സിവില്‍ സര്‍വീസ് പരീക്ഷയില്‍ വിജയിച്ചവര്‍ക്ക് അഭിനന്ദനങ്ങള്‍ അറിയിച്ച് മുഖ്യമന്ത്രി പിണറായി വിജയന്‍. അഭിമാനകരമായ നേട്ടമാണ് മലയാളികള്‍ ഇത്തവണയും കൈവരിച്ചത്. അവരെ പ്രത്യേകമായി അഭിനന്ദിക്കുന്നു. കേരളത്തില്‍ സംസ്ഥാന സിവില്‍ സര്‍വ്വീസ് അക്കാദമി മികച്ച നേട്ടം ആവര്‍ത്തിച്ചതും സന്തോഷം നല്‍കുന്നു. നേട്ടത്തിനു പിന്നില്‍ പ്രവര്‍ത്തിച്ച എല്ലാവരേയും അഭിനന്ദിക്കുന്നു എന്നും അദ്ദേഹം ഫേസ്ബുക്കില്‍ കുറിച്ചു.നൂറ് റാങ്കിനുള്ളില്‍ നാലു മലയാളികള്‍ ഇടം നേടിയിട്ടുണ്ട്. ഹൈദരാബാദില്‍ നിന്ന് പരീക്ഷയെഴുതിയ അനുദീപ് ദുരിഷെട്ടിക്കാണ് ഒന്നാം റാങ്ക്.

പ്രതിപക്ഷ നേതാവ് രമേശ് ചെന്നിത്തലയുടെ മകന്‍ രമിത്ത് ചെന്നിത്തല(210) റാങ്ക് നേടി.16ാം റാങ്ക് നേടിയ ശിഖ സുരേന്ദ്രന്‍ (എറണാകുളം), അഞ്ജലി (കോഴിക്കോട് റാങ്ക് 26), സമീറ (റാങ്ക് 28) എന്നിവരാണു കേരളത്തില്‍ നിന്ന് പട്ടികയിലെ മുന്‍നിരയിലുള്ളവര്‍. പ്രതിപക്ഷ നേതാവ് രമേശ് ചെന്നിത്തലയുടെ മകന്‍ രമിത്ത് 210ാം റാങ്ക് നേടി. 33 മലയാളികള്‍ പട്ടികയിലുണ്ട് എന്നാണ് ലഭിക്കുന്ന വിവരം. ശിഖ സുരേന്ദ്രന്‍ (16), എസ്. അഞ്ജലി (26), എസ്.സമീറ (28), ഹരി കല്ലിക്കാട്ട്(58), സതീഷ്.ബി.കൃഷ്ണന്‍ (125), എസ്. സുശ്രീ (151), എം.എസ്. മാധവിക്കുട്ടി (171), അഭിജിത് ആര്‍. ശങ്കര്‍ (181) വിവേക് ജോണ്‍സണ്‍ (195), പി.പി. മുഹമ്മദ് ജുനൈദ് (200), രമിത്ത് ചെന്നിത്തല(210), ഉത്തരാ രാജേന്ദ്രന്‍ (240), അഞ്ജന ഉണ്ണികൃഷ്ണന്‍(382), സദ്ദാം നവാസ് (384), എം.രഘു(390), രാധിക സുരി (425), ആനന്ദ് മോഹന്‍ (472) സി.എസ്. ഇജാസ് അസ്‌ലം (536), കെ. മുഹമ്മദ് ഷബീര്‍ (602), ടി.കെ.വിഷ്ണു പ്രദീപ് (604), ദേവകി നിരഞ്ജന(605), സി.എം.ഇര്‍ഷാദ് (613), ടി.ടി. അലി അബൂബക്കര്‍(622), ആര്‍. രഹ്‌ന(651), എന്‍.എസ്.അമല്‍ (655), ചിത്രാ വിജയന്‍ (681), അജ്മല്‍ ഷഹ്‌സാദ് അലിയാര്‍ റാവുത്തര്‍ (709), അഫ്‌സല്‍ ഹമീദ് (800), ജിതിന്‍ റഹ്മാന്‍ (808), യു.ആര്‍. നവീന്‍ ശ്രീജിത്ത് (825), നീനു സോമരാജ് (834), ആര്‍. അര്‍ജുന്‍ (847), എസ്. അശ്വിന്‍(915) എന്നിവരാണ് മറ്റു മലയാളികള്‍