കെഎംഎംഎല് വാതകചോര്ച്ച; സംശയം ഭരണത്തിലെ ഉന്നതനെ
ചവറ കെ.എം.എം.എല്ലില് നിന്നും വാതകം ചോര്ന്നതിനു പിന്നില് ഇന്റലിജന്സ് സംശയിക്കുന്നത് കരിമണല് ലോബിക്ക് വേണ്ടി പ്രവര്ത്തിക്കുന്ന ഭരണത്തിലെ ഉന്നതനെ. 2001 ലെ യുഡിഎഫ് സര്ക്കാരിന്റെ കാലത്തും കരിമണല് ഖനനത്തിനു വേണ്ടിയാണ് അദ്ദേഹം ശ്രമിച്ചിരുന്നത്. സ്വകാര്യ കരിമണല് ലോബിക്ക് വേണ്ടി അദ്ദേഹം നടത്തിയ പരിശ്രമങ്ങള് കോണ്ഗ്രസ് നേതാക്കളില് അലോരസമുണ്ടാക്കുകയും വി.എം.സുധീരനുമായി ചേരിപ്പോരിന് കാരണമാവുകയും ചെയ്തിരുന്നു. കൊച്ചിയിലെ സ്വകാര്യ കമ്പനി ഉടമയുമായി അടുത്ത ബന്ധം പുലര്ത്തുന്നയാളാണ് നേതാവ്. അദ്ദേഹത്തിന്റെ ആഗ്രഹപ്രകാരം കെഎംഎംഎല്ലിലെ ചില ഉദ്യോഗസ്ഥരാണ് വാതകചോര്ച്ചക്ക് പിന്നില് പ്രവര്ത്തിച്ചതെന്ന് അറിയുന്നു. രണ്ടു ദിവസവും തുടര്ച്ചയായി ചോര്ച്ചയുണ്ടായത് കെഎംഎംഎല്ലില് നിന്നു തന്നെയാണെന്നും അതിന് ഉദ്യോഗസ്ഥരുമായി ബന്ധമുണ്ടെന്നുമാണ് പോലീസിന് ലഭിച്ചിരിക്കുന്ന സന്ദേശം.
2011 ലും ഇതേ മട്ടില് വാതകചോര്ച്ചയുണ്ടായിരുന്നു. യുഡിഎഫ് സര്ക്കാര് അധികാരത്തില് വന്ന ശേഷമായിരുന്നു അത്. ചവറ കെഎംഎംഎല് പൂട്ടുകയാണ് തല്പരകക്ഷികളുടെ ലക്ഷ്യം. കെഎംഎംഎല് പൂട്ടിയാല് കൊച്ചിയിലെ സ്വകാര്യകമ്പനി തഴച്ചു വളരും. വാതകചോര്ച്ച ഉണ്ടായി പ്ലാന്റ് എന്നന്നേക്കുമായി അടച്ചു പൂട്ടിയാല് കെഎംഎംഎല്ലിന് സ്വകാര്യ കമ്പനിയില് നിന്നും രാസ പദാര്ത്ഥം വാങ്ങേണ്ടിവരും. കമ്പനി എം.ഡി ഉള്പ്പെടെയുള്ള ഉന്നതരെ പോലീസ് ചോദ്യം ചെയ്തിരുന്നു. ഇവര് നല്കിയ വിവരങ്ങളില് പൊരുത്തക്കേടുണ്ട്. ഇതേ കുറിച്ച് അടുത്ത ദിവസങ്ങളില് അന്വേഷിക്കുമെന്ന് എ.ഡി.ജി.പി ഹോമചന്ദ്രന് പറഞ്ഞു.
സ്വകാര്യ കമ്പനിക്കുവേണ്ടി സര്ക്കാരിനുള്ളിലും കോണ്ഗ്രസിലും ആളുകളുണ്ട്. പല പ്രമുഖ രാഷ്ട്രീയ നേതാക്കളുടെയും ബിനാമി പണം കൊച്ചിയിലെ സ്വകാര്യ കമ്പനി മുതലാളി വഴിയാണ് വിവിധ മേഖലകളില് നിക്ഷേപിക്കപ്പെടുന്നത്. അടുത്തിടെ അദ്ദേഹം തിരുവനന്തപുരത്ത് സംഘടിച്ച തൊഴിലാളി ധര്ണ ഉദ്ഘാടനം ചെയ്തത് സിപിഎമ്മിലെ ഒരു ഉന്നത നേതാവാണ്. ഇതാണ് സ്വകാര്യ കമ്പനി മുതലാളികള്ക്കുളള ബന്ധത്തിന്റെ ആഴം. കെഎംഎംഎല് അടച്ചു പൂട്ടാന് അദ്ദേഹം വര്ഷങ്ങളായി പ്രവര്ത്തിക്കുകയാണ്. പണത്തിനു ബുദ്ധിമുട്ടുള്ള ഉന്നതരെ നേരില് കണ്ട് സഹായം നല്കുകയാണ് അദ്ദേഹത്തിന്റെ ശൈലി. ഇടതു വലതു ഭേദമന്യേ ഒട്ടു മിക്ക നേതാക്കളും മുതലാളിയുടെ പോക്കറ്റിലാണ്.
മുതലാളിക്ക് ഏറെ അടുപ്പമുള്ള മന്ത്രിയുടെ വകുപ്പില് പെട്ടതാണ് കെഎംഎംഎല്. വകുപ്പിലെ സ്ഥാപനങ്ങളെല്ലാം തന്നെ മന്ത്രിയുടെ ഇഷ്ടക്കാരാണ് ഭരിക്കുന്നത്. അവര് അറിയാതെ കമ്പനിയില് യാതൊന്നും സംഭവിക്കുകയില്ല. ചുരുക്കത്തില് കെഎംഎംഎല്ലില് നടന്നതൊക്കെ സിനിമയില് നടക്കുന്നതു പോലെയാണ്. കേട്ടാല് ആരും വിശ്വസിക്കില്ലെന്ന് മാത്രം. ഏതായാലും സിനിമ സൂപ്പര്ഹിറ്റായി. കമ്പനി പൂട്ടലിന്റെ വക്കിലുമായി. കൊച്ചി കമ്പനിക്ക് തഴച്ചുവളരാന് അവസരമൊരുക്കിയ യുഡിഎഫ് നേതാവ് ആരാണ്?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
