സത്യം സത്യമായി... അശ്വതി ജ്വാലയ്ക്കെതിരായ അന്വേഷണം പോലീസ് അവസാനിപ്പിക്കുന്നു
സാമൂഹ്യപ്രവര്ത്തക അശ്വതി ജ്വാലയ്ക്കെതിരായ അന്വേഷണം പോലീസ് അവസാനിപ്പിക്കുന്നു. കൊല്ലപ്പെട്ട വിദേശ വനിതയുടെ പേരില് അശ്വതി പണപ്പിരിവ് നടത്തിയെന്ന പരാതിയാണ് പോലീസ് അന്വേഷണം അവസാനിപ്പിക്കുന്നത്.കോവളം സ്വദേശി ഡിജിപിക്കു നല്കിയ പരാതിയിലായിരുന്നു അന്വേഷണം.
പരാതിക്കാരനില്നിന്നും മൊഴിയെടുത്തെങ്കിലും തെളിവുകള് ഒന്നും ഹാജരാക്കാന് ഇയാള്ക്കു സാധിച്ചിരുന്നില്ല. ഇതോടെയാണ് പോലീസ് കേസ് അന്വേഷണം അവസാനിപ്പിക്കാന് ഒരുങ്ങുന്നത്.വിദേശ വനിതയുടെ ബന്ധുക്കളെ സഹായിക്കാനെന്ന പേരില് അശ്വതി 3.8 ലക്ഷം രൂപ പിരിച്ചെന്നാണ് പരാതി.
അശ്വതി ജ്വാലയ്ക്കെതിരായ പോലീസ് നടപടി സര്ക്കാരിന്റെ പകപോക്കലാണെന്ന് കോണ്ഗ്രസ് നേതാവ് വി.എം. സുധീരന്. ഈ നടപടിയില് പോലീസ് ജനങ്ങളോട് മാപ്പുപറയണം. ബിജെപി സര്ക്കാരിന്റെ തെറ്റായനയങ്ങളാണ് എല്ഡിഎഫ് ആവര്ത്തിക്കുന്നതെന്നും സുധീരന് പറഞ്ഞു.
ലിഗയുടെ സഹോദരി എലീസയെ സഹായിക്കാനെന്ന പേരില് പണം പിരിച്ച് തട്ടിപ്പ് നടത്തിയെന്നായിരുന്നു അശ്വതിക്കെതിരായ ആരോപണം. പരാതിയുടെ അടിസ്ഥാനത്തില് പോലീസ് അശ്വതിക്കെതിരെ കേസെടുത്തിരുന്നു.
https://www.facebook.com/Malayalivartha
