മലയാറ്റൂര്‍ സെന്റ തോമസ് പള്ളി റെക്ടറായിരുന്ന ഫാ.സേവ്യര്‍ തേലക്കാട്ടിന്റെ കൊലപാതകത്തിലേക്ക് നയിച്ചത് നിമിഷ നേരത്തെ ചേതോവികാരമായിരുന്നുവെന്ന് അറസ്റ്റിലായ പ്രതി ജോണി പ്രതികരിച്ചു. അച്ഛനെ കൊല്ലണമെന്ന് കരുതിയിരുന്നില്ലെന്നും ജോണി പ്രതികരിച്ചു.

എല്ലാവരും എന്നോട് ക്ഷമിക്കണം. ആത്മമാര്‍ത്ഥതയോടെയായിരുന്നു ജോലി ചെയ്തിരുന്നത്. സസ്പെന്‍ഷന്റെ പേരില്‍ ആ സമയത്ത് തോന്നിയ വികാരം കൊണ്ടു ചെയ്തുപോയതാണെന്ന് പോലീസ് സ്റ്റേഷനില്‍ വെച്ച്‌ ജോണി കൈകൂപ്പി മാധ്യമങ്ങളോട് പറഞ്ഞു.

ഏറെക്കാലമായി പള്ളിയില്‍ ശുശ്രൂഷിയായി സേവനമനുഷ്ഠിച്ചു വന്നിരുന്ന ജോണി ജോലിയില്‍ തുടര്‍ച്ചയായി വീഴ്ച വരുത്തിയതിനെത്തുടര്‍ന്നാണു സസ്പെന്‍ഷനിലായത്. ഈ വൈരാഗ്യമാണു പ്രതിയെ കൊലപാതകത്തിലേക്കു നയിച്ചതെന്നാണു പോലീസ് പറയുന്നത്.