ദുരൂഹ സാഹചര്യത്തിൽ കോവളത്തെ കണ്ടല്‍ക്കാടിനുള്ളില്‍ മരിച്ചനിലയില്‍ കണ്ടെത്തിയ വിദേശ വനിത ലിഗ കൊല്ലപ്പെടുന്നതിന്​ തൊട്ടുമുൻപ്​ അമിതമായ അളവില്‍ ലഹരി വസ്​തുക്കള്‍ ശരീരത്തി​ലെത്തിയിരുന്നുവെന്ന്​ പോസ്​റ്റ്​ മോര്‍ട്ടം റിപ്പോര്‍ട്ട്​. എന്നാല്‍ എന്ത്​ വസ്​തുവാണ്​ ശരീരത്തിലെത്തിയതെന്ന്​ വ്യക്​തമല്ല. രാസപരിശോധന ഫലം ലഭിച്ചാല്‍ മാത്രമേ ശരീരത്തിലെത്തിയ വസ്​തുവെന്താണെന്നതില്‍ വ്യക്​തത ലഭിക്കൂ.

ലിഗയുടെ കഴുത്തിലെ ഞരമ്പുകൾ വിട്ടുമാറിയ നിലയിലാണ്​ കാണപ്പെട്ടതെന്ന്​ റിപ്പോര്‍ട്ടിലുണ്ട്​. അക്രമത്തിലോ വീഴ്​ചയിലോ സംഭവിച്ചതാകാമെന്നാണ്​ നിഗമനം. ഇരുകാലുകള്‍ക്കും ഒരേ രീതിയില്‍ മുറിവേറ്റിട്ടുമുണ്ട്​. തലച്ചോറിൽ രക്തം കട്ടപിടിച്ചിരുന്നു. ഇടുപ്പെല്ലിന് ക്ഷതമേറ്റിരുന്നു. എന്നാല്‍ ബലാത്​സംഗ ശ്രമം നടന്നതായി പോസ്​റ്റ്​ മോര്‍ട്ടം റിപ്പോര്‍ട്ടില്‍ സ്​ഥീരീകരിക്കാനായിട്ടില്ല. അന്തിമ റിപ്പോര്‍ട്ട്​ ഇന്ന്​ വൈകുന്നേരത്തിനുള്ളില്‍ പോലീസിന്​ കൈമാറുമെന്നാണ്​ സൂചന.

ലാത്വിയന്‍ സ്വദേശിയായിരുന്ന ലിഗ ചികിത്​സാര്‍ഥമാണ്​ കേരളത്തിലെത്തിയത്​. ചികിത്​സയിലിരിക്കെ കാണാതായ ഇവരെ മാസങ്ങള്‍ക്ക്​ ശേഷം കോവളത്തെ കണ്ടല്‍ക്കാട്ടിനുള്ളില്‍ മരിച്ച്‌​ അഴുകിയ നിലയില്‍ കണ്ടെത്തുകയായിരുന്നു. എന്നാല്‍ ലിഗയുടെത്​ കൊലപാതകമാണെന്നതിന്​ പൊലീസിന്​ തെളിവുകള്‍ ലഭിച്ചിട്ടുണ്ട്​. ലി​ഗ​യെ ശ്വാ​സം മു​ട്ടി​ച്ച്‌ കൊ​ല​പ്പെ​ടു​ത്തി​യെ​ന്നാ​ണ് ഫോ​റ​ന്‍​സി​ക് റി​പ്പോ​ര്‍​ട്ടി​ലു​ള്ള​ത്.

ഇ​തിന്റെ പ​ക​ര്‍​പ്പ് സ​ഹോ​ദ​രി ഇ​ല്‍​സി​ക്കും കൈ​മാ​റി​യി​ട്ടു​ണ്ട്. കോ​വ​ള​ത്തെ ടൂ​റി​സ്റ്റ്​ ഗൈ​ഡും യോ​ഗ അ​ധ്യാ​പ​ക​നു​മാ​യ യു​വാ​വാ​ണ് കേ​സി​ലെ മു​ഖ്യ​പ്ര​തി​യെ​ന്നാ​ണ് വി​വ​രം. കൊ​ല​പാ​ത​ക​ത്തി​ല്‍ സ​ഹാ​യി​ച്ച നാ​ലോ​ളം പേ​രു​ടെ അ​റ​സ്​​റ്റ്​ ര​ണ്ടു​ദി​വ​സ​ത്തി​നു​ള്ളി​ല്‍ ഉ​ണ്ടാ​കും.

വ​ള്ളി​പ്പ​ട​ര്‍​പ്പു​ക​ളി​ല്‍​നി​ന്ന് ല​ഭി​ച്ച സ്ര​വം പ്ര​തി​ക​ളു​ടേ​താ​ണെ​ന്ന് ഉ​ന്ന​ത​ത​ല മെ​ഡി​ക്ക​ല്‍ ബോ​ര്‍​ഡ് വെ​ള്ളി​യാ​ഴ്ച രാ​ത്രി​യോ​ടെ​യാ​ണ് സ്ഥി​രീ​ക​രി​ച്ച​ത്. ക​ഴു​ത്ത് ഞെ​രി​ച്ച്‌ കൊ​ല​പ്പെ​ടു​ത്താ​ന്‍ ഉ​പ​യോ​ഗി​ച്ചെ​ന്ന് സം​ശ​യി​ക്കു​ന്ന വ​ള്ളി​യി​ല്‍​നി​ന്നും നി​ര്‍​ണാ​യ​ക തെ​ളി​വു​ക​ള്‍ ല​ഭി​ച്ചി​രു​ന്നു. ഇ​തി​​​ന്റെ ശാ​സ്ത്രീ​യ പ​രി​ശോ​ധ​നാ ഫ​ല​വും കൂ​ടി ല​ഭി​ക്കു​ന്ന​തോ​ടെ അ​റ​സ്​​റ്റ്​ രേ​ഖ​പ്പെ​ടു​ത്തും.