മുഖ്യനെതിരെ ചീഫ് വിപ്പ്; മുഖ്യനൊപ്പം വെള്ളാപ്പള്ളി; അടൂര് പ്രകാശ് ചാവേര്?
മുഖ്യമന്ത്രി ഉമ്മന്ചാണ്ടിക്കും എക്സൈസ് മന്ത്രി കെ ബാബുവിനുമെതിരെ സര്ക്കാര് ചീഫ് വിപ്പ് രംഗത്തെത്തി. പൂട്ടി കിടക്കുന്ന 418 ബാറുകള് നവീകരിക്കുകയാണെങ്കില് ലൈസന്സ് നല്കാമെന്ന് ഭരണത്തിലെ ഉന്നതര് ഉറപ്പുനല്കിയെന്നാണ് പി.സി. ജോര്ജ് ആരോപിച്ചിരിക്കുന്നത്. ബാര് തുറക്കണമെന്ന ആവശ്യത്തില് ഉറച്ചു നില്ക്കുന്നവര് സംസ്ഥാന ഭരണത്തില് രണ്ടേ രണ്ടു പേര് മാത്രമാണ്. അത് മുഖ്യമന്ത്രി ഉമ്മന്ചാണ്ടിയും മന്ത്രി കെ ബാബുവുമാണ്. ഘടകകക്ഷികളായ കേരള കോണ്ഗ്രസും മുസ്ലീംലീഗും പൂട്ടി കിടക്കുന്ന ബാറുകള് തുറക്കേണ്ടതില്ലെന്ന നിലപാടുകാരാണ്. ആര്ക്കെതിരെയാണ് ആരോപണമെന്ന് പി.സി ജോര്ജ് ഇതുവരെ വ്യക്തമാക്കിയിട്ടില്ല. ഒരു ഇടവേളക്കുശേഷമാണ് ജോര്ജ് കോണ്ഗ്രസ് നേതാക്കള്ക്കെതിരെ ആരോപണവുമായി രംഗത്തെത്തുന്നത്.
ഇതിനിടെ ബാര് വിഷയത്തില് വി.എം. മുരളീധരനെതിരെ രംഗത്തിറക്കാന് വെള്ളാപ്പള്ളി നടേശന് മന്ത്രി അടൂര്പ്രകാശിനെ ചട്ടം കെട്ടി. അടൂര് പ്രകാശ് കഴിഞ്ഞ ദിവസം തന്നെ സുധീരനെതിരെ രംഗത്തു വന്നു. സുധീരന് പാര്ട്ടിയെ തകര്ക്കാന് നോക്കുകയാണെന്ന പരോക്ഷ വിമര്ശനവുമായാണ് പ്രകാശ് രംഗത്തെത്തിയത്. പൂട്ടികിടക്കുന്ന ബാറുകളില് നിലവാരമുള്ളവ തുറക്കണമെന്നാണ് സര്ക്കാര് നിലപാടെന്ന് അടൂര് പ്രകാശ് മാധ്യമങ്ങളോട് പറഞ്ഞു. അതേസമയം ഇത്തരമൊരു നിലപാട് സര്ക്കാരിനില്ലെന്ന് റവന്യൂ മന്ത്രി പറഞ്ഞത് അദ്ദേഹത്തിന്റെ അഭിപ്രായമാണെന്നും സുധീരന് മറുപടിയും പറഞ്ഞു.
പൂട്ടികിടക്കുന്ന 418 ബാറുകളില് ഭൂരിഭാഗവും വെള്ളാപ്പളളി നടേശനും അദ്ദേഹത്തിന്റെ സഹപ്രവര്ത്തകര്ക്കും താത്പര്യമുള്ളവയാണ്. കെ, ബാബുവിന്റെയും അടൂര്പ്രകാശിന്റെയും പ്രധാന സ്പോണ്സര് വെള്ളാപ്പളളി നടേശനാണ്. ഒരു പ്രമുഖ സമുദായത്തിലുള്ളവരാണ് പൂട്ടി കിടക്കുന്ന ബാറുകളുടെ നടത്തിപ്പുകാര്. ഒരു സമുദായത്തെ മുഴുവനും പിണക്കുന്ന തരത്തിലാണ് ബാറുകള് സംബന്ധിക്കുന്ന തീരുമാനമെന്ന് മുഖ്യമന്ത്രി ഉമ്മന്ചാണ്ടി ഹൈക്കമാന്റിനെ അറിയിച്ചിട്ടുണ്ട്.
ബാര് ഇടപാടുകളുമായി ബന്ധപ്പെട്ട് കോടികളുടെ ആരോപണമാണ് ഇതിനകം ഉയര്ന്നിട്ടുള്ളത്. എന്നാല് ബാറുകള് സ്ഥിരമായി പൂട്ടിയാല് അത് വ്യാജ മദ്യത്തിന്റെ ഉപയോഗം വര്ദ്ധിക്കുമെന്നാണ് എക്സൈസ് മന്ത്രാലയം പറയുന്നത്. മദ്യത്തിനെതിരെ വ്യാപക പ്രചരണം നടത്തുകയാണ് എക്സൈസ് മന്ത്രാലയം. എന്നാല് മദ്യം ഉപയോഗിക്കുന്നവര്ക്ക് എക്സൈസ് മന്ത്രി ചൂണ്ടികാണിക്കുന്നു.
അനധികൃത ക്വാറികള്ക്കെതിരെ സര്ക്കാര് നിലപാട് ഇളവു ചെയ്തതിനു പിന്നാലെയാണ് ജോര്ജ് സര്ക്കാരിനെതിരെ തിരിഞ്ഞിരിക്കുന്നത്. ഏതായാലും വരും ദിവസങ്ങളില് വിവാദം കൊഴുക്കാനാണ് സാധ്യത.
ബാര് വിവാദത്തില് വെള്ളാപ്പള്ളിയും അടൂര്പ്രകാശും നടത്തിയ പ്രസ്താവനകളെ സുധീരന് ആവര്ത്തിച്ച് തളളി. ബാര് തുറക്കാന് പറയുന്നവര്, ബാര് പൂട്ടിയതിനു കാരണം നഷ്ടം സംഭവിച്ചവരാണെന്നായിരുന്നു സുധീരന്റെ പ്രസ്താവന.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
