വാരാപ്പുഴയിൽ പോലീസ് കസ്റ്റഡിയിലിരിക്കെ മരണപ്പെട്ട ശ്രീജിത്തിനെ മോചിപ്പിക്കാനായി പോ​ലീ​സ് ഉദ്യോഗസ്ഥർ കൈക്കൂലി വാങ്ങിയതായി ആരോപണം. പറവൂര്‍ സി.ഐ ക്രിസ്‌പിന്‍ സാം 25,000 രൂപ കൈക്കൂലി വാങ്ങിയതായാണ് വെളിപ്പെടുത്തൽ.

ഇ​തി​ല്‍ 15,000 രൂ​പ ശ്രീ​ജി​ത്തി​ന്‍റെ ബ​ന്ധു സി​ഐ​യു​ടെ ഡ്രൈ​വ​ർ പ്രതീപ് കുമാർ കൈ​വ​ശം ന​ല്‍​കി. ശ്രീ​ജി​ത്തി​നെ മോ​ചി​പ്പി​ക്കാ​മെ​ന്നു പ​റ​ഞ്ഞാ​ണു പ​ണം വാ​ങ്ങി​യ​ത്. ശ്രീ​ജി​ത്ത് ക​സ്റ്റ​ഡി​യി​ല്‍ കൊ​ല്ല​പ്പെ​ട്ട​ശേ​ഷം ഈ ​പ​ണം ഇ​ട​നി​ല​ക്കാ​ര്‍ വ​ഴി പോ​ലീ​സ് തി​രി​കെ ന​ല്‍​കി​യെ​ന്നും ആ​രോ​പി​ക്കു​ന്നു.

അതേസമയം ശ്രീ​ജി​ത്തി​ന്‍റെ ക​സ്റ്റ​ഡി മ​ര​ണ​ത്തി​ല്‍ നാ​ലു പോ​ലീ​സു​കാ​രെ കൂ​ടി പ്ര​ത്യേ​ക അ​ന്വേ​ഷ​ണ സം​ഘം പ്ര​തി​ചേ​ര്‍ത്തു. വ​രാ​പ്പു​ഴ പോ​ലീ​സ് സ്റ്റേ​ഷ​നി​ലെ ഗ്രേ​ഡ് എ​സ്‌ഐ ജ​യാ​ന​ന്ദ​ന്‍, സീ​നി​യ​ര്‍ സി​വി​ല്‍ പോ​ലീ​സ് ഉ​ദ്യോ​ഗ​സ്ഥ​രാ​യ സു​നി​ല്‍ ബേ​ബി, സു​നി​ല്‍​കു​മാ​ര്‍, ശ്രീ​രാ​ജ് എ​ന്നി​വ​രെ​യാ​ണ് പു​തി​യ​താ​യി പ്ര​തി​പ്പ​ട്ടി​ക​യി​ല്‍ ഉ​ള്‍​പ്പെ​ടു​ത്തി​യി​രി​ക്കു​ന്ന​ത്.

ശ്രീജിത്തിനെ അന്യായമായി തടങ്കലില്‍ വച്ച്‌ മര്‍ദ്ദിക്കുന്നതിന് കൂട്ടുനിന്നു എന്നതാണ് ഇവര്‍ക്കെതിരായ കുറ്റം. ഇവരെ പ്രതികളാക്കി കൊണ്ടുള്ള റിപ്പോര്‍ട്ട് അന്വേഷണ സംഘം കോടതിയില്‍ സമര്‍പ്പിച്ചു.

അ​വ​ധി​യി​ലാ​യി​രു​ന്ന എ​സ്‌ഐ ദീ​പ​ക് സ്റ്റേ​ഷ​നി​ലെ​ത്തി​യാ​ണ് ശ്രീ​ജി​ത്തി​നെ ക്രൂ​ര​മാ​യി മ​ര്‍​ദ്ദി​ച്ച​തെ​ന്ന് അ​ന്വേ​ഷ​ണ സം​ഘം നേ​ര​ത്തെ ക​ണ്ടെ​ത്തി​യി​രു​ന്നു. എ​സ്‌ഐ അ​വ​ധി​യി​ലാ​യി​രു​ന്ന​തി​നാ​ല്‍ ഗ്രേ​ഡ് എ​സ്‌ഐ ജ​യ​ന​ന്ദ​നാ​യി​രു​ന്നു സ്റ്റേ​ഷ​ന്‍റെ ചു​മ​ത​ല. സം​ഭ​വം നടക്കുമ്പോൾ സ്റ്റേ​ഷ​ന്‍ ചു​മ​ത​ല​യു​ണ്ടാ​യി​രു​ന്ന​യാ​ള്‍ എ​ന്ന നി​ല​യ്ക്കാ​ണ് ജ​യാ​ന​ന്ദ​ന്‍ പ്ര​തി​യാ​യ​ത്. ജ​യാ​ന​ന്ദ​ന് പു​റ​മേ സ്റ്റേ​ഷ​ന്‍ ഡ്യൂ​ട്ടി​യി​ലു​ണ്ടാ​യി​രു​ന്ന മ​റ്റ് മൂ​ന്ന് സി​വി​ല്‍ പോ​ലീ​സ് ഉ​ദ്യോ​ഗ​സ്ഥ​രെ​യും കൂ​ടി അ​ന്വേ​ഷ​ണ സം​ഘം പ്ര​തി​പ്പ​ട്ടി​ക​യി​ല്‍ ഉ​ള്‍​പ്പെ​ടു​ത്തു​ക​യാ​യി​രു​ന്നു.