ഇടുക്കി ക​ട്ട​പ്പ​നയിൽ വേ​ന​ല്‍​മ​ഴ​യി​ല്‍ ക​ന​ത്ത കൃ​ഷി​നാ​ശം. വാ​ഴ​വ​ര നി​ര്‍​മ​ലാ​സി​റ്റി ഒ​ഴു​ക​യി​ല്‍ ജോ​മോ​ന്‍ മാ​ത്യു​വി​ന്‍റെ ര​ണ്ടേ​ക്ക​ര്‍ സ്ഥ​ല​ത്തെ പാ​വ​ല്‍ കൃ​ഷി പൂ​ര്‍​ണ​മാ​യും ന​ശി​ച്ചു. ക​ട്ട​പ്പ​ന ന​ഗ​ര​സ​ഭ​യി​ലെ മി​ക​ച്ച യു​വ​ക​ര്‍​ഷ​ക​നു​ള്ള പു​ര​സ്കാ​രം ല​ഭി​ച്ച​യാ​ളി​നാ​ണ് ല​ക്ഷ​ങ്ങ​ള്‍ ന​ഷ്ട​മു​ണ്ടാ​യി​രി​ക്കു​ന്ന​ത്.

18-ാം വ​യ​സി​ല്‍ കൃ​ഷി​യോ​ടു താ​ത്പ​ര്യം​തോ​ന്നി​യ​തു​മു​ത​ല്‍ പ​ണി​യെ​ടു​ത്ത് മ​ണ്ണി​ല്‍ പൊ​ന്നു​വി​ള​യി​ക്കു​ന്ന യു​വാ​വാ​ണ് ജോ​മോ​ന്‍. പാ​വ​ല്‍, പ​യ​ര്‍, വാ​ഴ, തേ​യി​ല, ഏ​ലം, കു​രു​മു​ള​ക് തു​ട​ങ്ങി​യ ദേ​ഹ​ണ്ഡ​ങ്ങ​ളാ​ണ് ജോ​മോ​നു​ള്ള​ത്. ഇ​തി​ല്‍ ര​ണ്ടേ​ക്ക​ര്‍ സ്ഥ​ല​ത്തെ പാ​വ​ല്‍ കൃ​ഷി​യാ​ണ് ന​ശി​ച്ച​ത്. ശ​ക്ത​മാ​യ കാ​റ്റി​ലും മ​ഴ​യി​ലും പ​ന്ത​ല്‍ നി​ലം​പൊ​ത്തി. മൂ​ന്നു​ല​ക്ഷ​ത്തോ​ളം രൂ​പ​യു​ടെ ന​ഷ്ട​മു​ണ്ടാ​യി​ട്ടു​ണ്ട്. ആ​ഴ്ച​യി​ല്‍ 90000 രൂ​പ​യു​ടെ പാ​വ​ക്ക​യാ​യി​രു​ന്നു ല​ഭി​ച്ചി​രു​ന്ന​ത്.

ത​രി​ശു​ഭൂ​മി പാ​ട്ട​ത്തി​നെ​ടു​ത്താ​ണ് കൃ​ഷി​യി​റ​ക്കി​യ​ത്. ഇ​തി​ന് ല​ക്ഷ​ങ്ങ​ള്‍ ചെല​വ​ഴി​ക്കേ​ണ്ട​താ​യും വ​ന്നു. നി​ര്‍​മ​ലാ​സി​റ്റി ഗ്രീ​ന്‍​വാ​ലി ക​ര്‍​ഷ​ക​സ​മി​തി​യി​ലെ അം​ഗ​മാ​ണ് ജോ​മോ​ന്‍. ജി​ല്ല​യി​ലെ ര​ണ്ടാ​മ​ത്തെ പ​ച്ച​ക്ക​റി ക്ല​സ്റ്റ​ര്‍ കൂ​ടി​യാ​ണ് ഗ്രീ​ന്‍​വാ​ലി. ജി​ല്ല​യി​ലെ മൂ​ന്നാ​മ​ത്തെ മി​ക​ച്ച യു​വ​ക​ര്‍​ഷ​ക​നാ​യി ജോ​മോ​നെ തെ​ര​ഞ്ഞെ​ടു​ത്തി​രു​ന്നു. ഇ​ന്ന് മു​ണ്ട​ക്ക​യം 35-ാം മൈ​ലി​ല്‍ ന​ട​ക്കു​ന്ന ച​ട​ങ്ങി​ല്‍ അ​വാ​ര്‍​ഡ് സ്വീ​ക​രി​ക്കാ​നി​രി​ക്കെ​യാ​ണ് കൃ​ഷി​നാ​ശ​മു​ണ്ടാ​യി​രി​ക്കു​ന്ന​ത്.