മിഷേല് മരിച്ചിട്ട് ഒരു വര്ഷമാകവെ ആന്വേഷണം സിബിഐ ഏറ്റെടുക്കണമെന്നാവശ്യപ്പെട്ട് കര്മസമിതിയുടെ നേതൃത്വത്തില് പ്രക്ഷോഭത്തിന് തുടക്കം
കൊച്ചി കായലില് ദുരൂഹസാഹചര്യത്തില് മരിച്ച നിലയില് കണ്ടെത്തിയ മിഷേല് ഷാജിയുടെ മരണം ഒരു വര്ഷമായിട്ടും ദുരൂഹമായി തുടരുന്നു. ഈ കേസ് സംബന്ധിച്ചുള്ള ആന്വേഷണം സിബിഐ ഏറ്റെടുക്കണമെന്നാവശ്യപ്പെട്ട് കര്മസമിതിയുടെ നേതൃത്വത്തില് പ്രക്ഷോഭത്തിന് തയാറെടുക്കുന്നു. ഇതിന്റെ ഭാഗമായി മിഷേല് മരിച്ചിട്ട് ഒരു വര്ഷം പൂര്ത്തിയാകുന്ന നാളെ പിറവത്ത് അനുസ്മരണ സമ്മേളനവും പ്രതിഷേധ സംഗമവും നടക്കും.
കച്ചേരിപ്പടിക്ക് സമീപമുള്ള ഹോസ്റ്റലില് നിന്നും കലൂര് പള്ളിയിലേക്ക് പോയ മിഷേലിനെ പിറ്റേദിവസം കായലില് മരിച്ച നിലയിലാണ് കണ്ടെത്തിയത്. പള്ളിയിലെത്തി പ്രാര്ഥനയ്ക്ക് ശേഷം പുറത്തേക്ക് പോകുന്നതിന്റെ സിസി ടിവി ദൃശ്യങ്ങള് ലഭിച്ചിരുന്നു. മിഷേല് തിരിച്ചെത്താത്തിനെത്തുടര്ന്ന് മാതാപിതാക്കളെ ഹോസ്റ്റര് അധികൃതര് വിവരമറിയിച്ചിരുന്നു.
ഇവര് രാത്രിയിലെത്തി പരാതിയുമായി പോലീസ് സ്റ്റേഷനിലെത്തിയെങ്കിലും ഇവിടെ നിന്നും നീതിപൂര്വമായ സമീപനമുണ്ടായിരുന്നില്ലെന്ന് പറയുന്നു. പിന്നീട് ഇതു സംബന്ധിച്ച് നിരവധി വിവാദങ്ങളുയരുകയും ചെയ്തിരുന്നു. കായലില് നിന്നും മൃതദേഹം ലഭിച്ച ഉടന്തന്നെ പോലീസ് ആത്മഹത്യയാണന്ന് വിധിയെഴുതിയതും പ്രശ്നങ്ങള്ക്ക് കാരണമായി. കേസ് പിന്നീട് െ്രെകംബ്രാഞ്ചിനെ ഏല്പ്പിച്ചുവെങ്കിലും ഇവരും ആത്മഹത്യയാണന്നുള്ള നിലപാടിലേക്കാണ് എത്തിയത്. എന്നാല് മരണം സംബന്ധിച്ച് കുടുംബാഗങ്ങള് ഉന്നയിക്കുന്ന സംശയങ്ങള്ക്കൊന്നും വ്യക്തമായ മറുപടി നല്കാന് അന്വേഷണ ഉദ്യോഗസ്ഥര്ക്ക് കഴിഞ്ഞിട്ടില്ല.
ഇതിനിടെ അന്വേഷണ ചുമതലയുണ്ടായിരുന്ന ഉദ്യോഗസ്ഥനെ മാറ്റി മറ്റൊരാളെ നിയമിച്ചതും തുടര് അന്വേഷണങ്ങള്ക്ക് തടസമായതായി ബന്ധുക്കള് ആരോപിക്കുന്നു. കായലില് ചാടി ആത്മഹത്യ ചെയ്തതാണങ്കില് 24 മണിക്കൂറോളം വെള്ളത്തില് കിടന്നതിന്റെ സാധ്യതകളൊന്നും മിഷേലിന്റെ ശരീരത്തില് കാണാനുണ്ടായില്ല. കൂടാതെ മിഷേലിന്റെ ബാഗ്, മൊബൈല് ഫോണ് തുടങ്ങിയ സാധനങ്ങളൊന്നും അന്വേഷണ ഉദ്യോഗസ്ഥര്ക്ക് കണ്ടെത്താനായില്ല. ഇതുമായി ബന്ധപ്പെട്ട് മിഷേലുമായി അടുപ്പമുണ്ടായിരുന്നുവെന്ന് പറയപ്പെടുന്ന പിറവം സ്വദേശിയായ ക്രോണ് എന്ന യുവാവിനെ അറസ്റ്റ് ചെയ്തിരുന്നു.
യുവാവിന്റെ നിരന്തരമായ ശല്യം നിമിത്തമാണ് മിഷേല് ആത്മഹത്യ ചെയ്തതെന്നാണ് പോലീസ് പറയുന്നത്. എന്നാല് ബന്ധുക്കള് പോലീസിന്റെ ഈ വാദം അംഗീകരിക്കുന്നില്ല. എന്തൊക്കെ പ്രശ്നങ്ങളുണ്ടായാലും മിഷേല് ആത്മഹത്യ ചെയ്യേണ്ട സാഹചര്യമില്ലെന്നും, കാണാതാവുന്നതിന് മുമ്പ് വീട്ടിലേക്ക് ഫോണ് ചെയ്യുകയും, വളരെ സന്തോഷവതിയായാണ് സംസാരിച്ചതെന്നും പിതാവ് ഷാജി പറയുന്നു. നാളെ രാവിലെ പത്തിന് പിറവത്ത് പള്ളിക്കവലയില് നടക്കുന്ന യോഗം അനൂപ് ജേക്കബ് എംഎല്എ ഉദ്ഘാടനം ചെയ്യും. നഗരസഭ ചെയര്മാന് സാബു കെ. ജേക്കബ് അധ്യക്ഷത വഹിക്കും.
https://www.facebook.com/Malayalivartha
