അലുമിനിയം ഫോസ്ഫേറ്റ് കൊണ്ട് കുടുംബക്കാരെ കൊല്ലാനായി സൗമ്യ പ്ലാന് ചെയ്തതിനു പിന്നില്...
പിണറായി പടന്നക്കരയിലെ ഒരു കുടുംബത്തിലെ രണ്ടു കുട്ടികള് ഉള്പ്പെടെ നാലുപേര് മരിക്കാനിടയായ സംഭവത്തില് ദുരൂഹത വിട്ടൊഴിയുന്നില്ല. ആത്മഹത്യ ചെയ്യാന് തീരുമാനിച്ച് ഉറപ്പിച്ചവര്ക്ക് മാത്രമേ രൂക്ഷ ഗന്ധം ഉള്ള അലുമിനിയം ഫോസ് ഫേറ്റ് മനസോടെ കഴിക്കാന് പറ്റുള്ളൂവെന്ന് കെമിക്കല് രംഗത്തെ വിദഗ്ദ്ധര് ചൂണ്ടിക്കാട്ടുന്നു. പിണറായി പടന്നക്കര വണ്ണത്താന് വീട്ടില് നാലുപേരുടെ മരണം വിഷം ഉള്ളില് ചെന്നാണ് അന്വേഷണത്തില് വ്യക്തമായിട്ടുണ്ട്.
സൗമ്യയുടെ മാതാപിതാക്കളായ കമലയുടേയും കുഞ്ഞിക്കണ്ണന്റേയും മൃതദേഹത്തില് എലിവിഷത്തില് ഉപയോഗിക്കുന്ന അലുമിനിയം ഫോസ്ഫേറ്റിന്റെ അംശം ഉണ്ടെന്ന് അന്വേഷണ സംഘം പുറത്ത് വിട്ടത് അമ്പരപ്പോടെയാണ് കെമിക്കല് വിദഗ്ദ്ധര് കാണുന്നത്. പ്രായപൂര്ത്തിയാവാത്ത കുട്ടികള്ക്കാണ് അലുമിനിയം ഫോസ്ഫേറ്റ് നല്കുന്നതെങ്കില് തന്നെ അസ്വാഭാവിക ഗന്ധമുളള മരുന്നെന്ന വ്യാജേന മാത്രമേ നല്കാനാവൂ.
സാധാരണ നിലയില് അലുമിനിയം ഫോസ്ഫേറ്റ് ചെറിയ അളവില് തന്നെ കുട്ടികള്ക്ക് നല്കിയാല് മരണം സംഭവിക്കും. പക്ഷെ മുതിര്ന്നവര്ക്ക് നല്കുക എളുപ്പമല്ല, നിത്യ ജീവിതത്തില് കഴിക്കുന്ന ആഹാര പദാര്ത്ഥത്തിന് അകത്ത് പോലും അയാളുടെ അറിവോ സമ്മതമോ കൂടാതെ കലക്കി നല്കിയാല് രൂക്ഷ ഗന്ധം കാരണം അത് ഉപയോഗിക്കില്ല. മാത്രവും അല്ല വെള്ളത്തില് കലക്കി രൂക്ഷ ഗന്ധം പരമാവധി കുറച്ച് മറ്റൊരാള് നല്കിയാല് തന്നെ മരണ കാരണമാവുകയും ഇല്ല.
അതിനാല് കൂടിയ അളവില് അലുമിനിയം ഫോസ്ഫേറ്റ് നല്കുകയും അത് സ്വീകരിക്കുന്നയാള് പൂര്ണ്ണമായ അര്ത്ഥത്തില് കഴിക്കുകയും ചെയ്തെങ്കില് മാത്രമേ മരണം സംഭവിക്കുകയുള്ളൂ. കൃഷി വലിയ തോതില് നടത്തുന്നവരാണ് എലികളെയും മറ്റും നശിപ്പിക്കുന്നതിന് അലുമിനിയം ഫോസ്ഫേറ്റ് ഉപയോഗിക്കുന്നത്. രൂക്ഷ ഗന്ധമുള്ള അലുമിനിയം ഫോസ്ഫേറ്റ് വിപണിയില് സുലഭവും അല്ല. അലുമിനിയം ഫോസ്ഫേറ്റ് കുടുംബത്തില് മരിച്ചവരുടെ പാസപരിശോധനയില് തെളിഞ്ഞതോടെ ഇതിന്റെ ഉറവിടവും ദുരൂഹവുമാണ്. ഛര്ദ്ദിയെ തുടര്ന്നാണ് സൗമ്യയെയും ആശുപത്രിയില് പ്രവേശിപ്പിച്ചിരുന്നത്.
https://www.facebook.com/Malayalivartha
