ചാ​ല​ക്കു​ടി​യി​ൽ ദിലീപിന്‍റെ ഉടമസ്ഥതയിലുള്ള ഡി സിനിമാസ് ഭൂമി കൈയേറ്റത്തിൽ കേസെടുത്ത് അന്വേഷിക്കാൻ തൃശൂർ വിജിലൻസ് കോടതി ഉത്തരവ്. കൈയേറ്റമില്ലെന്ന വിജിലൻസിന്‍റെ ത്വരിതാന്വേഷണ റിപ്പോർട്ട്‌ തള്ളിയാണ് കോടതിയുടെ വിധി. കേസിൽ എഫ്.ഐ.ആർ രജിസ്റ്റർ ചെയ്ത് അന്വേഷണം നടത്തണമെന്നും കോടതി ഉത്തരവിട്ടു.

പരിസരത്തുള്ള സ്വകാര്യ ക്ഷേത്രത്തിന്റെ ഒന്നര സെന്‍റ് ഭൂമി മാത്രമാണ് ഡി സിനിമാസി​ന്റെ കൈവശമുള്ളതെന്നും ക്ഷേത്രം അധികൃതര്‍ക്ക് ഇത് സംബന്ധിച്ച് പരാതിയില്ലെന്നുമുള്ള ജില്ല സർവേയറുടെ റിപ്പോർട്ട് പകർത്തിയതാണിതെന്നായിരുന്ന ഹരജിക്കാരന്റെ ആക്ഷേപം.

ദിലീപ്, തൃശൂർ മുൻ കലക്ടർ എം.എസ് ജയ എന്നിവരെ എതിർ കക്ഷികളാക്കി പൊതുപ്രവർത്തകൻ പി.ഡി. ജോസഫ് നൽകിയ ഹരജിയിലാണ് നടപടി. തിയറ്റര്‍ സമുച്ചയത്തിന് വേണ്ടി സര്‍ക്കാര്‍, പുറമ്പോക്ക് ഭൂമി കൈയേറിയിട്ടില്ലെന്നും ഡി സിനിമാസില്‍ അനധികൃത നിർമാണ പ്രവര്‍ത്തനം നടന്നിട്ടില്ലെന്നുമാണ്​ വിജിലൻസ് റിപ്പോർട്ട്.