പിണറായി കൂട്ടക്കൊലക്കേസില് സൗമ്യയുടെ ഭര്ത്താവിനെ പോലീസ് ചോദ്യം ചെയ്തതോടെ പല വിവരങ്ങളും പുറത്തായി; പത്തൊന്പതാം വയസില് വിവാഹം കഴിച്ചു; ഭര്ത്താവിന്റെ പീഡനം പതിവായപ്പോള് സൗമ്യ ഭര്ത്താവിനെ ഉപേക്ഷിച്ച് മറ്റൊരാള്ക്കൊപ്പം താമസിച്ചു
പിണറായി കൂട്ടക്കൊലക്കേസില് പ്രതി സൗമ്യയുടെ ഭര്ത്താവും കൊല്ലം സ്വദേശിയും ഇപ്പോള് കൊടുങ്ങല്ലൂരില് താമസക്കാരനുമായ കിഷോറിനെ പോലീസ് കസ്റ്റഡിയില് എടുത്തു ചോദ്യം ചെയ്തതോടെ പല ചോദ്യങ്ങള്ക്കും ഉത്തരമായി. സൗമ്യയുടെ വീട്ടില് ആദ്യം മരിച്ച ഒന്നരവയസുകാരി കീര്ത്തനയുടെ മരണകാരണം ഇതിലൂടെ തെളിയിക്കാനാകുമെന്ന പ്രതീക്ഷയിലാണു പോലീസ്. മാതാപിതാക്കളായ കുഞ്ഞിക്കണ്ണനെയും കമലയെയും മൂത്തമകള് ഐശ്വര്യയെയും താന് വിഷം കൊടുത്തുകൊന്നുവെന്നാണ് സൗമ്യ പോലീസിനോടു സമ്മതിച്ചിട്ടുള്ളത്.
സൗമ്യയും കിഷോറും വര്ഷങ്ങള്ക്കുമുമ്പേ വേര്പിരിഞ്ഞിരുന്നു. കീര്ത്തന 2012ലാണ് മരിച്ചത്. അന്നു സൗമ്യയും കിഷോറും ഒന്നിച്ചായിരുന്നു താമസം. ഇളയകുട്ടിയായ കീര്ത്തനയെ താന് കൊന്നിട്ടില്ലെന്നാണ് സൗമ്യ പോലീസിനോട് ആവര്ത്തിക്കുന്നത്. എന്നാല് അതും കൊലപാതകമാണെന്ന സംശയത്തിലാണ് പോലീസ്. സംഭവത്തില് കിഷോറിന് പങ്കുണ്ടോ എന്നാണ് അന്വേഷിക്കുന്നത്. ഛര്ദിയെ തുടര്ന്നാണ് കീര്ത്തനയും മരിച്ചത്. കഴിഞ്ഞ നാലുമാസത്തിനിടെയുണ്ടായ മറ്റുമരണങ്ങളുടെ ലക്ഷണങ്ങള് കീര്ത്തനയിലും അന്നു കണ്ടിരുന്നു. എന്നാല് ആറു വര്ഷം കഴിഞ്ഞതിനാല് ശാസ്ത്രീയ പരിശോധന സാധ്യമല്ല.
അതുകൊണ്ടു തന്നെ കിഷോറിന്റെ മൊഴി ഈ വിഷയത്തില് നിര്ണായകമാണ്. കിഷോറുമായി പത്തൊന്പതാം വയസിലാണ് സൗമ്യയുടെ വിവാഹം. എന്നാല് പീഡനം പതിവായപ്പോള് കുറച്ചുകാലം സൗമ്യ മറ്റൊരാള്ക്കൊപ്പം താമസിച്ചിരുന്നു. പിന്നീടുണ്ടായ കുഞ്ഞിന്റെ പിതൃത്വത്തില് സംശയം തോന്നിയ കിഷോര് തനിക്ക് എലിവിഷം നല്കിയെന്നും കുറച്ചുനാള് ആശുപത്രിയില് കഴിഞ്ഞിരുന്നുവെന്നാണ് പോലീസില് മൊഴി നല്കിയിട്ടുള്ളത്.
കുറച്ചുകാലത്തിന് ശേഷം കീര്ത്തനയ്ക്ക് ഛര്ദിയും വയറിളക്കവും ബാധിച്ചു ചികിത്സ തേടിയെങ്കിലും മരിച്ചു. അന്ന് അസ്വാഭാവികത തോന്നാത്തതിനാല് പോസ്റ്റ്മോര്ട്ടവും നടത്തിയിരുന്നില്ല. കീര്ത്തനയെ താന് കൊലപ്പെടുത്തിയതല്ലെന്നു സൗമ്യ പോലീസിനോടു ഉറപ്പിച്ച് പറഞ്ഞതോടെയാണ് ഭര്ത്താവിലേക്ക് അന്വേഷണം തിരിഞ്ഞത്. ഇതിനിടെ സൗമ്യയുടെ സഹോദരി സന്ധ്യയെയും ഭര്ത്താവ് െബെജുവിനെയും വിളിച്ച് വരുത്തി അന്വേഷണ സംഘം വീണ്ടും മൊഴിയെടുത്തു. മകളുടെയും മാതാപിതാക്കളുടെയും മരണം സ്വാഭാവികമാണെന്ന് വരുത്തി തീര്ക്കാന് സൗമ്യ ശ്രമിച്ചിരുന്നതായാണു സഹോദരിയുടെ മൊഴി.
പോലീസ് കസ്റ്റഡിയിലുളള സൗമ്യയെ ഇന്നലെയും അന്വേഷണ സംഘം വീണ്ടും മണിക്കൂറുകളോളം ചോദ്യം ചെയ്തു. കൊലപാതകങ്ങള് ആസൂത്രണം ചെയ്തതും നടപ്പാക്കിയതും ഒറ്റക്കാണെന്ന മൊഴിയില് സൗമ്യ ഉറച്ച് നില്ക്കുകയാണ്. വിഷം വാങ്ങിയ കടകളിലടക്കം ഇന്ന് സൗമ്യയെ എത്തിച്ച് തെളിവെടുക്കും. അതേസമയം പിണറായി കൂട്ടക്കൊല കേസില് പോലീസ് കസ്റ്റഡിയിലുള്ള സൗമ്യയെ ഇന്ന് കോടതിയില് ഹാജരാക്കും. സൗമ്യയുടെ കോടതി നല്കിയ കാലാവധി ഇന്ന് െവെകിട്ട് അഞ്ചുമണിവരെയാണ്. ഇന്ന് ഉച്ചവരെ വിവിധ സ്ഥലങ്ങളില് തെളിവെടുപ്പ് നടത്തിയ ശേഷമാകും സൗമ്യയെ കോടതിയില് ഹാജരാക്കുക.
https://www.facebook.com/Malayalivartha
