ജാഗ്രതയോടെ... കേരളതീരത്ത് ഉയര്ന്ന് തിരമാലയ്ക്ക് സാധ്യതയെന്ന് മുന്നറിയിപ്പ്, ശ്രീലങ്കയ്ക്കും കന്യാകുമാരിക്കുമിടയില് രൂപംകൊണ്ട ന്യൂനമര്ദം ശക്തമായേക്കും, മത്സ്യത്തൊഴിലാളികള് അടുത്ത 36 മണിക്കൂര് കടലില് മത്സ്യബന്ധനത്തിന് പോകരുതെന്ന് നിര്ദേശം
കേരളതീരത്ത് ഉയര്ന്ന് തിരമാലയ്ക്ക് സാധ്യതയെന്ന് മുന്നറിയിപ്പ്.2.6 മീറ്റര് മുതല് 3.2 മീറ്റര് വരെ ഉയരമുള്ള തിരമാലകളുണ്ടായേക്കാമെന്നാണ് വിവരം. ഇതേത്തുടര്ന്ന് വിഴിഞ്ഞത്തിനും കോഴിക്കോടിനുമിടയില് ജാഗ്രതാ നിര്ദേശം നല്കി.ശ്രീലങ്കയ്ക്കും കന്യാകുമാരിക്കുമിടയില് രൂപംകൊണ്ട ന്യൂനമര്ദം ശക്തമായേക്കുമെന്നാണ് മുന്നറിയിപ്പ്.
കന്യാകുമാരിക്ക് തെക്ക് ന്യൂനമര്ദ്ദം രൂപപ്പെടുകയും പടിഞ്ഞാറന് ദിശയില് ലക്ഷദ്വീപിന് സമീപത്തേക്ക് നീങ്ങി ശക്തിപ്പെടുകയും ചെയ്യാനിടയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. മത്സ്യത്തൊഴിലാളികള് അടുത്ത 36 മണിക്കൂര് കടലില് മത്സ്യബന്ധനത്തിന് പോകരുത്.
അടുത്ത 36 മണിക്കൂര് നേരത്തേക്ക് കന്യാകുമാരി, ശ്രീലങ്ക, ലക്ഷദ്വീപ്, തിരുവനന്തപുരം ഉള്ക്കടലില് മത്സ്യബന്ധനം നടത്തരുതെന്ന് ജില്ലാ കളക്ടര് ഡോക്ടര് കെ വാസുകി അറിയിച്ചു. മത്സ്യതൊഴിലാളികള് കടലില് പോകുന്നില്ലെന്ന് ഉറപ്പു വരുത്താന് കളക്ടര്, ആര്ഡിഒ, പൊലീസ് എന്നിവര്ക്ക് മുഖ്യമന്ത്രിയുടെ ഓഫീസ് നിര്ദേശം നല്കി.
https://www.facebook.com/Malayalivartha
