സാന്റിയാഗോ മാര്‍ട്ടിന്റെ പറ്റിപ്പ്‌ ആദ്യമറിഞ്ഞത്‌ മാണിയുടെ ഓഫീസ്‌, പത്രങ്ങളെയും മുഖ്യമന്ത്രിയെയും മാര്ട്ടിന് പൊട്ടനാക്കി
സാന്റിയാഗോ മാര്ട്ടിന് കേരളത്തില്‍ ലോട്ടറി തുടങ്ങാന്‍ സുപ്രീംകോടതി അനുമതി നല്‍കിയതായുള്ള വാര്‍ത്ത മലയാള ദിനപത്രങ്ങളിലും ചാനലുകളിലും നല്‍കി വന്‍ കബളിപ്പ്‌ നടത്തിയതിനു പിന്നില്‍ മറിഞ്ഞത്‌ കോടികള്‍. മലയാള മനോരമ ഉള്‍പ്പെടെയുള്ള ദിനപത്രങ്ങള്‍ ഒന്നാം പേജിലെ ലീഡ്‌ സ്റ്റോറിയാക്കി മാറ്റിയ വ്യാജ കോടതി ഉത്തരവ്‌ ചെന്നൈയില്‍ പ്രവര്‍ത്തിക്കുന്ന ഒരു പബ്‌ളിക്‌ റിലേഷന്‍സ്‌ സ്ഥാപനമാണ്‌ കേരളത്തിലെ മാധ്യമങ്ങള്‍ക്ക്‌ നല്‍കിയത്‌.
ജൂലൈ 14 ന്‌ പുറത്തിറങ്ങിയ ഉത്തരവ്‌ വെബ്‌ സൈറ്റില്‍ ലഭ്യമായിട്ടും അത്‌ പരിശോധിക്കാന്‍ മിനക്കെടാതെ പത്രങ്ങളില്‍ വന്നത്‌ എങ്ങനെയെന്നാണ്‌ സര്‍ക്കാര്‍ ആലോചിക്കുന്നത്‌. ചാനലുകളിലും ഇത്‌ ലീഡ്‌ വാര്‍ത്തയായിരുന്നു. അതിനെല്ലാമുപരി സംസ്ഥാന ക്യാബിനറ്റ്‌ മൂന്നു മണിക്കൂര്‍ കോടതി വിധിയെ കുറിച്ച്‌ ചര്‍ച്ച ചെയ്‌തതാണ്‌ മറ്റൊരത്ഭുതം. കോടതി വിധിക്കെതിരെ അപ്പീല്‍ പോകുമെന്ന്‌ പറഞ്ഞ് നമ്മുടെ മുഖ്യമന്ത്രി ഇളിഭ്യനാവുകയും ചെയ്‌തു.
ജൂലൈ 14 നുള്ള ഉത്തരവ്‌ എങ്ങനെ ജൂലൈ 30 ന്‌ പത്രങ്ങള്‍ക്ക്‌ നല്‍കി എന്ന കോമണ്‍സെന്‍സുപോലും കേരളത്തിലെ മാധ്യമങ്ങള്‍ കാണിച്ചില്ല. മുഖ്യമന്ത്രിയെ പോലൊരാള്‍ പരിഹാസ കഥാപാത്രമാകാതിരിക്കാനായി സുപ്രീം കോടതിയിലുള്ള അഭിഭാഷകര്‍ വിധിയുടെ പകര്‍പ്പ്‌ എടുക്കാന്‍ പോലും തയ്യാറാകാത്തത്‌ ദുരൂഹമായി തുടരുന്നു. അതേസമയം ധനമന്ത്രി കെഎം മാണി മാത്രമാണ്‌ മാര്‍ട്ടിന്റെ പറ്റിപ്പിനെ കുറിച്ച്‌ ആദ്യം മനസ്സിലാക്കിയത്‌.
കെഎം മാണിയുടെ ഓഫീസില്‍ നിയമവിഭാഗം കൈകാര്യം ചെയ്യുന്ന മുന്‍ നിയമ സെക്രട്ടറി ഡി. ശരത്‌ചന്ദ്രനാണ്‌ വിധിയെ കുറിച്ച്‌ ആദ്യം സംശയം തോന്നിയത്‌. ജൂലൈ 14 ന്റെ വിധി ജൂലൈ 30 ന്‌ എങ്ങനെ പത്രത്തില്‍ വന്നു എന്ന സംശയമാണ്‌ മാണിയുടെ ഓഫീസിന്‌ തോന്നിയത്‌. അവര്‍ ഡല്‍ഹിയിലുള്ള സര്‍ക്കാര്‍ അഭിഭാഷകരെ വിധിയുടെ നിജസ്ഥിതി ബോധ്യപ്പെടുത്താന്‍ സമീപിച്ചു. ഡല്‍ഹിയിലുള്ള സര്‍ക്കാര്‍ അഭിഭാഷകര്‍ മാര്ട്ടിന് നല്‍കിയതല്ല യഥാര്‍ത്ഥ വിധിയെന്ന്‌ നിയമമന്ത്രാലയത്തെ അറിയിച്ചു. അപ്പോഴൊക്കെ പൊട്ടന്റെ മുമ്പില്‍ ശംഖു വിളിക്കുന്നതു പോലെ സംസ്ഥാന മന്ത്രി സഭ മാര്‍ട്ടിനെ കുടുക്കാന്‍ ഘോരഘോരം ചര്‍ച്ച നടത്തുകയായിരുന്നു. മന്ത്രിസഭാ യോഗത്തില്‍ നിന്നും പുറത്തിറങ്ങിയ കെ എം മാണി വിധി പകര്‍പ്പ്‌ സശ്രദ്ധം പഠിക്കുകയും മാര്ട്ടിന് ഒരുക്കിയ കെണിയില്‍ മാധ്യമങ്ങള്‍ വീണതാണെന്ന്‌ കണ്ടെത്തുകയും ചെയ്‌തു.
യഥാര്‍ത്ഥത്തില്‍ മാര്‍ട്ടിന്റെ കുരുക്ക്‌ കേരളത്തില്‍ ആദ്യമറിഞ്ഞത്‌ കെ എം മാണിയാണ്‌. ചൊവ്വാഴ്‌ച വൈകുന്നേരം വാര്‍ത്ത വന്ന ദിവസം രാത്രി ഏഷ്യാനെറ്റില്‍ പ്രതികരിക്കാനെത്തിയ ഡോ. തോമസ് ഐസകും റ്റി.എന്‍ പ്രതാപനും ഇളിഭ്യരാവുകയും ചെയ്‌തു. ഡോ. ഐസക്‌ സര്‍ക്കാരിനെതിരെ ഗുരുതരമായ ആരോപണങ്ങള്‍ ഉന്നയിച്ചിരുന്നു. ലോട്ടറി കേസ് തോറ്റതിലുള്ള ഉത്തരവാദിത്വം കേരള സര്‍ക്കാരിനാണെന്ന ആരോപണമാണ്‌ റ്റി.എന്‍ പ്രതാപന്‍ ഉന്നയിച്ചത്‌. കേരളത്തില്‍ പ്രകടനം ഏറ്റെടുത്ത വി.ഡി. സതീശന്‍ ലോട്ടറി മാഫിയയെ ഒതുക്കണമെന്ന്‌ ആവശ്യപ്പെട്ട്‌ ലേഖനവും എഴുതി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
