ഇടുക്കി മൂന്നാറിലെ ഗതാഗതക്കുരുക്കിന് പരിഹാരമാകുന്നു; പഴയ മൂന്നാറില് പുതിയ ബസ്സ്റ്റാന്ഡ്
ഇടുക്കി മൂന്നാര് ടൗണിലെ ഗതാഗതക്കുരുക്ക് പരിഹരിക്കുന്നതിന്റെ ഭാഗമായി പഴയ മൂന്നാറില് പുതിയ ബസ്സ്റ്റാന്ഡ് പ്രവര്ത്തനം തുടങ്ങി. പഴയ മൂന്നാറിലെ കണ്ണന്ദേവന് കമ്പനി സ്പോര്ട്സ് മൈതാനത്തിന് എതിര്വശത്തുള്ള പഞ്ചായത്ത് പാര്ക്കിങ് ഗ്രൗണ്ടാണ് ബസ്സ്റ്റാന്ഡാക്കി മാറ്റിയത്. ബസുകള് ടൗണിലെത്തി ഗതാഗതതടസ്സം ഉണ്ടാക്കുന്നത് ഒഴിവാക്കുന്നതിനാണ് പുതിയ പരിഷ്കാരം.
പഴയ മൂന്നാര് ബസ്സ്റ്റാന്ഡിന് മുന്ഭാഗത്ത് കൈയേറി സ്ഥാപിച്ചിരുന്ന വഴിയോര കടകള് പഞ്ചായത്ത് സെക്രട്ടറി എ.പി.ഫ്രാന്സീസിന്റെ നേതൃത്വത്തില് ഒഴിപ്പിച്ചു. ഇതിനുശേഷം ഇവിടെ പാര്ക്കുചെയ്തിരുന്ന ടൂറിസ്റ്റ് ബസുകള് മൂലക്കടയിലുള്ള പഞ്ചായത്ത് മൈതാനത്തേക്ക് മാറ്റി.
ഇനിമുതല് അടിമാലി ഭാഗത്തുനിന്നുമെത്തുന്ന വാഹനങ്ങള് ആര്.ഒ. കവലയിലെത്തി യാത്രക്കാരെ ഇറക്കിയശേഷം പോസ്റ്റോഫീസ് കവല വഴി ബൈപ്പാസ് കടന്ന് പഴയ മൂന്നാര് സ്റ്റാന്ഡിലെത്തി കിടക്കണം. പുറപ്പെടേണ്ട സമയത്ത് ബസുകള് ആര്.ഒ. കവല വഴി പോസ്റ്റോഫീസ് കവലയിലെത്തി യാത്രക്കാരെ കയറ്റി ബൈപ്പാസ് വഴി സര്വീസ് നടത്തണം.
https://www.facebook.com/Malayalivartha
