കാനത്തിന്റെ പ്രതാപം സി.പി.ഐയില് തുടരും... സി.ദിവാകരന് മല്സരിക്കാനില്ലെന്ന് അറിയിച്ചതോടെയാണ് തെരഞ്ഞെടുപ്പ് ഒഴിവായത്
സി.പി.ഐ സംസ്ഥാന സെക്രട്ടറിയായി കാനം രാജേന്ദ്രനെ തെരഞ്ഞെടുത്തു. മലപ്പുറത്ത് നടന്ന സംസ്ഥാന സമ്മേളനത്തില് ഏകകണ്ഠേനെയാണ് തെന്നെ തെരഞ്ഞെടുത്തതെന്ന് കാനം വാര്ത്താസമ്മേളനത്തില് അറിയിച്ചു. രണ്ടാം തവണയാണ് കാനം സെക്രട്ടറിയാകുന്നത്. ദേശീയ സെക്രട്ടറി സുധാകര് റെഡ്ഡിയാണ് കാനത്തിന്റെ പേര് നിര്ദ്ദേശിച്ചത്. സംസ്ഥാന കൗണ്സിലില് വന് അഴിച്ചുപണി നടത്തി. 96 അംഗ കൗണ്സിലെ സമ്മേളനം തെരഞ്ഞെടുത്തു. മുമ്പ് 89 അംഗ കൗണ്സിലായിരുന്നു. ഒന്പത് കൗണ്സില് അംഗങ്ങളെയും 10 കാന്ഡിഡേറ്റ് മെമ്പര്മാരെയും തെരഞ്ഞെടുത്തു. കണ്ട്രോള് കമ്മിഷന് അഴിച്ചുപണിയില് അപാകതയില്ലെന്നും പരാതിയുള്ളവര്ക്ക് പാര്ട്ടി ദേശീയ കമ്മിഷന് പരാതി നല്കാം. കമ്മിഷന് വിവാദത്തെ കുറിച്ച് ചര്ച്ചയ്ക്ക് താല്പര്യമില്ല. തന്റെ നിലപാടുകള് വ്യക്തിപരമല്ല, പാര്ട്ടിയുടെ നിലപാടുകളാണവ. പാര്ട്ടിയില് വ്യക്തിപരമായും സംഘടനാ പരമായും ഐക്യമുണ്ടെന്നും കാനം വ്യക്തമാക്കി.
മന്ത്രിമാരുടെ പുനസംഘടന സി.പി.ഐ ആലോചിക്കുന്നില്ലെന്നും കാനം പറഞ്ഞു. മുന്നണി വിപുലീകരണം അജണ്ടയിലില്ല. ഇടത് ഐക്യം പ്രകടന പത്രികയിലൂന്നിയാണ്. അതില് വെള്ളം ചേര്ക്കില്ല. സംഘപരിവാറിനെ നേരിടാന് വിശാല മതേതരമുന്നണി വേണമെന്നും കാനം പറഞ്ഞു. കെ.എം മാണി ആര്ക്കൊപ്പം പോകുമെന്ന് ആര്ക്കറിയാം. വ്യത്യസ്തമായ അഭിപ്രായങ്ങള് സഖാക്കള് പ്രകടിപ്പിക്കുന്നത് പാര്ട്ടിയുടെ വളര്ച്ചയ്ക്ക്. വിശാലമായ ചെറുത്തുനില്പ്പിന്റെ രാഷ്ട്രീയം വേണമെന്നാണ് ത്രിപുര തെരഞ്ഞെടുപ്പ് ഫലം നല്കുന്ന സൂചനയെന്നും കാനം പറഞ്ഞു. സി.ദിവാകരന് മല്സര രംഗത്ത് നിന്ന് പിന്മാറിയതോടെയാണ് കാനത്തെ ഐക്യകണ്ഠേന തെരഞ്ഞെടുത്തത്.
https://www.facebook.com/Malayalivartha
