വരാപ്പുഴ കൊലപാതകം സംസ്ഥാനത്തിന് അങ്ങേഅറ്റം അപമാനമുണ്ടാക്കിയെന്ന് പിണറായി വിജയന്; പോലീസ് നിയമം തെറ്റിച്ചാല് ശക്തമായ നടപടിയെന്നു പിണറായിയുടെ താക്കീത്
വരാപ്പുഴ കൊലപാതകം സൂചിപ്പിച്ച് മുഖ്യമന്ത്രി. സംസ്ഥാനത്തിന് അങ്ങേഅറ്റം അപമാനമുണ്ടാക്കുന്ന സംഭവമാണ് ഉണ്ടായതെന്ന് പിണറായി വിജയന് പറഞ്ഞു. പോലീസ് നിയമം തെറ്റിച്ചാല് ശക്തമായ നടപടിയുണ്ടാകും. പോലീസിനെതിരെ കൊലക്കുറ്റത്തിന് കേസെടുത്തത് നടപടിയുടെ ഭാഗം. അതിക്രമമാണ് ഉണ്ടായതെന്ന് അറിഞ്ഞപ്പോള് തന്നെ സര്ക്കാര് ശക്തമായ നടപടിയെടുത്തു എന്നു മുഖ്യമന്ത്രി പിണറായി വിജയന് മലപ്പുറത്തു വറഞ്ഞു
അതേസമയം വരാപ്പുഴ സംഘര്ഷത്തിലെ യഥാര്ഥപ്രതികള് കോടതിയില് കീഴടങ്ങി. പൊലീസിന്റെ കണ്ണുവെട്ടിച്ചു കോടതിയിലെത്തി കീഴടങ്ങിയതു മൂന്നുപേരാണ്. ഇവര് ചേര്ന്നു നടത്തിയ വീടാക്രമണത്തിനു പിന്നാലെയാണു വരാപ്പുഴയില് ഗൃഹനാഥന് വാസുദേവന് ജീവനൊടുക്കിയത്. പ്രതികളെ കോടതി റിമാന്ഡ് ചെയ്തു.
വിബിന്, തുളസിദാസ്(ശ്രീജിത്), അജിത്ത് എന്നിവര് ആലുവ മജിസ്ട്രേട്ട് കോടതിയിലാണ് കീഴടങ്ങിയത്. ഇന്നു കോടതിയില് കീഴടങ്ങിയ പ്രതികള് ലഹരിമരുന്നു കേസുകളിലും അടിപിടി കേസുകളിലും പ്രതികളാണ്. സംഭവത്തില് പൊലീസ് കസ്റ്റഡിയില് മരണപ്പെട്ട ശ്രീജിത് നിരപരാധിയായിരുന്നെന്നു കീഴടങ്ങിയ പ്രതികള് 'മനോരമ ന്യൂസി'നോട് പറഞ്ഞു. നേരത്തെ ഇതേ വീടാക്രമണക്കേസില് പ്രതിയെന്നാരോപിച്ചാണു ശ്രീജിത്തിനെ പൊലീസ് കസ്റ്റഡിയിലെടുക്കുന്നത്. പൊലീസ് കസ്റ്റഡിയിലിരിക്കെ ശ്രീജിത്തിനു മരണം സംഭവിക്കുകയായിരുന്നു. വാസുദേവന്റെ വീടാക്രമിച്ച കേസില് ഏപ്രില് ആറിനാണു പൊലീസ് ശ്രീജിത്തിനെ കസ്റ്റഡിയിലെടുത്തത്.
https://www.facebook.com/Malayalivartha
