മോർഫിംഗ് വീരന്റെ പ്രധാന ജോലി സുന്ദരികളായ വധുമാരെ നഗ്നരാക്കി മണിക്കൂറുകളോളം അത് കണ്ട് ആനന്ദിക്കൽ; ബിബീഷ് ചെയ്തുവെച്ച ചിത്രങ്ങള് സതീഷ് സിഡിയിലാക്കി! ബിബീഷ് പണി മതിയാക്കി പോകുമെന്നായപ്പോൾ പക മൂത്ത് സതീഷ് ചിത്രങ്ങൾ പുറത്ത് വിട്ടു
കല്യാണ വീടുകളില് നിന്നുള്ള സ്ത്രീകളുടെ ചിത്രങ്ങള് നഗ്നചിത്രങ്ങളാക്കി മോര്ഫ് ചെയ്ത് പ്രചരിപ്പിച്ചെന്ന കേസില് ചിത്രങ്ങള് പ്രചരിപ്പിച്ചത് സ്റ്റുഡിയോ ഉടമ സതീശന്. വിവാഹവീടുകളില് നിന്നും എടുക്കുന്ന ചിത്രങ്ങളില് നിന്നുള്ള സുന്ദരികളായ സ്ത്രീകളുടെ ചിത്രങ്ങള് മോര്ഫിംഗിന് വിധേയമാക്കി ബിബീഷ് തയ്യാറാക്കിയ അശ്ളീല ചിത്രങ്ങള് സതീഷ് സിഡിയിലാക്കി എടുത്തു സൂക്ഷിച്ചിരുന്നു. പിന്നീട് ബിബീഷ് പണി മതിയാക്കി പോകുന്നതിന്റെ പകയില് സാമൂഹ്യ മാധ്യമങ്ങളില് പ്രചരിപ്പിക്കുകയായിരുന്നെന്ന് പോലീസ് പറഞ്ഞു.
അഞ്ചു സ്ത്രീകളുടെ മോര്ഫ് ചെയ്ത ചിത്രങ്ങളാണ് ഇതുവരെ കണ്ടെത്തിയത്. കൂടുതല് ചിത്രങ്ങള് കണ്ടെത്തേണ്ടതുണ്ടെന്നും പോലീസ് പറഞ്ഞു. വിവാഹവീടുകളിലെ സുന്ദരിയായ സ്ത്രീകളുടെ ചിത്രങ്ങള് മോര്ഫ് ചെയ്യുകയും മണിക്കൂറുകളോളം അത് കണ്ടാനന്ദിക്കുകയും ചെയ്യുന്നതായിരുന്നു ബിബീഷിന്റെ രീതി. സതീശന്റെ അറിവോടെയാണ് ബിബീഷ് എല്ലാം ചെയ്തിരുന്നതും. സ്ത്രീകളുടെ മുഖം നഗ്നചിത്രങ്ങളിലേക്ക് സന്നിവേശിപ്പിക്കുകയാണ് രീതി. മോര്ഫിംഗ് ചെയ്യാന് വേണ്ടി മാത്രം ബിബീഷ് മണിക്കൂറുകളോളം ചെലവഴിക്കുമായിരുന്നു.
ഇവരുടെ പരിപാടികളെല്ലാം സുഗമമായി നീങ്ങുന്നതിനിടയിലാണ് ബിബീഷ് സ്വന്തമായി സ്റ്റുഡിയോ തുടങ്ങാന് ആശയമിട്ടത്. ഇതിനായി വടകരയിലെ സദയം സ്റ്റുഡിയോയിലെ ജോലി ബിബീഷ് നിര്ത്തുകയും ചെയ്തു. പുതിയ സ്റ്റുഡിയോയുമായി ബന്ധപ്പെട്ട കാര്യങ്ങള് നടത്തുന്നതിനിടയിലാണ് സതീഷ് താന് സിഡിയിലാക്കി സൂക്ഷിച്ചിരുന്ന ബിബീഷ് മോര്ഫ് ചെയ്ത ചിത്രങ്ങള് പുറത്തു വിട്ടത്. സംഭവം വിവാദമാകുകയും നാട്ടുകാര് സംഘടിച്ച് പ്രതിഷേധങ്ങളുമായി രംഗത്തിറങ്ങുകയും ചെയ്തതോടെ ബിബീഷ് സ്ഥലത്തു നിന്നും മുങ്ങി.
വയനാട്ടിലെ ഭാര്യവീട്ടില് കഴിഞ്ഞിരുന്ന ബിബീഷ് പോലീസ് അന്വേഷിക്കുന്നുണ്ടെന്ന് മനസ്സിലാക്കി ആദ്യം മുങ്ങിയത് തിരുവനന്തപുരത്തേക്കായിരുന്നു. പിന്നീട് അവിടെ നിന്നും ഇടുക്കിയിലേക്കും പോയി. അവിടെ മൂന്ന് ദിവസം ബന്ധുവീട്ടില് താമസിച്ചു. ഇതിനിടയിലാണ് ബിബീഷിന്റെ ഫോണ്കോള് നിരീക്ഷിച്ചെത്തിയ പോലീസ് സംഘം ഇന്നലെ പുലര്ച്ചെയോടെ പൊക്കിയത്. പോലീസ് ഇടുക്കിയില് ബിബീഷ് ഒളിച്ചു താമസിക്കുന്ന സ്ഥലത്ത് എത്തിയത് പുലര്ച്ചെ അഞ്ചു മണിക്കായിരുന്നു. ഈ സമയം നല്ല ഉറക്കത്തിലായിരുന്ന ബിബീഷ് കുടുങ്ങിയെന്ന് മനസ്സിലായതോടെ എതിര്ക്കാതെ തന്നെ കീഴടങ്ങുകയായിരുന്നു. ഇന്നലെ കോടതിയില് ഹാജരാക്കിയ ബിബീഷിനെ 14 ദിവസത്തേക്ക് റിമാന്റ് ചെയ്തു.
ഇതുവരെ അഞ്ചു ചിത്രങ്ങള് മാത്രമാണ് കണ്ടെടുക്കാനായത്. ഇതില് കൂടുതല് ചിത്രങ്ങള് ഉണ്ടെന്നും പോലീസ് സംശയിക്കുന്നുണ്ട്. അതുകൊണ്ടു തന്നെ കേസില് കൂടുതല് വിവരം കിട്ടിയിട്ടുള്ളവര് അതുമായി എത്തണമെന്ന് ആവശ്യപ്പെട്ടിട്ടുണ്ട്. ഈ കേസില് വടകര പോലീസ് അറസ്റ്റ് ചെയ്ത സ്റ്റുഡിയോ ഉടമകളായ െവെക്കല സ്വദേശി ചെറുകോട് മിത്തല് ദിനേശന് (44) സഹോദരന് സതീശന് (41) എന്നിവരും റിമാന്ഡിലാണ്.
https://www.facebook.com/Malayalivartha
