സംസ്ഥാനത്ത് ചൂട് ഉയരുന്ന സാഹചര്യത്തില്‍ പൊതുജനങ്ങള്‍ രാവിലെ 11 മണി മുതല്‍ 3 വണിവരെ നേരിട്ട് സൂര്യപ്രകാശം ഏല്‍ക്കുന്നതും ഈ സമയത്ത് തുറസായ ഇടങ്ങളില്‍ തൊഴിലെടുക്കുന്നതും ഒഴിവാക്കണമെന്ന് ദുരന്തനിവാരണ അതോറിറ്റി മുന്നറിയിപ്പ് നല്‍കി. മുഖ്യമന്ത്രിയുടെ ഫേസ്ബുക്ക് പേജിലൂടെയാണ് ഇക്കാര്യം അറിയിച്ചത്.

താപനില 40 ഡിഗ്രി വരെ ഉയരുമെന്ന് മുന്നറിയിപ്പില്‍ പറയുന്നു. രാത്രിയിലും താപനില ശരാശരിക്കും മുകളിലാണ്. വിദ്യാര്‍ത്ഥികളുടെ പരീക്ഷാ കാലമായതിനാല്‍ സ്‌കൂള്‍ അധികൃതരും രക്ഷിതാക്കളും പ്രത്യേക ശ്രദ്ധിക്കണം.
ദുരന്തനിവാരണ അതോറിറ്റിയും ആരോഗ്യവകുപ്പും തൊഴില്‍ വകുപ്പും നല്‍കുന്ന നിര്‍ദ്ദേശങ്ങള്‍ എല്ലാവരും പാലിക്കണമെന്നും കുറിപ്പില്‍ പറയുന്നു.