പ്രതിപക്ഷ നേതാവ്‌ വിഎസ്‌ അച്യുതാനന്ദന്‍ മാപ്പ്‌ പറയണമെന്നാവശ്യപ്പെട്ട്‌ ലോട്ടറി രാജാവ്‌ സാന്റിയാഗോ മാര്‍ട്ടിന്റെ വക്കീല്‍ നോട്ടീസ്‌. നാഗാലാന്‍ഡ്‌ ലോട്ടറി വ്യാപാരി സാന്റിയാഗോ മാര്‍ട്ടിന്റെ വക്കീല്‍ പത്തുകോടി രൂപ നഷ്ടപരിഹാരം ആവശ്യപ്പെട്ടാണ്‌ നോട്ടീസ്‌ അയച്ചത്‌.
2011ല്‍ മുഖ്യമന്ത്രിയായിരിക്കെ വിഎസ്‌ നടത്തിയ പത്രസമ്മേളനത്തില്‍ തനിക്കെതിരെ മാനഹാനിയുണ്ടാക്കുന്ന തരത്തിലുള്ള പരാമര്‍ശങ്ങള്‍ ഉയര്‍ത്തിയെന്നും ഇവ ഏഴുദിവസത്തിനകം പിന്‍വലിച്ച്‌ മാപ്പുപറയണമെന്നാണ്‌ നോട്ടീസിലെ ആവശ്യം.
വിഎസ്‌ അച്യുതാനന്ദന്‍ മുഖ്യമന്ത്രിയായിരുന്ന കാലത്താണ്‌ അന്യസംസ്ഥാന ലോട്ടറികളെ പൂര്‍ണമായും നിരോധിച്ചത്‌. അതിനെതിരെ മാര്‍ട്ടിനും മറ്റ്‌ ലോട്ടറി ലോബികളും നടത്തിയ കുതന്ത്രങ്ങളിലും വിഎസ്‌ വീണില്ല. പകരം ലോട്ടറി മാഫിയകളെ പൂര്‍ണമായും നിരോധിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha