ഉദയംപേരൂര്‍ ഐഒസി ബോട്ടിലിംഗ് പ്ലാന്റില്‍ തൊഴിലാളികളെ നിയമിക്കാത്തതില്‍ പ്രതിഷേധിച്ച് ഐഎന്‍ടിയുസി തൊഴിലാളികള്‍ നടത്തുന്ന സമരം തുടരുന്നു. പ്ലാന്റിലെ ഫൈവ് ഇയര്‍ സിലിണ്ടര്‍ വിഭാഗത്തിലേക്ക് കരാര്‍ എടുത്തിരിക്കുന്ന ആലമ്പിള്ളി കന്പനിക്കെതിരിയാണ് സമരം. ഈ വിഭാഗത്തിലേക്ക് ഐഎന്‍ടിയുസി തൊഴിലാളികളെ നിയമിക്കാതെ സി ഐടിയു തൊഴിലാളികളെ മാത്രം നിയമിച്ചതില്‍ പ്രതിഷേധിച്ച് തിങ്കളാഴ്ച ഉച്ചയ്ക്കാണ് സമരം തുടങ്ങിയത്.

അഞ്ചു വര്‍ഷം കൂടുമ്പോള്‍ സിലിണ്ടറുകള്‍ സര്‍വീസ് ചെയ്യുന്ന വിഭാഗമാണ് ഫൈവ് ഇയര്‍ പ്ലാന്റ്. പ്ലാന്റില്‍ നിന്നും സിലിണ്ടറുകള്‍ ആലന്പിള്ളി കമ്പനിയുടെ ഗോഡൗണുകളില്‍ എത്തിച്ച് അവിടെവച്ചാണ് സിലിണ്ടറുകള്‍ സര്‍വീസ് ചെയ്യുന്നത്. സിലിണ്ടറുകള്‍ സര്‍വീസ് ചെയ്യുവാന്‍ കൊണ്ടുപോകുന്ന ആലന്പിള്ളി കന്പനിയുടെ ലോറികള്‍ മാത്രം തടഞ്ഞാണ് സമരം.