ഫോണ് കെണി കേസ്: വിചാരണക്കോടതി വിധി റദ്ദാക്കണമെന്ന് ആവശ്യപ്പെട്ട് സമര്പ്പിച്ച ഹര്ജി ഹൈക്കോടതി ഇന്ന് പരിഗണിക്കും
മംഗളം ഫോണ് കെണി കേസില് മന്ത്രി എ കെ ശശീന്ദ്രനെ കുറ്റവിമുക്തനാക്കിയ വിചാരണക്കോടതി വിധി റദ്ദാക്കണമെന്ന് ആവശ്യപ്പെട്ട് സമര്പ്പിച്ച ഹര്ജി ഹൈക്കോടതി ഇന്ന് പരിഗണിക്കും. കഴിഞ്ഞ ദിവസം ഹരജി പരിഗണിക്കവേ സംസ്ഥാന സര്ക്കാരിനോടും ഹര്ജിക്കാരിയോടും സത്യവാങ്മൂലം സമര്പ്പിക്കാന് ഹൈക്കോടതി നിര്ദ്ദേശിച്ചിരുന്നു.
ഹര്ജിക്കാരിയായ മഹാലക്ഷ്മിക്ക് പൊതു താല്പര്യമില്ലെന്ന് സര്ക്കാര് വാദിച്ചു . ഇവര് നല്കിയിരിക്കുന്നത്.വ്യാജ വിലാസമാണെന്നും സര്ക്കാര് അറിയിച്ചു . ഇതിനിടെ കേസില് കക്ഷിചേരാന് അനുമതി തേടി രണ്ട് ഹര്ജികള് കോടതിയിലെത്തി.
ആദ്യ കേസിലെ പ്രതിയും മംഗളം ജീവനക്കാരനുമായ എസ് വി പ്രദീപ് , അഡ്വ ബിജു ജോസഫ് എന്നിവരാണ് കോടതിയെ സമീപിച്ചത്. കേസില് സി ബി ഐ അന്വേഷണം ആവശ്യപ്പെട്ടു കൊണ്ടുള്ളതാണ് മംഗളം ജീവനക്കാരന്റെ ഹര്ജി.
ഈ രണ്ട് ഹര്ജികളും ഒരുമിച്ച് പരിഗണിക്കും. കേസ് പെട്ടെന്ന് അവസാനിപ്പിച്ച കീഴ് കോടതി നടപടി നിയമപരമല്ലെന്നാണ് ഹര്ജിക്കാരിയുടെ വാദം . മംഗളം ജീവനക്കാരി മൊഴി മാറ്റിയതില് അസ്വഭാവികത ഉണ്ടെന്നും , യുവതി സ്വാധീനിക്കപ്പെട്ടുവെന്നും ഹരജിയില് ആരോപിച്ചിരുന്നു
https://www.facebook.com/Malayalivartha
