കണ്ണൂരില്‍ യൂത്ത് കോണ്‍ഗ്രസ് നേതാവ് ഷുഹൈബ് കൊല്ലപ്പെട്ട സംഭവം സി.ബി.ഐ അന്വേഷിക്കണമെന്ന സിംഗിള്‍ ബെഞ്ച് ഉത്തരവ് ചീഫ് ജസ്റ്റിസ് അധ്യക്ഷനായ ഡിവിഷന്‍ ബെഞ്ച് തല്‍ക്കാലത്തേക്ക് സ്റ്റേ ചെയ്തു. വിശദമായ വാദം ഈമാസം 23ന് കേള്‍ക്കും. ജസ്റ്റിസ് കെമാല്‍പാഷ അധ്യക്ഷനായ ബെഞ്ചാണ് , പൊലീസ് അന്വേഷണം കാര്യക്ഷമമല്ലെന്ന് കാണിച്ച് സി.ബി.ഐ അന്വേഷണത്തിന് ഉത്തരവിട്ടത്.

എന്നാല്‍ ഉത്തരവ് അപക്വവും അതിവൈകാരികവുമാണെന്ന് സര്‍ക്കാരിന് വേണ്ടി ഹാജരായ സുപ്രിംകോടതി അഭിഭാഷകനും മുന്‍ സോളിസിറ്റര്‍ ജനറലുമായ മനീന്ദര്‍ സിംഗ് വാദിച്ചു. വസ്തുതകള്‍ മനസിലാക്കാതെയാണ് സിംഗിള്‍ ബെഞ്ച് ഉത്തരവി പുറപ്പെടുവിച്ചതെന്നും സര്‍ക്കാര്‍ ചൂണ്ടിക്കാട്ടി. തുടര്‍ന്നാണ് വിശദവാദം കേള്‍ക്കാന്‍ ചീഫ് ജസ്റ്റിസ് ആന്റണി ഡൊമിനിക് അധ്യക്ഷനായ ഡിവിഷന്‍ ബെഞ്ച് തയ്യാറായത്. ഫലത്തില്‍ ഇത് സര്‍ക്കാരിന് താല്‍ക്കാലിക ആശ്വാസമാണ്.