുടെ ഇടയിലും വിഭിന്ന അഭിപ്രായം ഉയര്ന്നിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
