താന് വിജിലന്സ് ഡയറക്ടറായിരിക്കെ കാര്യക്ഷമമായി അന്വേഷണം നടത്തിയിരുന്ന കേസുകളെല്ലാം അട്ടിമറിച്ചെന്ന് ജേക്കബ് തോമസ്
ഹൈക്കോടതി ജസ്റ്റിസുമാരായ പി.ഉബൈദിനും എബ്രഹാം മാത്യുവിനും എതിരെ മുന് വിജിലന്സ് ഡയറക്ടറായ ജേക്കബ് തോമസ് സുപ്രീംകോടതി ചീഫ് ജസ്റ്റിസിന് നല്കിയ പരാതി ആദ്യം പുറത്ത് കൊണ്ടുവന്നത് മലയാളി വാര്ത്ത. ഈ വാര്ത്ത മലയാളത്തിലെ പ്രമുഖ വാര്ത്താ ചാനലുകള് ഏറ്റെടുത്തു. പാറ്റൂര് കേസ്, ഇ.പി ജയരാജനെതിരായ ബന്ധുനിയമന കേസ്, കെ.എം മാണിക്കും അനൂപ് ജേക്കബിനും എതിരായ കേസുകള് കണ്ണൂരില് നടന്ന സംസ്ഥാന സ്കൂള് യുവജനോല്സവത്തെ സംബന്ധിച്ച കേസുകള് എന്നിവയെല്ലാം അട്ടിമറിച്ചെന്നാണ് ജേക്കബ് തോമസ് പരാതിയില് പറയുന്നത്.
കണ്ണൂര് , അഴിക്കല് തുറമുഖത്തിന്റെ പരിസ്ഥിതി നാശത്തിലേക്കെത്തിച്ചത് വലിയ അഴിമതിയാണ്. ഇത് സംബന്ധിക്കുന്ന റിപ്പോര്ട്ട് 5-2-2014 ല് സംസ്ഥാന എന്വയോണ്മെന്റല് ഇംപാക്ട് അസെസ്മെന്റ് അതോറിറ്റിയ്ക്ക് കൈമാറി. അതിന്റെ വിശദമായ രേഖകള് സെന്റര് ഫോര് എര്ത്ത് സയന്സസ് ആന്റ് എണ്വയോണ്മെന്റ് ഡിപ്പാര്ട്ടുമെന്റിനും കൈമാറി. അതോടെ തുറമുഖ ഡിപ്പാര്ട്ടുമെന്റിന്റെ ഡയറക്ടര് സ്ഥാനത്തു നിന്നും തന്നെ നീക്കം ചെയ്തെന്നും ഇത് പ്രതികാരനടപടിയാണെന്നും ജേക്കബ് തോമസ് പരാതിയില് ആരോപിക്കുന്നു. അഴിമതിക്കെതികെ കുരിശ് യുദ്ധം നടത്തുന്ന ജേക്കബ് തോമസ്, ഓഖി ദുരിതബാധിതരെ സഹായിക്കുന്നതില് സര്ക്കാര് വീഴ്ചവരുത്തിയെന്ന് പരസ്യമായി പ്രതികരിച്ചതിനെ തുടര്ന്ന് സസ്പെന്ഷനിലാണ്.
https://www.facebook.com/Malayalivartha
