മുഖ്യമന്ത്രി ഉമ്മന്‍ചാണ്ടിക്ക്‌ കോണ്‍ഗ്രസ്‌ അധ്യക്ഷ സോണിയ ഗാന്ധിയുടെ പ്രശംസ. കേരളത്തിലെ കോണ്‍ഗ്രസ്‌ സംഘടനാ പ്രവര്‍ത്തനം രാജ്യത്തിന്‌ മാതൃകയെന്നും സോണിയാ ഗാന്ധി പറഞ്ഞു. ഇന്ത്യ മൊത്തത്തില്‍ കോണ്‍ഗ്രസിന്‌ പരാജയം നേരിട്ടപ്പോള്‍ കേരളത്തിലെ ജനങ്ങള്‍ കൂടെ നിന്നു. ഉമ്മന്‍ ചാണ്ടിയുടെ നേതൃത്വത്തിലുള്ള കേരളത്തിലെ കോണ്‍ഗ്രസിന്റെ പ്രവര്‍ത്തനത്തില്‍ അഭിമാനമുണ്ടെന്നും സോണിയ കൂട്ടിച്ചേര്‍ത്തു. തിരുവനന്തപുരത്ത്‌ ചേര്‍ന്ന കെപിസിസി വിശാല എക്‌സിക്യൂട്ടീവ്‌ യോഗത്തില്‍ സംസാരിക്കുകയായിരുന്നു സോണിയ.
മതേതര ഇന്ത്യയ്‌ക്കായി കോണ്‍ഗ്രസ്‌ ഒറ്റക്കെട്ടായി പ്രവര്‍ത്തിക്കണമെന്ന്‌ കോണ്‍ഗ്രസ്‌ അധ്യക്ഷ സോണിയാ ഗാന്ധി ആഹ്വാനം ചെയ്‌തു. പുതിയ സര്‍ക്കാര്‍ അധികാരത്തില്‍ വന്നതിന്‌ ശേഷം യുപി, മഹാരാഷ്‌ട്ര ഉള്‍പ്പടെയുള്ള വടക്കന്‍ സംസ്ഥാനങ്ങളില്‍ വര്‍ഗീയ ലഹളകള്‍ വര്‍ദ്ധിച്ചു.
ലോക്‌സഭാ തെരഞ്ഞെടുപ്പിലെ കേരളത്തിന്റെ വിജയത്തില്‍ കെപിസിസി അധ്യക്ഷനും മുഖ്യമന്ത്രിക്കും സോണിയ അഭിനന്ദനം അറിയിച്ചു. ഈ വിജയം തദ്ദേശ സ്വയംഭരണ സ്ഥാപനങ്ങളിലെ തെരഞ്ഞെടുപ്പിലും വരാനിരിക്കുന്ന നിയമസഭ തെരഞ്ഞെടുപ്പിലും ആവര്‍ത്തിക്കുമെന്ന്‌ പ്രതീക്ഷിക്കുന്നതായി സോണിയ പറഞ്ഞു.
കെപിസിസിയുടെ പ്രത്യേക യോഗത്തിന്‌ ശേഷം സോണിയ ഗാന്ധി കുടുംബശ്രീ വാര്‍ഷിക സമ്മേളനം ഉത്‌ഘാടനം ചെയ്‌തു. ലോക്‌സഭാ തെരഞ്ഞെടുപ്പിന്‌ ശേഷം ആദ്യമായാണ്‌ സോണിയ കേരളത്തിലെത്തുന്നത്‌. എഐസിസി ജനറല്‍ സെക്രട്ടറി മുകുള്‍ വാസ്‌നിക്കും ചടങ്ങില്‍ പങ്കെടുത്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha