മുന് റേഡിയോ ജോക്കിയും ഗാനമേള സംഘത്തിലെ ഗായകനുമായ രാജേഷ് കൊല്ലപ്പെട്ടത് വ്യക്തി വിരോധത്തിന്റെ പേരില്; ഉത്സവ പരിപാടിയില് പങ്കെടുത്ത് സ്റ്റുഡിയോയില് എത്തിയപ്പോള് ആക്രമിച്ചത് കാറിലെത്തിയ സംഘം; വെട്ടേറ്റ സുഹൃത്ത് ഓടി രക്ഷപ്പെട്ടു
കിളിമാനൂരിന് സമീപം മടവൂരില് ഇന്ന് പുലര്ച്ചെ കാറിലെത്തിയ സംഘം യുവാവിനെ വെട്ടിക്കൊന്ന സംഭവത്തില് ദുരൂഹതയേറുന്നു. കൂടെ ഉണ്ടായിരുന്ന സുഹൃത്ത് പരിക്കുകളോടെ രക്ഷപ്പെട്ടു. മടവൂര് പടിഞ്ഞാറ്റേല ആശാ നിവാസില് രാധാകൃഷ്ണന് ഉണ്ണിത്താന്റെ മകന് രാജേഷ് (35) ആണ് കൊല്ലപ്പെട്ടത്. നാടന് പാട്ടു കലാകാരനും മടവൂരില് രാജേഷ് മെട്രാസ് മീഡിയ ആന്റ് കമ്മ്യൂണിക്കേഷന് എന്ന സ്ഥാപനം നടത്തുന്നയാളുമാണ്. നേരത്തെ എഫ് എം റേഡിയോ ആര്ട്ടിസ്റ്റ് ആയി ജോലി നോക്കിയിട്ടുണ്ട്.
കുറെക്കാലം വിദേശത്തായിരുന്ന രാജേഷ് ഒരു വര്ഷം മുമ്പാണ് നാട്ടില് വന്നത്. ഇന്ന് പുലര്ച്ചെ രണ്ടു മണിയോടെ മടവൂര് പോസ്റ്റാഫീസ് ജഗ്ഷനില് തന്റെ സ്ഥാപനത്തിന് മുന്നില് നില്ക്കുമ്പോള് കാറിലെത്തിയ സംഘം വെട്ടി കൊലപ്പെടുത്തുകയായിരുന്നു.
മുന് റേഡിയോ ജോക്കിയും ഗാനമേള സംഘത്തിലെ ഗായകനുമായ രാജേഷ് ഒരു ഉത്സവ പരിപാടിയില് പങ്കെടുത്ത് സുഹൃത്തിനൊപ്പം തിരിച്ച് സ്റ്റുഡിയോയില് എത്തിയ ശേഷമായിരുന്നു ആക്രമണം. കൂടെ ഉണ്ടായിരുന്ന കിളിമാനൂര് വെള്ളല്ലൂര് സ്വദേശി കുട്ടന് വേട്ടേറ്റെങ്കിലും ഇയാള് ഓടി രക്ഷപ്പെട്ടു. വെട്ടേറ്റ കുട്ടനാണ് വിവരം നാട്ടുകാരെ അറിയിച്ചത്. നാട്ടുകാര് പൊലീസിനെ വിവരം അറിയിക്കുകയും രാജേഷിനെ പാരിപ്പള്ളി മെഡിക്കല് കോളേജില് എത്തിക്കുകയും ചെയ്തെങ്കിലും ജീവന് രക്ഷിക്കാനായില്ല.
ഭാര്യ രോഹിണി. പള്ളിക്കല് പൊലിസ് കേസെടുത്തു.
https://www.facebook.com/Malayalivartha
