മാഹിയില്‍ നിന്നു കേരളത്തിലേക്കു പാസഞ്ചര്‍ ട്രെയിനില്‍ കടത്തിയ 114 കുപ്പി വിദേശമദ്യം എക്‌സൈസ്‌ പിടികൂടി. താനൂര്‍ സ്വദേശികളായ മണികണ്‌ഠന്‍ (42), അബ്‌ദു (50) എന്നിവരെയാണ്‌ ഷൊര്‍ണൂരില്‍ വച്ച്‌ എക്‌സൈസ്‌ അറസ്‌റ്റ്‌ ചെയ്‌തത്‌. ഇന്നു രാവിലെയാണ്‌ പാസഞ്ചര്‍ ട്രെയിനിലാണ്‌ മറ്റഡോര്‍ ത്രീ എക്‌സ്‌ റമ്മിന്റെ 60 കുപ്പിയും ഗ്രീന്‍ മാജിക്‌ ബ്രാന്‍ഡിയുടെ 54 കുപ്പിയും രണ്ടു പ്ലാസ്‌റ്റിക്‌ ചാക്കുകളില്‍ കടത്താന്‍ ശ്രമിച്ചത്‌. 375 മില്ലി ലീറ്ററിന്റെ കുപ്പികളാണ്‌.
മാഹിയില്‍ യഥാക്രമം 90ഉം 110ഉം രൂപ വിലയുള്ള റമ്മിനും ബ്രാന്‍ഡിക്കും കേരളത്തില്‍ യഥാക്രമം 195ഉം 215ഉം രൂപയാണു വിലയെന്ന്‌ എക്‌സൈസ്‌ അധികൃതര്‍ പറഞ്ഞു. ഓണക്കാല വില്‍പന ലക്ഷ്യമാക്കിയാണ്‌ ഇവ കൊണ്ടുവന്നതെന്ന്‌ അധികൃതര്‍ കരുതുന്നു. പാലക്കാട്‌ എക്‌സൈസ്‌ ഇന്റലിജന്‍സ്‌ വിഭാഗത്തിനു ലഭിച്ച രഹസ്യവിവരത്തെ തുടര്‍ന്നാണു മദ്യം പിടിച്ചത്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha