മനുഷ്യാവകാശം ഉണര്‍ന്നു? ബിന്ദ്യയേയും റുക്‌സാനയേയും കസ്റ്റഡിയില് പീഡിപ്പിച്ചതിനെക്കുറിച്ച്‌ എസ്‌പി അന്വേഷിക്കണമെന്ന്‌ മനുഷ്യാവകാശ കമ്മീഷന്‍
02 AUGUST 2014 08:37 AM IST
മലയാളി വാര്‍ത്ത.
ഓഗസ്‌റ്റ്‌ 19 നു രാവിലെ 11 ന്‌ എറണാകുളം കലക്‌ടറേറ്റ്‌ കോണ്‍ഫറന്‍സ്‌ ഹാളില്‍ നടക്കുന്ന സിറ്റിംഗില്‍ അന്വേഷണ റിപ്പോര്‍ട്ട്‌ ഹാജരാക്കണം .കൊച്ചി ഡി.സി.പി. നിശാന്തിനി, സി.ഐ. സന്തോഷ്‌കുമാര്‍, എസ്‌.ഐ. അനന്തലാല്‍ എന്നിവര്‍ അന്നേദിവസം ആക്ഷേപം സമര്‍പ്പിക്കണമെന്നും ഉത്തരവില്‍ പറയുന്നു. ജൂലൈ ഒന്‍പതിന്‌ റുക്‌സാനയെ കൊച്ചി ഒബ്‌റോണ്‍ മാളില്‍ വിളിച്ചുവരുത്തി പോലീസിനെക്കൊണ്ട്‌ അറസ്‌റ്റ്‌ ചെയ്യിക്കുകയായിരുന്നുവെന്നു പരാതിയില്‍ പറയുന്നു. തുടര്‍ന്ന്‌ ജനങ്ങള്‍ നോക്കിനില്‍ക്കെ മര്‍ദ്ദിച്ചു. ജൂലൈ 10 നാണ്‌ അറസ്‌റ്റ്‌ രേഖപ്പെടുത്തിയത്‌. പ്രതിശ്രുതവരനുമായി വരുമ്പോഴാണ്‌ ബിന്ധ്യതോമസിനെ അറസ്‌റ്റ്‌ ചെയ്‌തതെന്നും പരാതിയിലുണ്ട്‌. ഡി.സി.പി. നിശാന്തിനിയുടെ നേതൃത്വത്തില്‍ പാലാരിവട്ടം സ്‌റ്റേഷനില്‍ തങ്ങളെ ക്രൂരമായി മര്‍ദ്ദിച്ചതായി പരാതിയില്‍ പറയുന്നു. അവശനിലയിലായ ബിന്ധ്യയെ ആശുപത്രിയിലെത്തിച്ചില്ല. പരാതിക്കാരനെ കൊണ്ട് സര്‍ക്കിള്‍ ഇന്‍സ്‌പെക്‌ടര്‍ മര്‍ദ്ദിച്ചു. പരാതിക്കാരനായ സജികുമാര്‍ പോലീസിനു 30 ലക്ഷം കൈക്കൂലി നല്‍കിയതായും പരാതിയിലുണ്ട്‌. രാഷ്‌ട്രീയക്കാരുടെയും മന്ത്രിമാരുടെയും ഫോട്ടോ കാണിച്ച്‌ തങ്ങളുമായി ബന്ധമുണ്ടെന്നു കുറ്റസമ്മതം എഴുതാന്‍ നിര്‍ബന്ധിച്ചതായും പരാതിയിലുണ്ട്‌. ഇതിനു വിസമ്മതിച്ചപ്പോഴായിരുന്നു പീഡനം. കോടതിയില്‍ ഹാജരാക്കിയപ്പോള്‍ മജിസ്‌ട്രേറ്റിനോടു വിവരങ്ങള്‍ പറഞ്ഞിട്ടുണ്ടെന്നും പരാതിയില്‍ പറയുന്നു. അതേസമയം കുറ്റം എത്ര ക്രൂരമായാലും കോടതിയില്‍ അക്കാര്യം തെളിയുന്നതുവരെ പീഡിപ്പിക്കാന്‍ പാടില്ലെന്നു സുപ്രീംകോടതി പലതവണ പറഞ്ഞിട്ടുള്ളതായി ജസ്‌റ്റിസ്‌. ജെ.ബി. കോശി ഉത്തരവില്‍ പറഞ്ഞു. കസ്‌റ്റഡി പീഡനം ഗുരുതരമായ തെറ്റാണെന്നും ഉത്തരവില്‍ പറയുന്നു. പോലീസ്‌ അന്വേഷണത്തില്‍ കമ്മിഷന്‍ ഇടപെടുകയില്ലെന്ന്‌ ഉത്തരവില്‍ പറയുന്നു. അന്വേഷണം പോലീസിന്‌ ശാസ്‌ത്രീയമായി നടത്താം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
