ഒരു കുടുംബത്തിന്റെ എല്ലാ ഭാരങ്ങളും കെട്ടിപ്പൊതിഞ്ഞ് കടലുകടന്നവരാണ് പ്രവാസികൾ , ഉണ്ണാതെയും ഉറങ്ങാതെയും മിച്ചം പിടിച്ച് ഉണ്ടാക്കുന്ന മുഴുവന്‍ കുടുംബത്തിനായി അയക്കാം എന്ന പ്രതീക്ഷയാവും അവരുടെ ജീവിതം. ഇങ്ങനെ ഒരുപാട് സ്വപ്നങ്ങളുമായി എന്നോ ബഹ്റിനില്‍ എത്തിയതാണ് ഈ മലയാളിയും.

എന്നാല്‍ കഴിഞ്ഞ ഏഴ് വര്‍ഷമായി ഇദ്ദേഹത്തിന്ഓർമ്മ നഷ്ട്ടപെട്ട അവസ്ഥയിലാണ്. സ്വന്തം പേരുപോലും ഓര്‍ത്തെടുക്കാനാകാതെ കഴിയുകയാണ് ഈ മലയാളി. വീടിനെ പറ്റിയോ നാടിനെ പറ്റിയോ ഇദ്ദേഹത്തിന് ഓർമയില്ല. എന്തിനാണെന്നോ, ആര്‍ക്കൊക്കെ വേണ്ടിയാണ് ഇവിടെയെത്തിയതെന്നും ഇദ്ദേഹത്തിന് അറിയില്ല. ബഹറിനിലെ മുഹറഖ് ജെറിയാട്രിക് ആശുപത്രിയിലാണ് ഇദ്ദേഹം ചികിത്സയില്‍ കഴിയുന്നത്.

‘ചെറുപ്പത്തില്‍ ഇടപ്പള്ളി ഇടവകയില്‍ പോയിരുന്നു" വെന്നത് മാത്രമാണ് ഇദ്ദേഹത്തിന്റ ഓര്‍മ്മലുള്ള ഒരേയൊരു കാര്യം. ഇവിടുത്തെ സന്നദ്ധ പ്രവര്‍ത്തകര്‍ നടത്തിയ അന്വേഷണത്തില്‍ പത്ത് വര്‍ഷത്തോളമായി പെയിന്റിംഗ് തൊഴിലാളിയായിരുന്നു ഇദ്ദേഹമെന്ന് കണ്ടെത്തിയിട്ടുണ്ട്. 2011ല്‍ ജോലിയ്ക്കിടെ വീണുണ്ടായ അപകടത്തിലാണ് ഓര്‍മ്മ നഷ്ടപ്പെട്ടത്. രേഖകളോ വിലാസമോ ഒന്നുമില്ലാത്തതും സൂചന പോലും നല്‍കാനാവാത്ത വിധം പൊന്നപ്പന്റെ ഓര്‍മ കൈവിട്ടു പോയതുമാണ് അന്വേഷണം ദുഷ്കരമാക്കുന്നതെന്ന് ഇവര്‍ പറയുന്നു.