മകനെ മരണത്തിന് വിട്ട് കൊടുക്കാതെ ഒരു അച്ഛന്... അപകടത്തില് പെടുന്നതിന്റെ തൊട്ട് മുമ്പ് മകനെ പുറത്തേക്ക് വലിച്ചെറിഞ്ഞു
സ്വന്തം മകനെ രക്ഷിച്ച് സ്വയം മരണം വരിച്ച ഒരു അച്ഛനെയാണ് കഴിഞ്ഞദിവസം എല്ലാവരും അവസാനമായി കണ്ടത്. യൂത്ത് കോണ്ഗ്രസ് മുന് ബ്ലോക്ക് സെക്രട്ടറി മടത്തറ കലയപുരം ശ്രീഹരി ഭവനില് രാജേഷ്(34) ആണ് ഏകമകന് ശ്രീഹരിയെ (ആറ്) അപകടത്തില് നിന്ന് രക്ഷപ്പെടുത്തി സ്വയം മരണം വരിച്ചത്. പിക് അപ് വാനിന്റെ നിയന്ത്രണം വിട്ട് കുഴിയിലേക്ക് വീണാണ് രാജേഷ് മരിച്ചത്.
അപകടത്തില് പെടുന്നതിന്റെ തൊട്ട് മുമ്ബ് ശ്രീഹരിയെ പുറത്തേക്ക് വലിച്ചെറിയുകയായിരുന്നു രാജേഷ്. കുളത്തൂപ്പുഴ റോഡില് മടത്തറയ്ക്കു സമീപം ചന്തവളവിലാണു സംഭവം നടന്നത്. അരിപ്പ ഓയില്പാം ഓഫിസില് നിന്നു 30നു വിരമിക്കുന്ന അമ്മയുടെ ക്വാര്ട്ടേഴ്സില്നിന്നു സാധനങ്ങള് കൊണ്ടുവരാനായാണു രാജേഷും മകനും പിക് അപ് വാനുമായി പോയത്. വാനിനു പിന്നില് സാധനങ്ങള് കയറ്റുന്ന ഭാഗത്തായിരുന്നു രാജേഷും ശീഹരിയും ഉണ്ടായിരുന്നത്. വാഹനം മുന്നോട്ട് പോകുന്ന വഴിയില് റോഡുവക്കില് മണ്ണൊലിപ്പു മൂലം രൂപംകൊണ്ട കുഴിയിലേക്ക് മറിഞ്ഞാണ് വാന് നിയന്ത്രണം വിട്ടത്.
വാനില്നിന്നു മകനെ സുരക്ഷിത സ്ഥാനത്തേക്ക് വലിച്ചെറിഞ്ഞാണ് രാജേഷ് മരണത്തിലേക്ക് അടുത്തത്, അടുത്ത നിമിഷം മറിഞ്ഞ വാന് രാജേഷിനു മുകളിലേക്കു വീഴുകയും സംഭവ സ്ഥലത്ത് വെച്ച് തന്നെ രാജേഷ് മരിക്കുകയായിരുന്നു. ശ്രീഹരിക്കും വാന് ഡ്രൈവര്ക്കും ചെറിയ പരുക്കുകള് മാത്രമാണ് ഉണ്ടായിത്. മഞ്ജുവാണ് രാജേഷിന്റെ ഭാര്യ.
https://www.facebook.com/Malayalivartha
